Monday, January 01, 2007

سِـــــر

سِــــــر



كنت طفلة كريهة، و"براوية" للغاية. كان الجميع يلومني على انعزالي، وكان أهلي يحذفون اسمي تلقائيا من أي نشاط عائلي. حتى صديقاتي وقتها، عرفن حدودهن معي وتقبلوني على سخافتي. كنت متنمرة، وعنيفة، وهذا ما لا يعرفه الكثير عني. كل ما كان يدور في ذهني وقتها هو ألا أقترب.. ألا أستغرق في تفاصيل الآخرين وألا ادعهم يغرقوا في تفاصيلي. كنت أخاف على نفسي، من مرارة فقدهم. أردت فقط أن أحمي نفسي من ألم عرفته، واحمي من حولي من ألم لم يعرفوه..

حتى شفيت.. وبدأت زهوري تتفتح على العالم من حولي.. حاولت أن أكون لطيفة مع الناس، فنجحت.. ونجحت إبتساماتي الواسعة الودودة في تقريبهم مني.. ونسيت خوفي الأول.. وتذكرته فتناسيته.. ونسيته مرة أخرى واعجبتي اللعبة!

25 comments:

KING TOOOT said...

مدونتك أسمها " مع نفسي " و الجملة التي إخترتيها بنفسك لتعبر عنك هي جملة " أنا في وحدتي بلد مزدحم " أيمكن أن يكون إختيارك للوحدة دائماً للتعبير عن ذاتك صدفة ، أعتقد أنه يجب عليكي أن تعيدي النظر في شأن أعتقادك أنك شفيتي و أن زهورك بدأت تتفتح على العالم من حولك
تحياتي و كل عام و أنتي بخير
KING TOOOT

Ghada said...

:))

يمكن ماخترتش تعبير الوحدة عشان أعبر بيه عن نفسي بقدر ما كنت محتاجاة للتعبير عن المساحة دي.. البلوج الفظيع ده اللي محدش بيشاركني في كتابته..هع!..مساحة مع-نفسية بحتة يعني :))

على فكرة أنا في وحدتي بلد مزدحم .. أنا متصرفة فيها من "أنت في وحدتك بلد مزدحم" جملة قالها روفائيل ألبرتي وكانت مكتوبة في تصدير ديوان "وعل في الغابة" لرياض الصالح..

ناس كتير قالوا إنها تشبهني لما باسرح.. وقد كان :)

كنت بافكر أكتب مراحل الشفاء في بوست أطول بس ماحبيتش أو يمكن ماقدرتش.. أنا باقول الشفاء مجازا بس الوحدة مش مرض.. ساعات بتكون ضرورية.. ما ينفعش الواحد يعيش في دوشة كده على طول.. متهيألي :)

إيه تاني.. آه.. أنا كويسة!
:PP

Anonymous said...

باحب صراحتك قوي. انا مش بابقى عارقه أقول لك إيه لما بادخل مدونتك.باتابعك دايما

مبرمج حر said...

ساعات الوحدة بتبقى حلوة وجميلة وهدوء وتركيز وساعات بتبقى الجحيم الذى لا يطاق يعنى زيها زى أى حاجة فى الدنيا بين حدين .. تفريط أو أفراط

تحياتى وكل سنة و أنت طيبة

أبو أمل said...

يااااااااااه
انت مازلت
بنفس القدرة على اسر من يقرأ
رغم عدم تجوالك عبر البلوجر
هرجو التشريف

karamla said...

هاى غادة
يععجبنى أسلوبك جدا.أشعر أن لهوالقدرةأن يغزو قلب أى من يقرأه
أما بالنسبة.للموضوع المنشور .فأنا أشعر بكل كلمه فيه.لانى كنت ومازلت أعانى مما تحكيه .فالاقتراب من الاخرين دون الخوف من فقدهم أو غدرهم ليس بالسهل
المهم سعيدة بأنكى أستطعتى أنتحطمى حاجز الخوف الذى يعيقنا عن فعل أى شى فى هذة الدنيا
my blogger:http//karamla.blogspot.com

تسـنيم said...

يا بختك يا غادة أنا بقى طووووول عمري من صغري كنت اجتماعية أوي ، رغم خوفي المرضي من الألم وعلى مر السنين فقدت ناس كتير حبيتهم وكنت أتمنى أن أكون أول من يُفقد..
وها أنا أحب بشدة وأتألم بشدة وأبكي بشدة وأفرح بشدة وكلي أمل أن ينساني الألم.

Dananeer said...

حلوه كعادتك يا غاده
و لا يهمك من حد

على فكره بتفكرينى بنفسى
براوية" للغاية

إبـراهيم ... معـايــا said...

جمـــــيـــــلة قوووووي


بجد ، مش عارف أقول أكثر من كده ، ما أنا بعدي هنـا كثييير !! ، بس



مدونتـك متميزة :)

solo said...

لقطة خاصة جداً يا غادة و ... سـِرية جداً زى ما وصفتيها

geraldine said...

بتوصفيني بالمللي..
متهيألي لو كنا مع بعض في المدرسة كانت مأساة إن يبقى فيه حد زيي كدة ونقعد طول الفترة دي مش عارفين نتعرف عشان احنا أقطاب متشابهة بتتنافر !
يخلليكي ليا يا رب..

عابر سبيل said...

بصراحة عاوز أقولك إن مدونتك هي أفضل مدونة باللغة العربية موجودة على النت علما بأني بحثت في كل المدونات على النت

و الحقيقة كنت بأفكر دايما في سر إنجذاب الواحد ليها و قدرتك إنك تخلينا منتظرين الجديد من خواطرك

أنا أقدر أقول لك السر دلوقتي .. السر بإختصار هو إحساسك المرهف .. في رأيي إنت بني آدم معجون بالأحاسيس .. و الأهم من كدا و المنحة الإلهية فعلا لك هو أسلوبك الأنيق في الكتابة

فيه سر في أسلوبك .. دا اللي لسه ما وصلتش له .. هل البساطة مع الصدق .. هل الكلام من القلب .. هل إلتقاطك دايما لتفصيلة حياتيه و التفكير فيها بفلسفة عالية و عمق شديد .. لسه محتار حقيقي

أخيرا عاوز أقولك إنت اللي خلتيني أصمم بلوج خاص بي .. و أكتب خواطري زيك و أكيد نفسي إنت بالذات تقيمي تجربتي دي لأني أقدرك بجد ككاتبة و كإنسانه رغم إنك أصغر مني لكن عندك عمق فكري بأحسدك عليه

يبقى هذا الشجن بداخلك رغم شبابك و صغر سنك

تفتكري قدرت من خلال خواطرك أفهمك شوية؟

zordeak said...

غادة


انا بالصدفة لقيت البلوج بتاعك ده

بس متأخر شوية للأسف

انا عملت بلوج .., ولما جيت فكرت اسميه ايه

سميته ..مع نفسى

وكتبت العنوان قبل مسميه اشوفه موجود ولا لا .., وملقيتوش
كان العنوان
http://ma3nafsy.blogspot.com/

دلوقتى وانا بقلب فى المدونات .., لقيت مدونتك

قلت أوباااااا

انا كده شكلى وحشششششش

وبعدين زاد الطين بله انى لقيتك بتتكلمى عن حد كان سارق بلوجك

قلت أوبااااااااااااااا

شكلى بقى اوحشششششش

بس الحمد لله مطلعش انا


أنا بجد اخترت اسم المدونة ده .., لانى فعلا .., كنت عايز مساحة حرة ليا انا بس .., اعيش فيها مع نفسى .., اقول اللى نفسى فيه

مع نفسى

يبدو أنه توارد خواطر


انا اسف كمان مرة على اللخبطة دى


بس مكانتش مقصودة بجد

واتمنى تبقى تيجى تشرفينى .., وتقولى رأيك فى مع نفسى بتاعتى

Dido's^^^ said...

Ghada .. You succeeded to point something very deep in me .. I used to do so and I really failed to express it ..
enty HAYLA

حسام said...

جميل ان الواحد يعرف نفسه ويقدر يبقى واعي بتغيراتها وأحوالها. جميلة الصراحة دي وجميل التحول :)
وأشهد لك بالواسعة الودودة دي
:)

ملكة said...

في الجزء الأولاني من الخاطرة حسيتك أوي في فيلم
Good Will Hunting
يمكن علشان هو كمان مكنش عايز يقرب علشان لما ييجي الوقت للفراق ميتكسرش

يارب ميكسبكيش هو في اللعبة أبداً يا غادة

تحياتي ليكي دايماً:)

Ghada said...

anonymous:
هو كل الأنونيموس اللي بيدخلوا عندي بيبقوا أمامير كده! :))
أنا متشكرة قوي.. سعيدة إنك قررتي تبعتيلي أخيرا.. ربنا ما يقطعها عادة
;)

مبرمج حر:
بالظبط كده.. بس يمكن عشان الواحد أسلوب حياته بقى سريع وقاعد وهو بينهج أساسا، بيبتهج بالوحدة أكتر من اللازم :)
كل سنة وإنت كمان طيب :)

ابو أمل:
شفت بقى :)))
وبالنسبة لتشريف سعادتي، فالشرف لي والله

كراملة:
هاي عليكي
أنا اللي سعيدة بتعليقك ومتهيألي اللينك بتاعك فيه حاجة غلط.. مش شغال عندي

تسنيم:
يا رب ينساكي الألم يا تسنيم.. مش عارفة حسيت بمرارة في كلامك..
بس عارفة.. لو حد اختار إنه يبعد عنك هو الخسران أكيد
ابتهجي كده أمال :)

دنانير:
لا لا.. قولي لي إيه حكاية الرواية دي وأنا أنزل أجيبها..
بتاعة مين.. هاه؟ هاه؟
باحب مرورك قوي.. صباحك فل

إبراهيم معايا:
شكرا جدا وبعمق :)

solo:
سرية إيه.. ما خلاص :)))

geraldine:
انتي ياللي بيسموكي الملكة ;) يخليكي إنت ليا
والله باتبسط قوي لما بألقى تعليق منك..
أما لو كنتي معايا في المدرسة..ممم.. مش عارفة.. أصلي مانجذبتش لضدي أبدا.. مكنتش بارتاح
يعني أكيد كنت هالاقيكي من الآخر
;)

عابر سبيل:
يا خبر أبيض! أنا عاوزة أبروز التعليق ده وأعلقه في الصالون!..
أفضل مدونة :))) الله يكرمك بجد..
وبعدين فيه كلام كتير قوي أتمنى إني استحق ربعه..
الحمد لله على نعمة الوصول للناس والحمد لله على المدونة دي :)
إنت لسه ماقلتش عنوان مدونتك.. هاكون مبسوطة جدا وأنا بقراها..
باشكرك مرة تانية، ومبروك ع المدونة وربنا يخليك!

zordeak:
لا أكيد مش إنت اللي أقصده..
توارد الخواطر في الأسم حاجة والنقل بالمسطرة حاجة تانية :)
مبروك للمدونة ومبروك مع نفسك..
ما تيجوا نعمل حملة كله مع نفسه! :)))

Dido:
enti elli sokkar wallahy :)
u looked like that when young? mm I didn't know that.. glad I could read ur mind then ;)

حسام:
:)))
التعليق ده اللي جميل بصراحة!

ملكة:
إيه يا بنتي ذاكرة السينما دي :).. أنا كذا مرة الناس تقولي على اسماء أفلام أطلع عبيط كده!
ايوه ماشوفتوش.. بس كده عاوزة أشوفه قوي!

لأ لسه مكسبنيش
اتنين واحد لحد دلوقت :)
ادعيلي تفضل النتيجة كده لحد الحكم ما يصفر!

تحياتي يا جميلة

ياسمين said...

غادة
انا طول عمرى كنت عكسك .. بحب الناس وما بحبش اخسر حد .. لدرجة الكثير من التضحيات والألم
كان شعارى الجنة من غير ناس ما تنداس وكانت النتيجة ان اللى يحب الناس ينداس
جميل طريقة تعبيرك .. بلوج رائع ومستقبل باهر لكاتبة واعدة

غادة الكاميليا said...

طيب ياستي سرك في بير
صباحك زى الورد ياغاده

Anonymous said...

يا ترى يا غادة مين فيهم غادة؟ الطفلة البراوية التي ترفض دخول الناس تفاصيل حياتها ولا غادة اللي كبرت و عجبتها لعبة الابتسامة الواسعة ؟ أنا كتييييييييير بسأل نفسي السؤال دة
لأني أنا كمان كنت طفلة - ومراهقة- براوية ثم شابة اكتشفت سهولة اكتساب حب الناس و لكن السؤال يبقى دائما.. أنا مين فيهم بجد

Ghada said...

ياسمين:
معلش.. مفيش حد بيتعلم بالساهل برضه..
يا رب تكوني كويسة
سعيدة بمرورك وخطوة عزيزة

غادة الكاميليا:
:))
صباحه فل يل سيدي

anonymous:
صعب قوي إنك تعملي الفصل بين الاتنين.. جوه الشابة فيه الطفلة وجوه الطفلة فيه بذور الشابة.. ما علينا يعني!

نورتي:)

الملاح التائه said...

جميله الوحده لما بنكون محتاجين ليها لكنها مؤلمه جدا عندما تأتى على غير رغبة منا
واحساس بيدمر نفسية الإنسان إنه يكون وحيد ومناه يلاقى رفيق وأنيس يفتح ليه بيبان قلبه ويبكى على صدره ليرتااااااااااااااااااح

koukou el kemil said...

ana 7assa enk betekteby nafs moshkelty zaman
bass homa makanoush fahmin en el 3ib fihom homa mesh feya ana
bass la2it elly fehemny we dabesto we etgawezny
lol

Anonymous said...

Nice

Dananeer said...

متأخره اوى
كنت باتكلم عن نفسى مش روايه
انى بِراويه
من بريه
:)