Tuesday, October 17, 2006

تلاوة


تلاوة

في الحافلة، كان يقرأ القرآن بصوت عال، فيما يبدو كان سعيدا بأنه اجتاز الجزء العشرين منه بينما لازال الشهر الكريم في بدايته، حتى إن صوته كان يزداد علوا إذا ماتحدثت إحداهن أو ازدادت سرعة جريان العجلات على الأسفلت..

اراح عينيه لحظات من القراءة.. نظر حوله.. كانت تقف بجواره وتتفصد عرقا، تتشبث بظهر الكرسي في تصميم وتبدل الوقوف بين قدميها اليمنى واليسرى المتورمتين قليلا فيما يبدو.. تجاهد في نفس الوقت للحفاظ على كيس الخضروات الذي اراحته على الأرض من الدحرجة، خاصة مع اهتزازات الحافلة الغير محسوبة، وتحاول الثبات قد المستطاع..

حوَّل نظره واعتدل في جلسته كي يستقيم ظهره.. عاد بعينيه للمصحف وواصل القراءة..

33 comments:

Anonymous said...

عندك حق
الايمان ما وقر في القلب و صدقه العمل
و لو أن هذا الإنسان تحلى بخلق القرآن الذي يفخر بقرائته لكان ثوابه أعظم و الله أعلم يمكن بتجاهلة لحاجة إنسان آخر بهذا الشكل يفقده الثواب

Lasto-adri *Blue* said...

كنت بفكر فى نفس الموقف يا غادة
صباح كل يوم لازم نفس الاحساس الفظيع بحرقتى على اسلامنا

الدين فى يومنا المعاصر مجرد تطبيق اعمى ونسى الناس او تناسوا ان الدين فى الاساس "المعاملة"

Noran said...

تقبل الله !!!
فى ناس كتير مش فاهمه الدين ...عشان معندهاش عقل ...معندهاش أخلاق
تفتكرى هو فقد ثواب القرأة بقلة عقله و أخلاقه ؟؟

salateenoo said...

الناس فاكرة ان الاسلام دين بس..

ولكن الإسلام أسلوب حياة وليس دين فقط..

Anonymous said...

الدين المعاملة
صدق رسول الله صلى الله عليه وسلم

Rivendell** said...

وجعني المنظر

cat_eyes said...

مش عارفة لية دايما بنحط نفسنا حاكم واحنا محكومين ..مش عارفين الراجل دا يمكن يكون اشد تعبا واعيائا من تلك السيدة التى تتدحرج خضرواتها..
افتكر الاسلام هيكون احسن لو كل واحد انشغل عن ملاحقة الاخرين بعيون تهكمية ساخرة بروح من التعالى والغرور..
ولماذا لا يفخر انسان بتفوقة لبلوغة جزئة العشرون فى ايامة الاولى .. فلتكن ملاحظتنا ايجابية ولنشعر بغيرتنا على الاسلام وليس من من تفوقو علينا دينا.......
فلنكتفى بنقض انفسنا ونكف عن نبش الثغرات فى ارواح الاخرين لكل منا سقطاتة .... بلا غروررررررررر

شكسبير said...

:خديها منى حكمة
"ليحترق العالم قبل أن يحترق عقلى"
ما لكيش دعوة بالناس وخليكى فى نفسك

اذا كان لنا ان ننتقدالآخرين"
"فعلينا ان ننتقد انفسنا اولا

بس واتمنى كلامى ما ينرفزكيش
اصل انا عارفك
.....
نفرورة ونرفوزة

Ghada said...

cat:
على فكرة "نقد" بالدال

الأب الروحي:
اتمنى لو تعمل بنفس النصيحة الغالية وتخليك في نفسك!

Ghada said...

me2, lasto, sultan
ولحظة صدق:

متفقة معاكم تماما.. تعليقاتكم اسعدتني.. كل سنة وإنتم طيبين

غواص بحر الأمل:
هي كده.. الحقيقة موجعة دايما

لي بس تعليق على نوران.. محدش يقدر يقولك ثواب القراءة ضاع ولا لأ!دي حاجة بتاعة ربنا وبتخضع لحسابات مالناش فيها ولا يعلمها إلا الله.. كده ولا إيه :)؟ وتقبل الله منا ومنكم يا ستي :)

cat_eyes said...

شكراً على التصحيح فعلا مش بتلاحظى الا العيوب بس ........
وصلت الرسالة

Ghada said...

لأ أصل كلمة "نقض" دي خطأ شائع كما يبدو، حبيت أوضحولك لإنه بيغير المعنى خالص، وممكن يضعف من إثباتك لوجهه نظرك مش أكتر .. بس لحد دلوقت مش عارفة إنتِ جبت موضوع "الغيرة ممن تفوقوا علينا دينيا" ده منين؟.. كلامي ماكانش فيه غيرة خالص!

Diyaa' said...

الأختلاف في وجهات النظر ....
هو الموضوع ممكن يبان فشخرة وممكن يكون اللي كان بيقرا القرآن ده شايفها بتمثل أو عنده مثلاً تعب
لكن في نفس الوقت في ناس تبقي واخدة من الدين المظهر
و بصراحة الموقف مش حلو بس مش هحكم عليه من موقف وربنا يحاسبه بقي
لكن فعلاً في حياتنا في ناس كتير ملهمش في المعاملة و مجرد الات بتعمل تصرفات فاكرينها هي الدين بس ولاشئ سواها ..زي الصلاة و الأعتكاف و القرآن

Dmo3 Al Kohl said...

هو يمكن يكون اعمى العين فعلا
لكن يمكن مايكونش اعمى القلب

ويمكن تجى اللحظة اللي تقع عينه على احد الايات القرآنية وتخليه يفوق ويقول
لازم اقف واقعدها مكانى
لكن وقتها يمكن يسمع تباع العربية بيقول

أخر يا حضرات
أو يسمع صوت تانى بيقول
أخرة مش دنيا

cat_eyes said...

بعترف بغلطى الاملائى وشكراً فعلا على التصحيح .. بس جة الوقت اللى نشوف دينا مقهور اد اية وبصراحة بدون دخول فى تفاصيل البوست اللى كتباة اللى بصراحة اثارنى فية جدا الهجوم دايما على الدين من كل الناس الا يكفينا هجوم الغرب على دينا
.....
مش هكدب واقول مفيش صور سلبية فى فهم الناس للدين بس .. اللى دينا وصل لية من هجوم العالم علية مخلى الواحد مهموم هجوم على الدين وهجوم على الحجاب هجوم على كل شىء فى صميم الاسلام
بدعوة تصحيح الافعال الخاطئة لناس فهمو دينهم غلط
مش لازم نشهر بلاخطاء الاحسن فى التوقيت اللى الاسلام بيهاجم فية انننا نبين الصور الكويسة لدينا مش المغلوطة والمشهوة .. يعنى نبص للجانب الكويس من الصورة دى قراية القران او التقرب لربنا ونجعلها صورة حلوة مش لازم تقع عنينا على المساوىء بس يكفينا ما فعلة بنا الغرب .........
ياريت تكونى فهمتنى قصدى واعتزر اذا كان تعليقاتى غير مرغوب فيها
.........
شكراً على وقتك وعلى اهتمامك بالرد

Anonymous said...

دي أول زيارة ليا هنا وعجبتني المدونه وأسلوب الكتابه بجد
بالتوفيق

tamer afify said...

آسف
نسيت أسجل اسمي

moony_sweety said...

غاليتى غادة:
سعيدة لأنى اقرأ لكى كتابات مختلفة عما قرأته لكى من قبل..حيث وجدت فيها عيناكى الذهبيتين تتحولان من النظر الى عالم ذهبى التكوين هو "نفسك"الى العالم المحيط بكى
ورأيتك تتكلمين عن العامة وتصفين لقطة من الحياة اليومية عبرتى فيها عنevery day life and issues"عذرا للجميع ولكنى اعنى التعبير كما هو
ومااعنيه هو الأشياء التى تلقطها اعيننا واذا امعنا فيها وجدناها ليست فقط سلوكيات ولكنها ايضا اتجاه تفكير ومعتقدات ومبادئ..
واود ان اوضح اننى سعدت بهذا التحول فى الكتابة من باب التنوع وحتى لايقال انك توصدين عليكى الباب وتكتبين عن عالمك انتى فقط,ولكنى اعشق عالمك هذا حد الجنون واعشق كل حرف تخطينه عنه بل وانتظره.
شئ اخر اود الاشارة اليه فقد سألت نفسى وانا اقرأ"تلاوة"ترى ماذا ستقولين او يقول الناس اذا رأوا فتاة فى العشرين من عمرهاوترتدى حجابا طويلا محتشما _اعرفها_فى نفس موقف الرجل الذى كان يقرأالقرآن؟!!!!!وهم لايعرفون ان هذه الفتاة -وان كانت فى الظاهر تبدو فى اتم صحة وتمشى بطريقة جد سوية-لاتستطيع حقا ان تقف على قدميها فترة طويلة؛لأن لديها فرط فى افراز الهرمونات!!!
وهى فى العشرين وحجابها محتشم طويييل..!!!!!
تحياتى

Ghada said...

ضياء:
هو الموضوع ممكن يتشاف من كذا ناحية، عشان كده سبت الدنيا مفتوحة لقليل من التفكير..


دموع الكحل:
أتمنى إنه ما يكونش أعمى القلب بجد.. بالمناسبة.. ماما لما تحب تدعي على حد.. بتدعي بعمى البصيرة مش البصر.. بس ده نادر يعني، ولما بتكون خلاص على آخرها..

cat eyes:
العفو.. برضه مش عارفة جبتي موضوع هجومي على "الدين" ده منين! :)

تامر عفيفي:
أهلا بيك وخطوة عزيزة..

moony sweety:
إنتي آداب إنجليزي؟!؟.. سعيدة بمتابعتك ولو إني مافهمتش الجزء بتاع البنت المحجبة اللي تحت ده معلش..

moony_sweety said...

انا فعلا اداب انجليزى،زميلة يعنى لو سمحتيلى..
اما عن موضوع البنت المحجبة قصدت اقولك انى اعرف بنت عندها حوالى عشرين سنة ولابسة طرحة زى الخمار"متدينة يعنى "وصحتها تبدو جيدة جدا ،ولكنها لظروف صحية غير مرئية لاتستطيع الوقوف لفترة طويلة احيانا لا تستطيع الوقوف لمدة 10 دقائق،فماذا سيقول الناس عنها اذا رأوها فى نفس موقف الرجل فى تدوينتك"تلاوة"؟!!!اذا رأوها جالسة وهناك من هو اكبر منها مثلا واقفون؟؟
فى حين انهم قد يكونون افضل منها صحيا؟
ارجو ان تكونى قد فهمتنى الآن
تحياتى لكى

Ghada said...

بتوع آداب إنجليزي بيبانوا برضه :))

إنت دفعة كام؟ وقاهرة ولا عين شمس؟

وشكرا على التوضيح، وأعتقد إن محدش هايقولها حاجة :)!

Anonymous said...

اتخذ لأخيك سبعين عزرا
و فكرنا اكيد اعمق من كدا
انا شفت ناس مش بيلحقوا يعدوا من كتر ما بيقوموا لغيرهم اللى محتاج يقعد و احيانا بنشوف ناس براها صحة و جواها ضعف ... كبيير

moony_sweety said...

العزيزة غادة
انا..احممم دفعة2005
مش عارفة منين جالك اعتقاد انى لازم اكون من القاهرة ..يلا خير..انا جامعة المنصورة.
قوليلى هما عنكم برضه كانوا بيقولوا جملة"every day life"
بمعدل 100 مرة فى الدقيقة زى عندنا ولا ايه؟
كل سنة وانتى طيبة ومع نفسك دائما مبدعة"a big hug to you"

Ghada said...

moony sweety:

كده أقدر أقول لك يا زِِِمل :)
هما فعلا كانوا بيقولوا الكلمة دي بعنف!
مش عارفة ليه تخيلت إنك من القاهرة.. من حدانا يعني.. جايز ماكنتش أتخيل إن البلوج بقى إنترناشونال ووصل للمنصورة :)))

صحيح.. مش ناوية تعملي بلوج بقى؟

Ghada said...

على فكرة.. أنا 2004.. مفيش داعي للـ"احم" يعني :)

moony_sweety said...

اعمل بلوج!!!!!!ياريت..دعواتك
فكرت بس حاسة انى مفروض استنى شوية لأنى محتاجة اقرا كتيييير وفى مجالات متنوعة .
انا بكتب من زمان بس كانت خواطر وكان فيها حاجات تانية كتيرة ممكن اسميها دلوقتى "تدوينات"على حد تعبيركم.وكان فيه محاولات شعر يحسب منها القليل.
ياترى ممكن ترشحيلى كتب معينة بألوان أدبية متنوعة ؟؟فى انتظار ردك

Ghada said...

بلاش الحجج دي!
وبعدين ده إنت تبعنا يعني..والبلوج مساحة خاصة أولا وأخيرا.. شوفي الصفحة دي.. بنت مصرية شارحة كيفية إنشاء بلوج بالتفصييييل..

http://bmadvice.blogspot.com/
أيوه.. لا تراجع ولا استسلام
:)

moony_sweety said...

ياجماعة انا قلت من زمااان ان غادة دى عسل قوى.
بس برضه ممكن ترشحيلى كتب معينة؟
واعتبرى ان البلوج تحت الانشاء من دلوقتى ..بس هتزوريه عشان تقوليلى رأيك وتنصحينى..اوك؟

أُكتب بالرصاص said...

السلوكيات دي بتتكرر يوميا
ومش ممكن يكون الاستثناء مكرر هو كمان
يعني مش ممكن يكون كل الشباب اللي بيدفسوا وشوشهم ي المصحف تعبانين اكثر من الست اللي شقيانة وشايلة

حتى لو كده
يبقا
بلاش يشوه صورة الاسلام ويقفل المصحف لحد ما يوضصل بالسلامة
او حتى ممكن كلمة اعتذار رقيقة للست
معلش يا امي اصلي عندي دوالي او فلاف فوت وماقدرش اقف واقعدك مكاني
بس ممكن اكسب فيكي حسنة واسمعك ربع


يا شباب احنا مش عايشين لوحدنا في الدنيا
وعلى رأي الست كريمة

أنظر حولك

emz said...

للاسف موقف بسيط زى ده بيبين حاجات كتير اوى احنا فاهمينها غلط فى دينا .. الدين المعاملة مش صلاة و صوم و حجاب و بس الدين فى كل موقف بنقابله كل يوم ..

كوارث said...

حركة وغده اوى

shereen said...

هي دي المشكلة
فهم الدين على إنه صوم وصلاة وبس... فين مكارم الأخلاق... فين العمل اللي فعلا يتوافق مع حسن العبادة ويقول أنا فعلا فاهم ديني صح؟؟؟

Blackjack Trainer said...

I hope, it's OK