Sunday, September 03, 2006

مش بتاعتي أصلا!


مش بتاعتي أصلا!



لسه راجعة من أجازة أسبوع من مرسي مطروح.. وأول مارجعت لقيت كل شغلي القديم مسروق! ومحطوط في مدونة جديدة لا أحررها!

الشخص المحترم صاحب المهارات البحثية الرهيبة حط اسمي في جوجل وطلع أعمالي القديمة المنشورة في موقع القصة العربية من سنة 2002 وحتى 2005 في اللينك ده...


http://www.arabicstory.net/index.php?p=author&aid=290

ووضعها في مدونة خاصة ده عنوانها
http://www.ghada4ever.blogspot.com



اللطيف إن اللي سرق قصصي منتحل شخصيتي بالكامل.. عامل اسم البلوج على اسم الإيميل بتاعي.. وواخد صورتي حاططها والصورة الموضوعة في البروفايل وكل التفاصيل التانية ! واضح إنه حد مذاكر!!

مش فاهمة والله ليه كلف نفسه وعمل كل البحث الرهيب ده عليا ؟؟ ولا هو كان بيحاول إحياء تراثي مثلا! ههه!

يا جماعة أنا بارجوكم التحقق من عنوان المدونة في أي تعليق يوصلكم من حد اسمه غادة وحاطط نفس صورة الفتاة اللي بترقص فلامنكو اللي في البروفايل الخاص به..

ورجاء خاص احذفوا كل التعليقات اللي جاية من المدونة دي.. لأن فيه تعليقات سخيفة بتتقال إنتم عارفين إني مستحيل أكون مصدرها! .. ويا ريت لو تتوقفوا عن التعليق فيها لأنها مش بتاعتي أصلا!

مش عارفة آخرتها إيه مع التدوين..

43 comments:

Lasto-adri *Blue* said...

معلشى يا بنتى
ضريبة الشهرة و الاعمال المميزة لازم تلاقى ناس عقلهم فسفس
وهو لا آخر ولا اول حد ح تمرى بيه فى الحياة بالشكل دة

ممم.. ربنا يكون فى عونك

G said...

جالي تعليق شتيمة من الشخص ده

بس كان واضح إنه مش انتي يعني

:))

Ahmed Shokeir said...

بصراحة ياغادة أنا فوجئت بالتعليق وذُهلت من طريقة ردك الغير متوقعة منك انتي بالذات وقُلت هي جرالها إيه ؟

هاها كنت مجهز ردك محترم ، بس خلاص ياجميل براءة

بس أنا مستغرب من اللي تاعب نفسه كده وبالذكاء والمتابعة دي ، مايوفر جهده الغالي والثمين ده ويعمل حاجة لنفسه يمكن يكون له مكان أكثر إحتراما

shaimaa said...

معلش معلش ماهو الاستهبال بقي زياده اليومين دول

Pianist said...

غادة
مين دول؟؟؟؟؟؟؟؟؟
في ايه؟
الناس دي بتعمل كده ليه؟
وبتقول كده ليه؟
بجد العقول بقت غريبة جدا
بقت اكثر غباءا

Anonymous said...

هى دى ضريبة النجاح و بس هوه مافيش طريقة ممكن الواحد يحمى بيها كلامه

Anonymous said...

انا خايف ليكون ده غرور

Green Data said...

And what's the point aslan!? He was supposed to put his/her name instead of yours.
Or may be it's an enemy of you!?

Mohammed Sameer said...

انا فاهم شعورك كويس لان حصل و ناس اخدت حاجات انا كنت عملها و من غير ما ينسبوها لى كما هو مفروض

المهم سيبك منه

كلنا عارفينك و باين جدا ان فيه اختلاف

طبعا ليكى حق تضايقى بس فى الاخر كما قيل "الكلاب تعوي و القافلة تسير" او كما قال الشاعر:

لو كل كلب عوى القمته حجرا...لصار الصخر مثقال دينار

k.s said...

غاااااااااااده ازيك وكده
تقريبا والله اعلم
ده يعنى
ممكن يعنى
والله اعلم يعنى
حد بيحبك
او معجب ههههههه عشت وشفتلك معجبين
بس انا برجح انو حد بيحبك وديه طريقته فى التعبير
على فكره ده مجرد تحليل خاص وخلاص
ك.س

daktara said...

والله حاجة غريبة فعلا وخاصة الكلام اللي كاتبه
انا مايال لموضوع انه واحد معجب او بيحبك بس حب جنوني ومرضي
هو شيء كويس ان الواحد يلاقي حد مهتم بيه وبكتاباته وبتتبع اعماله بس مش كده
علي العموم لازم تلاقي طريقة تخلصي بيها من سوء التفاهم اللي هيسببهولك

daktara said...
This comment has been removed by a blog administrator.
AZ said...

ناس مريضه يا بنتى معلش

Elmesaharati said...

Although I do not know you , but I was over choked by that stupid comment , how can it comes from such a good writer?!! , thanks for the clarification

كــــــازنــوفــا said...

خلاص
كلوا يروح
غاده قررت تكتئب

karakib said...

بس كده ...
بعدين حاجه حلوه اوي انه يكون في حد مهتم و غيران منك اوي كده
:)
انتوك

شكسبير said...
This comment has been removed by a blog administrator.
Mohammed Sameer said...

البيه اللى كاتب فوقى: احب اقول لسيادتك انك مفقوس اوى

المواطن المصري العبيط said...

غريب قوي الموضوع ده

يحي مجاهد said...

انا اول مره بصرحة اسمع عن مدونة تتسرق
دي جديدة ..بس هو ده حصل ازاي ؟؟

Eve said...

النّور السّاطع يزعج الغارقين في الظّلمة. أكيد كنّا عارفين إنو هالحكي مش ممكن يكون مصدره إنت أبداً.

- الــوان - said...

حاجة من اتنين ..

يا ان الاخ ذاكـ معه مرض نفسي عضال ..

أو

ان الاخ قاعد يصفي حساب ..
^_^

يقولكـ ..
اذا ركلكـ أحد من الخلف فاعلم انك في المقدمة ..


تحية للبلوقين الاصلي والمقلد ..
- الوان -

أبو أمل said...

حاجة تغيظ فعلاً
انا حاسس انه سخص وقع باسم مستعار
anonymous
وانت علقتى عليه بعنف
فى التدوينة السابقة

saso said...

يا بنتي في ناس مجانين وفاضيين كتير ماتزعليش

khalid jarrar said...

في مثل بؤول: لا أحد يركل كلبا ميتا.
يعني لو مكنتيش مهمة محدش حيحاول يدايئك او يئزيكي!
انا شخصيا ارى الكثير من الاطراء في هذا العمل و اتمنى ان يقوم احد المجانين بصرف كل هذا الجهد لسرقة اعمالي هاها :*)

تحياتي

غادة الكاميليا said...

هو ايه اللي جرا في الدنيا
شوفي حاولي تتصرفي دي بجد ورطه
يابنتى كلامك حلو وحرام يتسرق

Diyaa' said...

ghada ana m2dr nrfztk w ur reaction
bs nse7a mn a5oky els3'yr
enty elly btkbry elmwdo3 w btdelo akbr mn 7gmo ...y3ny bta3 elnewspaper da lw mkntesh nshrtelo mkansh 7d hyhtam bhis news paper ...w elwa6y elly 3aml blog zyk da aked wa7d 7akod msh aktr lw enty ignored him w b3ty alerts l ur important friends w elly yhmhk z3lhm...5las sh3'lo da mlosh ay tfser 5sosan eny ana elly m3rfkesh lw shft klmet ghadghod h3rf eno msh enty ...wad7a awy y3ny
enty kda bt7r2y fy dmk 3la elfady
live ur life w kbry dma3'k wlw 3rft 7d y2dr y2flk his sites kolaha h3mlha mn 3'er ma t6lby ...hacking is useful sometimes
dia2

islam yousef said...

دى حاجه مش ممكن هانلاقيلها حل
السرقات الفكريه و الادبيه مش هاتخلص
و بقت موضه
و ازدادت فى العصر ده اكتر ربنا يحميكى من الحراميه

Anonymous said...

i believe the best way is to ignore that person ya ghada, begad coz as long as u sound angry that will make him/her feel the victory and will try to tease u more.
so ignore him we rabina ma3aki ba2a

hebaz said...

the other fake blog is not found khalas
alhamdoleilah, but do u have an idea what happened?

ahmed said...

كبري دماغك وخليكي مع نفسك
هتلاقي حاجات من دي كتير
www.lost-empire.blogspot.com

Anonymous said...

جربت أدخل عالمدونة الشريرة دي لقيتها اتمسحت ! واضح إن الكابتن زهق من اللعبة..
ولا يهمك يا جميل..

Geraldine said...

اللي فوق ده أنا جيرالدين

ghada said...

سامحونى ما كانش قصدى

ghada said...

غادة المجنونة لسة ما جتش
!!!!!!!!!!!

شكسبير said...
This comment has been removed by a blog administrator.
human said...

والله المفروض يكون عند الناس دي دم..........هؤلاء هم هواة التسلق على قفى الغير

Ghada said...

sorry ya ghada 3ala fekra elli m3ala2 fo2 da mosh ana....

howa ta2reeban fakerna nafs el "ghada" :s

asadma7bos said...

احسن حاجة انك رقعتى بالصوت ودالحركة دى خلتة يمسح البلوج المسروق على ما اعتقد لانى حاةلت افتح اللينك http://www.ghada4ever.blogspot.com
مفتحش نهائى وكدة تكون غمة وزالت ودة من مصلحتة لان اللى عمل كدة كان هيتعرض للنبذ وسط مجتمع المدونين
ومش حد هيعلق على شغلة او هيقرالة اصلاً
كل سنة وانت طيبة

Anonymous said...

يا جماعة من عبقريات العامية المصرية

إن طلع العيب من أهل العيب مايبقاش عيب

يعني هو واحد سرق حاجات مستكترين عليه إنتحال شخصية و تعليقات زي دي

و حمد الله ع السلامة يا غادة

Dananeer said...

غاده انا شفت تعليق فى مكان ما و بان انو مش انتى لما سفت البلوج

مش عارفه ايه كم الحقد و الغيره و ادمان سرقه اى حاجه

ولا يهمك

Anonymous said...

مبرووك على الكتاب أسلوبك رائع

Räumung said...

موفقيييييييييين .... اختيار موفق :)

Räumung
Räumung Wien
entsorgung wien