Sunday, August 13, 2006

فيروز كراوية: ع الحلم ناقشني

فيروز كراوية: ع الحلم ناقشني




للصورة الملائكية التي رسمها جار القمر لفيروز كراوية.. ولتحمس عدد كبير من المدونين لها منذ فترة، شعرت بأنني سأفتقد الكثير إن لم اسمعها.. اقترحت الفكرة على الأنتيمة مريم والعزيزة مروة.. وأخبرتهن بأنني سانهار إن لم اسمعها! تبادلنا بعض الإيميلات، وانتهى بنا الحال على ثلاثة كراسي في قلب قاعة الحكمة تماما وفي موقع أقل ما يقال عنه بأنه ممتاز.


عزمت على أن أستمتع بالحفل كما طلب مني في رسالته التي وصلتني قبل بدء الحفل بدقائق.. خفتت الإضاءة قليلا وامتلأ المكان بالبشر في لحظات.. فيروز كراوية تشبه ميرنا المهندس بشكل مفزع.. بسيطة جدا في ملابسها.. قد لا تميزها من وسط الجمهور..

ما إن بدأت في الغناء حتى اعتقدت أن الحزن يليق عليها.. وقد كان!

معظم الأغاني كانت شجينة وجلد-ذاتية (!) بطريقة أو بأخرى..
"تحس ف وسط ضلوعك قلب قزاز".. (يا وجعي!)
" ع الحلم ناقشني.. كأني ملحمة أو نجما ف السما" :)

أحببت الموسيقى و"بعض" الكلام.. وبين الأغنيات أخبرت مريم أن صوتها ليس بهذه القوة، فالهنات كثيرة وأحيانا ما يحتد الصوت أكثر من اللازم أو يخفت فيغيب! من الممكن أن تكون مرهقة أو لم تتدرب بالشكل الكافي.. لا أستطيع الحكم عليها من حفلة واحدة لكني لست واثقة من أنني سأتحمس لحضور حفلة أخرى.. لا أنكر أنها أبدعت في الأغاني ذات الإيقاع السريع.. خفيفة الدم.. أغنية "دمك تقيل" مثلا أو "يا بنات".. والتي لم تتطلب مساحات صوتية واسعة بطبيعتها.. لكنني إن ذهبت لأجل الطرب، لكنت قد أصبت باحباط مزمن!

ما لا أدري سببه حقا هو ارتفاع حالة الـ Euphoria أو النشوة في المكان.. كان التصفيق والصراخ أكثر من المطلوب.. وثمة موزع موسيقي (على ما يبدو) جلس خلفي مباشرة وصمم أن يضيف لمسته السحرية على معظم الأغاني بأصوات أصدرها من فمه مثل " تسسس تسسسس ودش دششش" (؟!)

أما ما يحسب للحفل حقا، فكانت الموسيقى.. وجدت الألحان رائعة.. عمرو جاهين يلعب العود باجرام (إن جاز التعبير).. محمد درويش موهوب.. وصاحب الكمان (اعذروني للزهايمر) بديع جدا.. الكلمات بِكر، ومليئة بالروح وإن تشابهت..

ذكرتني تجربة فيروز بتانيا صالح.. لكن الأخيرة تكتب وتلحن وتغني.. لهذا ربما استفزتني فكرة أن يكون الحفل لـ "فيروز كراوية" بل هو لـ"كوثر مصطفى" و"سيد محمود" و"أحمد حداد" و"عمرو جاهين" و"تامر فتحي" والملحنيين الذين لا تسعفني ذاكرتي بأسماءهم وكل من شارك.. (لسبب ما لم نأخذ برنامج الحفل)

وعلى المستوى الشخصي.. تحمست لفيروز لأنها تشبهنا كثيرا، ولأنه من الطبيعي أن أتحمس عندما يقف من يشبهنا على المسرح.. كنت سعيدة لكسر الروتين وللقاء مريم.. سعيدة لأنني قابلت رضوى صاحبة الكتابة التي لا تشبه أحد، وسعيدة أكثر لأنه تشبه كتابتها.. وأخيرا سعيدة لأنني لم أخذله وكنت سعيدة!
--
العنوان من أحد أغاني الحفل.. ظل يرن في بالي حتى الصباح..

22 comments:

Sherif Nagib said...

أتفق معك في معظم النقاط ، و لكن عن نفسي ذهبت للحفل بدون توقع لصوت طربي أو مجلجل..و إنما لنوعية الأداء و الأغاني التي تحدث عنها جار القمر و عمرو عزت. أعجبتني بعض الأغاني ، بينما جعلني تشابه بعض الأغاني المتتالية أفصل و أملّ بعض الشئ، أو لعله جو الحفلات الذي لا قد لا يسمح بنوعيات معينة من الأغاني التي تحتاج لموود خاص للواحد يسمعها فيه.. برضو الواحد لما بيسمع أغنية لأول مرّة بيبقى تقبله لها مختلف عن المرات التالية. الأغنية الأولى (بتاعة القهوة) كانت أكثر أغنية عجبتني. هذه أول مرة أرى عمرو جاهين أو أسمع عزفه و هو بالفعل مجرم. أيضاً عازف الكمان كان جيد جداً. بصراحة أغنية العرب بتاعة "الشرق و لا الغرب" لم تعجبني بالمرّة.. ربما هي أكثر أغنية لم أحبها في الحفلة.

بالنسبة للجمهور.. الحقيقة أن التصفيق كان كثيراً، و لكنه لا يعد مزعجا بالنسبة لي إلا عندما يكون مع الأغاني. كان فيه أستاذ قاعد ورايا على الشمال قال لي صديقي أنه سمع أحد يدعوه "محمد كراوية".. و هو في الغالب والد فيروز.. الأستاذ محمد لم يتوقف عن التشجيع الحماسي طوال الحفل.. و أنا لا ألومه كرجل سعيد بابنته.. و لكنه كان متحمساً جداً جداً و كان يصرخ في الفتيات الجالسات من حوله طالباً زغرودة " إيه يا بنات.. عاوزين زغرودة.. ماحدش بيعرف يزغرد ؟! "

قابلت جار القمر بعد الحفل و قال لي " حلو.. بس فيه أحلى". و أجدني أتفق معه.

سامية said...

أنا كمان كان عندي فضول شديد من كتر الإعلانات اللي اتعملت عنها والناس اللي اتكلمت عنها بحماس. في الآخر ما عرفتش آجي الحفلة بس معظم الناس اللي حكولي كانت انطباعاتهم متقاربة وتؤكد إني "مافاتنيش كتير" على حد قولهم. بس برضه لسه عندي فضول فلو أي حد سجل حاجة من الحفلة يبقى لطيف

الأغنية اللي عجبتك يا شريف بتاعة أحمد حداد
:))

radwa osama said...

غادة الجميلة ..بجد شكرا

شكسبير said...

هههههههههههههه
مجرد رد فعل
لن استسلم
!!!!!!!!

حـدوتـة said...

إيه ده إنتي كنتي موجودة؟؟ إزاي ما شفتكيش؟ ده كان في ناس كتير جداً من المدونين يومها في الساقية...لدرجة إني حسيت إن حد ممكن يستغل غيابنا من على الكمبيوترات بتاعتنا ويعمل إنقلاب وياخد مننا الإنترنت :)

المرة الجاية خليني أشوفك :)

aboaml said...

غادة محمد محمود
تحياتى
سبق ان قرأت قصة تخيلت نفسى
واعجبت بها
ولكن عندما قرأتها فى مجلة العربى
لم اشبع نهمى فى قرائتها اكثر من مرة
تحياتى

Sherif Nagib said...

نعم عجبتني لحناً و كلاماً، و كنت باصفق لبقية الأغاني على حسها :) أنا كنت نسيت مين لحنها و مين ألفها لأن الواحد تاه في الأسامي و الورقة بتاعة البرنامج ضاعت للأسف.

الغـــــــــــــريب said...

عارفين أجمل حاجه فيكم أيه
أنكم بتحبوا بعض
وبتحبوا الحياه
صعب تنكسروا
عودكم صلب
كل يوم باكتشف فيكم حاجات جديده
بحبكم من غير ماشوفكم
أنا مين ؟
مش مهم
تقريبا واحد مات من كتر السكوت
أمبارح كنت عايش والنهارده بــموت
تحياتى

Ghada said...

sherif nagib:
صباح الخير أولا..

ثانيا أنضم إليك بشده في حكاية أغنية الشرق والغرب دي... كنت حاسة إنها كانت سد خانة وف وسطها كنت هاموت من النوووم!

ده أنا محظوظة على كده إن محدش طلب مني إني أزغرط بقى :)
كنت بأقول لمريم ومروة لما رحنا إن أكيد كل الناس دي قرأت مدونة جار القمر!

سامية:
واحشاني قبل أي حاجة.. فعلا مافاتكيش كتير.. مروة عشان عامله اشتراك في الساقية كانت هتموتنا لو كانت دفعت أكتر من 5 جنية!

أغنية القهوة عجبتني وكمان أغنية شوية صداع.. برضه متهيألي إن أحمد هو اللي كتبها..
يا ترى مين ممكن يكون سجل؟

رضوى:
يا حبيبتي العفو.. شرف لي إني أقابلك ولو لدقيقتين :)

حدوتة:
أنا كمان سمعت إن فيه أمة من البلوجرز كانوا موجودين، بس مشيت على طول إنت عارفة.. الشبشب بيترفع عندنا بدري شوية!

أنا كمان نفسي أشوفك قوي.. إيه رأيك لو كل واحد علق بادج؟.. "هنا بلوجر" وكده..

aboaml:
سعيدة جدا بتعليقك والله! ماتتخيلش التشجيع ده بيفرق معايا قد إيه بجد..

الغريب:
بتموت ليه بس؟!

Captain L.J.Silver said...

3andek 7a2 ...ana sem3t 3an el 7afla aslan fe modawana we lamma ro7t et7`addait men kotr el za7ma da awalan ...we el tas2eef kan mobala3` feeh shwya bas 3ady ana 2olt yemekn so7abha 2a3deen .....bas a7eb adeef 7aga ...kalemat "A7AMAD 7ADDAD" fe3la saey2a lel3`aya la to3abber 3an ay shai2 ..we el moseeba enno kalam mesh maqfy kaman ....kanet aswa2 talat o3`neyat fe el 7afla elly howa me2lefhom ......a7san o3`neya tab3an kanet "TA7`AYAL " !

Captain L.J.Silver said...

AAAAH we neseet a2ool 7aga ...sadmet el 7afla lamma 2alet "we bashkor goozy saif"..ana 2olt ya nehar abiaaad ...howa enty metgaweza kaman ?????????????mesh bayen 3leha 7`aaaaaaaaaaaaaales !

Zengy said...

أزيك يا غادة أنا سمعت من مصادر مطلعة أنك كنتي قاعدة ورايا باين

البنت الحقيقة كانت مخيبة للآمال جداً صوتها من وجهة نظري أقل ما يقال عنه أنه كان نشاز جداً

يالا بقي يا ريتني كنت جبت ستيكر لدعم المقاومة بالعشرة جنيه أحسن

Ghada said...

Captain L.J.Silver:
لأ انا ماقلتش إن كلمات أحمد حداد سيئة.. الحقيقة إن الولد فعلا موهوب، وبيثبت نفسه يوم بعد يوم..

أنا كمان اتصدمت لما قالت سيف جوزي!.. الحقيقة زعلت على جار القمر قوي!

zengy:
على فكرة يوم الحفلة سمعت حد بينده لك، فضحكت في سري، بس ماشفتكش.. غريب قوي إن الواحد يقول على نفسه غادة مع نفسي أو زنجي أو كده!

وإمبارح شفتك من ضهرك! حدوتة شاورتلي عليك، أصلي كنت قاعدة جنبها
:)

on_line_any_time said...

لو عندك اغنية متسجلة ليها ياريت تبعتيها او حتى تحطيها عندك عشان نسمعها لان بصراحة بعد الكلام اللى قاله عنها جار القمر بقى نفسى اسمعها اوى بس يا خسارة معظم الاراء فيها ان صوتها مش حلو مع ان لما شفتها قلبى اتفتحلها اوى و اتمنيت ان يكون فيه صوت مصرى جديد الواحد يسمعه

Ghada said...

للأسف معنديش حاجة ليها.. هي مكانتش قوية قوي يعني!

haisam (jarelkamar) said...

البنت مش بالشاعه دي .. اللي حصل بس ان التوقعات كانت عاليه حبتين تلات حبات .. عارف ان البوست بتاعي عطى فكره لناس كتير انهم حايسمعوا حاجه فوق الطبيعيه .. بس انا كان فعلا عندي الفكر دي .. البنت كانت رائعه في الحفلات اللي حضرتها ,, و دماغها كانت توحي بان شغلها الخاص حايكون غير طبيعي .. انا كنت اكتر واحد محبط بعد الحفله الحقيقه .. كنت متوقع شغل اعمق من كده و مزيكا اقل استهلاكا من اللي حصل ده .. عجبني جدا عازف الكمان الاليكتريك .. و لاني اساسا بعزف كمان فكنت فاهم شويه ليه الراجل ده فوق المحترف ,, و بصراحه من نص الحفله كده سبت الغنا و كل العك اللي كان بيحصل و ركزت معاه تماما .. كام اغنيه عجبوني ..بس لازم برضه نحسب عامل ان الاغاني الجديده وقعها في النفس غير لما تسمع سيد درويش او منير او غيره من صوت جميل .. فيروز نفسها الحقيقه نشزت كذا مره .. و ماكانتش واثقه اوي في اللي بتعمله .. غير طبعا كام حتة استظراف و تقل دم .. و اسلوب كلام عرجي شويه زادوا الطين بله .. بس ممكن نبرر اللي حصل ده بقلق اول حفله .. الناس اللي حضروا الحفله التانيه قالوا انها كانت احسن كتير
..

أنا كمان اتصدمت لما قالت سيف جوزي!.. الحقيقة زعلت على جار القمر قوي!

:-(

اه .. مش كده و النبي

Ghada said...

أنا كنت مقدرة موقفك جدا على فكرة.. كان عندي إحساس إن ناس كتير هتتهمك بإنك إنت اللي بعتهم البعتة دي :)

محدش إستناك برة ولا حاجة ؟
وبخصوص سيف.. آة كده والنبي :) !

Eman M said...

انتى بتهرجى على فكرة بقة :(
يعنى انتى كمان كنتى عارفة اننا كنا موجودين و ما تجيش تسلمى بسرعة حتى؟ :(
كان نفسى أشوفك أوى، كان فيه كمية مبلوجين كتير أوى و اتعرفنا على ناس كتير أوى .. كلنا كان عندنا نفس الصدمة فعلاً.
أتمنى أشوفك فى فرصة قريبة

Ghada said...

لأ أكيد مكنتش أعرف إنك موجودة.. ده أنا كنت عملت لجنة تقصي حقائق وجيت سلمت عليكي أكيد :)

تتعوض إن شاء الله
أنا كمان أحب أشوفك قوي قوي :))

ehsanthefirst said...

kalamko kolo manteky we zareef gedan, 7ad fakar marra 2n awel marra wa7da tetla3 3ala el masra7 2odam el 3adad dah lewa7daha we heya 3arfa 2naha bete3mel 7agah 7'asa gedan bey2asar ad 2eeh fe el wa7ed??? ya3ny ana a3takod 2n momken ara2ko deh tet3'ayar law 7ad 7adar a7'er 7afla leha fe el sa2ya, ana ba2ool 2naha kanet a7san 10 marrat men awel marra, ya3ny garabo we 2olo.... :)

Anonymous said...

You have an outstanding good and well structured site. I enjoyed browsing through it Gay search engins history 1982 cadillac seville Baccarat casino game linkdomain online play rules.com Infiniti license plates frames asian anal Sideeffects zoloft car cover Winstrol propecia purchase xanax Saab convertible top repair Acura legend egr valve camping cambrils jean jackets Viagra free consultation us

nour el 3ozamaa said...

فيروز المفضله عندي