Sunday, March 26, 2006

يا دبلة الخطوبة عقبالكم كلكم..


بالرغم من إننا استنينا 3 شهور بعد قراية الفاتحة لحد ما نلبس الدبل لظروف عوائلية..وبالرغم من إني ماعرفتش أعزم كل الناس عشان بيتنا مكانش يستوعب.. وبالرغم من إن الست بهدلتلي وشي بالمكياج، وخلت لوني بلو بلاك (قال يعني أنا ناقصة).. والجاتوة اللي اتفقنا عليه ماجاش واتبدل بجاتوه تاني مش قد كده.. والـ"دي جي" كان عبارة عن تقريبا 3 أغاني بيتعادوا وكل شوية الراجل يشغل اسماء الله الحسنى فالناس تقعد! .. وبالرغم من كام حاجة مبهجة من النوعية دي.. إلا إن..


شوية الرقص والضحك ودموع الفرحة اللي شفتها في عنين الناس.. سواء أهلي أو أصحابي أو أهله.. حضن سمر بنت خالتي ودموعها.. وآية اللي جاتلي بالليل عشان تقول لي إنها عيطت لما شافتني طالعة على السلم هي كمان.. وتصفيق العيال صحابي وزغاريطهم.. والجزمة اللي اتقعلت!.. ودموع خالاتي كلهم وكلمة خالتو شادية "بت إنتِ أنا مش هاحضر فرحك.. مكنتش أعرف إن الموضوع هيبقى صعب كده!".. وضحكة سمر بنت خالته واندماجنا الفوري، وشلة البنات من عيلته وعيلتي .. ونظرة مامته ليا (الست دي سكر بجد).. ومنظر الدبله في إيده..

كل الحاجات دي عرفتني إن المسألة عمرها ماكان ليها علاقة بالـ"دي جي" ولا الأكل ولا القاعة ولا أي عك من ده.. عقبالكم كلكم ..

51 comments:

محمد هشام عبيه said...

لما أكلت الشيكولاتة وداب طعمها الحلو في بقي قلت لما أميل كده على البلوج وأشوف ياترى ياهلترى غادة كتبت حاجة عن اليوم الفريد واللحظة الفريدة والدبلة الفريدة "مين فريدة دي!!" ولا لأ..والحمدلله لم تؤثر الشيكولاتة على ذكائي..ولقيت كاتبه فعلا..
لولولولولولولولولوييييييييييييييي!
معلهش الزغرودة طلعت مكتومة عشان عندي شوية برد!
26734583826474 مليون مبروك يا أستاذة..ويارب يجمع مابينك أنت وحامد دايما على خير.. وتجيبوا لنا غادغيد وحامميد صغيرة كده تكسر الدينا وتنشر البهجت في الحياة
صباح الفرحة النقية

kalam said...

مبروووووووووووووك
انا عارف بالظبط انتى بتتكلمى عن ايه
وحاسه بايه
عقبال الفرح

Omar said...

قوي قوي قوي قوي قوي.. مبعرفش ازغرط زي هشام، بس ألف مبروك وعقبال الزفاف، وربنا معاكم يا بنتي

ماشى الطريق said...

الف مبروك يا غادة

Dido's^^^ said...

غــــادة .. يـا أجمل عروسة
بتهرجي بجد ... 3/26 ده يوم خطوبتنا أنا و عادل :)
بس احــنا 2004 .. و احنا لسه بنحتفل بيه بعد الجواز لأن ده أحلي يوم حسينا فيه بفرحة تحقيق الحلم بعد كام سنة حب و كلية و قراية فتحة
ألف مبروووووك .. أنا فرحانة بجد و عقبال كل البنــات
love .. hugs .. kisses ... cakes .. baloons ... we kol el hagat el helwa el mofre7a el tanya

حـدوتـة said...

ألف ألف مبروك يا غادة!!! أجمل حاجة مناسبة زي دي في الربيع :) ربنا يجعل كل أيامك ربيع وورود :)

*~Daisy~* said...

alf mabroooooooooooooooooooooook :D
(wallahi wala ana ba3raf aza3'rat fel 7a2ee2a,
we 3andy asbab keteer te7'alleeny wathqa enn el gazma mesh 7atet2ele3 menny :D )

Anonymous said...

مبروووووووووووووووك :)
عقبال الفرحة الكبيرة
وعقبالنا كلنا :)

aiman said...

حاجات حلوه كتير ....
عيد ميلادك ... والخطوبه
...
اللهم ارزقها صفاء السريره ومن تحب لينعما بطاعتك و يكونا خير خلف لخير سلف

لـيـلـيـت said...

مبروك يا مدام حامد

Lasto-adri *Blue* said...

غادة... انا بقى لى فترة مش فى حالة كويسة خالص... بس لما جيت عندك بالصدفة وقرأت اللى كتباه.. ما تتخيليش قد ايه انا بجد مبسوطة جدا وفرحانة لك من كل حتة فى قلبى.. عشان انت انسانة جميلة قوى يا غادة وتستهلى كل خير وزيادة شوية

يابخت حامد بيكى.. ويبختك بيه
وعقبال ما تكموا ميت سنة مع بعض وتشتاقوا تتقابلوا فى الجنة تانى

:) :) (F)

Anonymous said...

I am a man, I don't know you at all and you don't know me as well, but I am very happy for you, in fact I am very happy to see someone who can love, be happy and to share this. Thanks a lot for sharing your love happiness, you made my day, 1000000 Mabrouk for you and Hamed and I wish you all the best.

N.B.: Sorry for writing in english, I have no arabic keyboard or office.

new kid in the block said...

mabrouk ya ghada wish you all the best and to be happy ever after

Aladdin said...

ألف مليون مبروووووووووووك يا غادة أنتي وحامد بصراحة جت ف وقتها وعقبال الكثير من الغداغيد والحماميد على رأي هشام ونكيد الحكومة وبتوع تنظيم النسل!!!

صحيح مأخدتش بالي خطبة مدون ومدونة دا خبر صحفي .. الحق يا عمر انت وهشام ووضبولنا الخبر والصورة دبلتين مكتوب عليهم "مع نفسي" و"تهاويم"...

Eman M said...

نحن السابقون و انتم اللاحقون :)
يا رب تكون أيامكم كلها جميلة

radwa osama said...

مبروك يا جميل..التدوين وشه حلو علينا كلنا ..ده ثالث خبر خطوبة اسمعه النهارده عن مدونة

SPRING said...

مبرووووك
عندوكو شقة ولا لسه؟ لو عايزه قولي

Moia said...

الف مبروك يا اجمل واصفى غاده اللى بالرغم من انى مشوفتكيش ومعرفكيش غير من هنا الا انى حاسه بروحك الجميله من هنا... :)
الف مبروك ولله مش اصحابك بس اللى عيطوا من الفرحه ...بيتهيالى كل اللى جم هنا فرحولك وعيطوا عشان فرحانينلك اوى اوى واى ...الف الف الف مبروك ربنا يهنيكى ويسعدك ويديكى اللى يرضيك يا رب يارب يارب

santakarim said...

alf mabrok .. bla torta bla batngan :-) mafish a7la man alfar7a al 7a2e2eh aly fi 3yoon aly 7awliky :-)

Doaa Samir said...

ألف مبروك يا غادة.. دروت على كلمة تانية مختلفة وجديدة أقولها غير "مبروك" بس مش لقيت غير
version
تانية لـ "مبروك" بس خاصة بيّ أوي وليها معايا ذكريات
فمعلش..خليها مبروك م القلب
(:

Nour said...

ألف ألف ألف ألف مبروك يا غدغود

طبعا إنتِ عارفة أنا قد إيه فرحانالك فمش هارغي كتير بقى

:)))))))

ملحوظة: أنا كده ليا عندك شيكولاتة الفاتحة و آدي الخطوبة كمان

حسابك تقل يا بنت

:PPP

السهروردى said...

ألف مبروك يا غادة
فرحتين ورا بعض كدا
عيد ميلادك و خطوبتك
ألف ألف ألف مبروووووك

Haitham said...

انتى بتتكلمى بجد خطوبتك كانت يوم الجمعة اللى فات .. مش تقولى ياغادة .. مبروك اتى وحامد

ميشيل حنا said...

ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف ألف مبروك :)

saiko said...

really i dont know you but i fell happy for you - may coz you write amazing words
rabna ywfa2k wa mabrouk begad

hesterua said...

الف مبروك
وحياة موفقة باذن الله

Ghada said...

يا جماعة الله يبارك فيكم واحد واحد وواحدة واحدة..
من كتر التعليقات مش عارفة أقول إيه ولا إيه.. بجد اسعدتوني، وحسيت في كلامكم بدفا الصحبة...
ربنا يخليكم ليّ..

بجد لساني معقود!
(",)

Gazzer said...

ana mosh fahem eh el nas ely betet7'eteb abl may3addy 3alieha rob3 karn men el zaman de:P

alf mabroukeen ya agmal etein:)

@z3nF said...

الف مبروك
و الله كلامك حلو
يا ما ناس عملوا العمايل و جابوا كيكات من فرنسا و اسراف ماله داعي
و بالاخير يملوا و يطفشوا
ــــــ
عقبال الزواج و الله يوفقكم

هوميروس said...

اول مرة ادخل عندك الاقيكي اتخطبتي
طيب انا هدخل المرة الجاية علي طول علشان تكتبي الكتاب
مبروك

Ahmad El-Saeed said...

Alf Alf mabrook ya ghada , we ensha2alllah bel rafa2 we el baneen ... rabbena yegma3ko 3ala 7'eer .

bass argoky matbatalesh ketaba zay emanm keda , 3ashan keda el nas elly betekteb 7elw 3ammala te2el ..

waiting for new post !

free soul said...

Alf mabroook,

really pleased to hear this good news, rabena yekremko we yewafa2ko NSA

Maged

نعناعة said...

الف الف مبروك يا غادة وعقبال الفرح ان شاء الله

Sarwa said...

مبروك ياستى

أبوعمر said...

ألف ألف مبروك يا غادة
ياااااااااااااااااااااه
هو بجد انتي؟
ألف مبروك وربنا يتمملك بخير
ولو انك ما ادتنيش الشيكولاتة
انما ما يهمش
لينا واحدة

elFool said...

mabrook,
i spend hrs every day from one blog to another, and i consider my self lucky to pass by your blog today, i liked (تأكلني الرغبة).
and again mabrook, bas mish 3oqbal 3andi :) ana lesa 3andi shwait amal ;)

MoonLightShadow said...

Alf Mabrouk ya Ghada.. May you live the happiest days together :)

Ghada said...

gasser shams:
rob3 karn.. mosh shayef eno 2olayel? :P

allah yebarek feek :)

Z3nf
الله يخليكي يا فندم.. بس لو ينفع تعرفينا عن اللي بيجيبوا الكيكات من فرنسا أكون شاكرة! احم..

humiros:
إنت لسه مادخلتش ولا إيه :))؟

ahmed el sa3eed:
allah yebarek feek.. el nas eli btekteb 7elw malya el denia bgad.. that doesn't include me akeed!

free soul:
نعناعة.. الله يبارك فيكي. ادعيلنا

sarwa:
الله يبارك فيك

ابو عمر:
أيوه أنا والله! متخيل؟ .. :)
ليك شيكولاتايه طبعا.. لأ 3.. إنت والمدام والصغيور.. ربنا يخليهولكم ويبارك لكم فيه

El fool:
eah el tafa2ol da bas:) ! am glad ur liked the blog..

moonlight:
allah yebarek feeki ya 7abebty.. i wish u the same

rony_al3geeb said...

مليون مبروك يا غادة .. أنا عارفة انها متأخرة بس يا رب تقبليها

Mist said...

;S
متأخرة موت..بس الحق يتقال من الناس اللي باحب أرواحهم الطالّة وكتابتهم جدددًا

ربنا يبارك لكم يارب

Ghada said...

الله يبارك فيكي يا روني ويا سديم..
مقبولة طبعا..
سديم.. بتابع بلوجك بصفة مستمرة، اعذريني على كسلي في حكاية التعليقات دي..
وعقبالك لو لسه
;)

Tara said...

ألف مبروك يا غادة
و انا آسفة ع التأخير الفظيع لاني كسلت فترة عن قراية المدونات
بس فعلا خبر حلو
الله يتمم لك بخير يا حبيبتي ويسعدك
:)

gogo said...

ألف مبروك ياحبيبتي انا ........ مش عارفه هتعرفيني ولا لاء جي جي
مبــــــــــــروك معلش متأخرة بس بجد فرحت لك جدا

معاذ رياض said...

أنا جاي أقول مبروك متأخر طحن .. بس عايز أقول كمان ان "ماعرفتش أعزم كل الناس عشان بيتنا مكانش يستوعب." مش حاتنفع معايا في كتب الكتاب ، ما تنسيش تعزميني في الفرح .. اوك ؟

Ghada said...

إن شاء الله يا معاذ.. أكيد :)

خالد said...

بالمصادفة كنت مار على هذه البلاد
وشفت موضوعكي
وحبيت أباركلكي الخطوبة
واللي بمكن الآن اتحولت لزواج ما بدري
الموضوع قديم جديد الله أعلم
بس كل اللي عندي إني راح أقوللكي
ألف ألف مبرووك

MAIS QUBBAJ said...

HIZ I DONT KNOW U AT ALL
BUT
الف مبروووك و عقبال الاولاد و البنات و ان شاء الله الله يبارك هذا الزواج و يجعل منكم اسرة مسلمة حقا و جميلة و فرحتيني عن جد

Anonymous said...

الف مبروك ، وربنا يتمم لك بخير ويرزقكم التفاهم

زى مكتشتفى ان الدى جى والحاجات دى ملهاش اى علاقه بالفرح الحقيقى ، كل شئ هتجيبوه بعد كده فى عشكم السعيد والمصاريف واللذى منه ملهاش علاقه بردو بفرحه وسعاده الجواز الحقيقى

وربنا يوفقكم

maha said...

سلام عليكي يا غادة
الفالف مليون مبروك
فعلا الفرح مش بيكون فيالاكل و الاغاني و لكن في براءة الاحساس و صدق العيون الفرحة
ربنا يتمم لكم علي خير و يسعدكم يا رب
مها

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................

shams said...

كل يوم لازم اقرا ليكى حاجة عشان اتأكد ان لسه قدامى أمل انى ابقى مع اللى اختارته...انتى بجد امل ناس كتييييييير اوى انا واحدة منهم...بستمد املى منك ربنا يسعدك دايما يارب