وأرى صورته عندما أنظر في مرآتي..ا
أرى تلك العيون البنية الواسعة المخضبة بحزن شتوي لم أعرف له تفسيرا حتى الآن..ا
أرى الجلباب الأبيض الفضفاض الذي اتسع لسنوات عمري العشرة واتسع لجسدي الصغير حين رغب في حضن كبييييير.. أشم فيه الرائحة الطاغية للافندر بعد الحلاقة..ا
أرى يده الضخمة التي اعتادت احتواء كفي حين كنا نعبر الطريق سويا..ا
أمد يدي للمرآة(ربما أخترقها وأسكن كفك ولو للحظة)، فتفاجئني برودة السطح المصقول..ا
عارفة إني مش هاشوفك تاني.. بس هو ده معناه إننا مش هنروح دار المعارف سوا؟
***
أخبرتني أمي بأن ذلك المتفاخر كثير الكلام الذي رأيته بالأمس يرغب في طلب يدي. تأتيني عيناك من البعيد ..تأتيني النظرة الشجينة تلك وقبضة اليد القوية تلك.. ويأتيني اللافندر الحديث/القديم .. أستجمع أشتاتي وأقولها ..ا
- لأ
*بس أنا أدرى بمصلحتك
أناديك بعزم ما في.. فيزداد شرخ الروح.. أسمع صوتك المرتعش يحاول طمأنتي.. فأكرره بيني وبين نفسي حتى يغلبني النعاس..ا
***
استيقظ من كابوس، فلا أجد دميتي بجواري.. أتلفت حولي في فزع..أحتضنها حتى تؤلمني ضلوعي.. واستعيذ بالله عندما أتذكر أن فلان عنده شقتين هيفتحهم على بعض!
استيقظ من كابوس، فلا أجد دميتي بجواري.. أتلفت حولي في فزع..أحتضنها حتى تؤلمني ضلوعي.. واستعيذ بالله عندما أتذكر أن فلان عنده شقتين هيفتحهم على بعض!
***
أجلس بلا نوم حتى الصباح..ا
***
يعني مش هنروح دار المعارف سوا؟
***
عندنا قلبين ممكن نفتحهم على بعض ..ا
سلم داخلي؟
***
يا ريت بيتك كان منو بعيد
والباب تحت البيت مش حديد
بلحظة بلاقيك..ا
بطلع تاحاكيك
حبيبي..ا
تاإقدر نام
"شو بخاف" لفيروز..لا أعرف .. تذكرتها دون مناسبة..ا
أجلس بلا نوم حتى الصباح..ا
***
يعني مش هنروح دار المعارف سوا؟
***
عندنا قلبين ممكن نفتحهم على بعض ..ا
سلم داخلي؟
***
يا ريت بيتك كان منو بعيد
والباب تحت البيت مش حديد
بلحظة بلاقيك..ا
بطلع تاحاكيك
حبيبي..ا
تاإقدر نام
"شو بخاف" لفيروز..لا أعرف .. تذكرتها دون مناسبة..ا
26 comments:
لا ضاعت الروائح.. لا ضاعت الأحزان الجميلة التي تجعلنا قادرين أن نقولها بصوت عال "لأ"، لا ضاعت المعارف ودورها والمشاوير إليها، لا ضاعت المرايا، والحكايا، والدمى..
لا ضعنا أبداً..
ربنا يحفظك يا غادة
أنا شميت ريحة اللافندر فى كلامك.. غادة.. إتمسكى وقولى لاء.. لو فعلا دة قرارك..
وإن كان ع الشقة اللى مفتوحين على بعض.. مسيرك يجيلك فيلا
وإن مجاش بلاها.. لو شقة واحدة مع حد تطيقيه أحسن ميت مرة وعندى بالدنيا
أحمدك يارب إنك رجعتى تانى
يا ساتر يا رب
انا انقبضت فعلا
أنا كنت جاية و شبه متأكدة إني مش هلاقي حاجة جديدة..بس الحمد لله :)
إحساسك دايما عالي قوي يا غادة..
أنا قلبي وجعني بجد..
حسيت انه أبويا أنا كمان..
شيء غريب ! عندما قرأت مدونتك هذه كان تعليقي : " والله حرام " . حرام أن تحبس روح كروحك في شقتين مفتوحتين على بعض ، ولديها الكون كله لتحلق فيه .
يا ستي ، مادامت الصورة معلقة على المرآة ، والذكرى حية في القلب ، والسؤال الحائر يطرح مرة واثنين وثلاثة .. لا أفكر أن ما ظننته " حراماً " سيحدث . ليست روحك فقط هي من تقاوم ، ذكرياتك أيضاً تقف حارساً لك ، وعليك .
عمر:
لا ضعت يا فنان! .. الواحد من كتر الزعيق بـ"لأ" صوته قرب يروح!
لست أدري:
باموت في كلامك البنوتاتي ده! .. ماتخافيش .. أنا جامدة ..كوح كوح.. جدا!
لون ولف:
معلش يا لون لو مقدرتش أكتب حاجة أكثر بهجة من كده! اعذرني..
نور:
كان إنسان جميل يا نور الله يرحمه .. متهيألي أي حد في الدنيا يتمنى لو كان أبوه .. حتى لو 11 سنة بس..
:)
anonymous:
يا ترى إنت نفس الـ
anonymous
اللي علق على البوست اللي فات؟..
عموما -حتى لو معرفتش اسمك- تعليقاتك بتبسطني ..
ما تخافش عليا .. مش باقدر أستحمل الكتمة، عشان كده بتجيلي الشجاعة الكافية للحفاظ على مساحتى من البراح. شكرا على مجاملتك، وادعيلي بالثبات..
:)
. متألقة كالعادة يا غادة.. لأ كل مرة بتتألقى أكتر وتكسرى العادة
ربنا يحميكى ويحمى قلمك (كيبوردك) -وجعتينى بكلامك عن صورته وجلبابه والحضن الكبير
فكرتينى بتدوينتين لإيجى جيرل 1 2 تعبونى بردو
بس انا مطمنه عليكى وعلى لأ بتاعتك.. يا بتاعة مصر مش كده..
عندنا قلبين ممكن نفتحهم على بعض ..ا
سلم داخلي؟
so sweet
ربنا يخليكي يا بنت مصرية..بتأسرني طريقة قرايتك دايما والطريقة اللي المعنى بيوصل بيها ليكي..
أنا كمان عاجبني موضوع السلم الداخلي ده
:);)
لم أعرف أن رائحة اللافندر لا تزال قادرة على مسح كل بيوت العنكبوت اللي عشش على قلوبنا وأرواحنا ومرايانا! كنت ناوي اكتب حاجة عن والدي رحمه الله يوم عيد الأب (الذي عرفت به من ميديا)، كان نفسي أكتب حاجة بس ضغوط الحياة اليومية التي تحرمنا حتى من أحلى وأغلى ذكرياتنا التي تمثل لنا طاقة الدفع للأمام.. إلى الأمام يا غادة!
مع إن اللافندر ريحته بتطير بسرعة جدا -أكيد ده طبعا بسبب تركيزه الخفيف في الإزازة- إلا إن فيه شوية حاجات يا علاء ماينفعش تطير من روح الناس..
متهيألي إنها نعمة لما شوية نوستالجيا متجسدة في كام حاجة من الماضي تزورك وتديلك الونس والحس اللي إنت مشتاق له قوي قوي قوي..
اكتشفت من كام يوم إن فيه معطر جو بريحة اللافندر! .. اتسمرت قدامه .. ودلوقت مش بانام قبل ما أرشه .. يمكن يكون غلط على التنفس بس حلو قوي للروح.. مايتوصفش إحساس الدفا اللي الريحة دي بتديهولي!
محتاجة أقرا تدوينة عن والدك يا علاء .. إنت قلت لي إنك نفسك تعمل الموضوع من زماااان قبل موضوع عيد الأب ده.. إنت مش محتاج تاريخ بالمناسبة عشان تكتب .. كونك بتفتكره على طول ده شيء لازم تحتفل بيه جواك إنشالله كل يوم
:)
ما تتحججش بالوقت من الآخر..
:D
ضيف عزيز يا صاحب الفروة الذهبية دايما..
شكرا لمرورك يا أعز الناس ..
مش عارفة .. ماعتقدش إن فيه حد زي بابا الله يرحمه.. أو إن ممكن حد يجي مكانه في يوم من الأيام..
ممكن يجي حد "فيه" منه .. ويسكن جنبه في قلبي.. يبقو جيران جوايا.. إنما مافيش حد فيهم ياخد مكان التاني أبدااا:)
ادعيلي بقى وبخري نفسك!
عندنا قلبين ممكن نفتحهم على بعض
ده يعتمد على المسافة بين القلبين .
هل هما متجاورين واللا فيه حد بينهم.
Anonymous here is not me :-)
دخيلك يا أمي .. ما أدري شو بني
اتركيني بهمي .. زهقانة الدنيي
باذكر من سنة .. وأكثر من سنة
شفته تحت اللوزة .. بـ هالفي الهني
وما بعرف عطاني .. يمكن سوسنة
ومن يومها يا أمي .. ما أدري شو بني
فيروز
friends:
يا ستي هو إحنا لاقيين
:P
باشكاتب:
"حيث يكون ما نشعر به أكبر بكثير وأعمق وأقوى من أية حروف وتعابير.."
يمكن ده السبب اللي مخليني مش راضية عن أي حاجة اكتبها عن والدي..بس أديني باحاول..سعيدة بمرورك جدا
:)
معاذ:
الهندسة لسه تاعباك كده
:)
يا سيدي الكباري والأنفاق بتحل كل حاجة!
شوكير:
الكلمات دي جميلة قوي، وبالرغم من إني باعشق فيروز وأغانيها إلا إن الأغنية دي ما عدتش عليا قبل كده.. ياترى اسمها إيه؟ محتاجة اسمعها ضروري
:)
اسمها دخيلك يا امى
لو تحبى ابعتهالك يا غدغود
mp3
:)
قريت حكاية بكتب زرقاه
عن حلوايه تشكى الفرقة
قصتها بكتنى اخدتنى الدنى
ومن يوما يا امى مادرى شو بنى
ميرسي يا بنوتة على الأغنية وعلى الدلع وكل حاجة..
هي فعلا جميلة بس إنت الأجمل
;);)
غاده
واضح إنى جيت متأخر أوى ..وواضح كمان إن بنت مصريه قامت باللازم
فين جديدك ؟
الأغنية جميلة فعلا يا احمد .. متشكرة ليك عشان عرفتهالي..
الجديد في الطريق .. ربنا يسهل يعني!
هل الروحانيات ممكن تطغى على الماديات ؟؟
هل ممكن ان احنا مانخافش فى بيئة اتربينا فيها على الخوف
اه بالمناسبة ممكن الشقتين المفتوحين على بعض دول تكون كل شقة فيهم اوضة وصالة وممكن يكونو فى كفر الجبل ولا الدويقة
هههههههههههههههههههههههههههههه
انا اول مرة اخش هنا
بصراحة موضوعك عجابني اوي
المشكلة اللي انا حسيت بيها اني ممكن في يوم من الايام اخد واحدة من ريحة ذكرياتها وادفنها في شقتين مفتوحين علي بعض
عشان ساعتها هابقي مش عارف اعمل غير كده...كابوس
طاهر:
احطيت إيدك على الجرح .. الخوف.. بس إحنا مش خايفين
:)
pianist:
سعيدة بمرورك..يا رب تكون زبون دائم وضيف عزيز..مقدرة قلقك ومبسوطة إن فيه ناس لسه بتفكر كده!
yaaaaaaaaaaaaa ....entee da'7ltee goooo albee geden....leo tolstoy be2ol el masel el a3laa lel gamal nafes gamelaa fe gased gamel....a3taked da ykon entee ya ghada......men zarkaa el yamamaa
انا بجد بعشق الكتاب بتاعك
أنا قريته فوق الخمسين مرة
كل ما بحس إني مخنوقة برجعله
بجد بيفرق معايا
خصوصا إني بعشق اللافندر و بعشق الرقي في كلماتك و مشاعرك
و بعشق بيت من سكر
و بس كدة ^_^
موفقيييييييييين .... اختيار موفق :)
Räumung
Räumung Wien
entsorgung wien
الله معكم .. دمتم مبدعيين
هايدلبرج سبيد ماستر
هايدلبرج سبيد ماستر 5 لون
هايدلبرج سبيد ماسترHeidelberg Speedmaster
هايدلبرج سبيد ماسترHeidelberg Speedmaster
Post a Comment