Tuesday, January 09, 2007

رباعيات الصباح

رباعيات الصباح



مَجّ أحمر..
اكتشفت اليوم أن السبب الوحيد الذي يجعلني أستيقظ من نومي مبكرا هو كوب الشاي باللبن في مكتبي.. الصورة الوحيدة التي تأتي على بالي أول شيء في الصباح هي صورة "مَجِّي" الأحمر والوردي والأبخرة المتصاعدة منه تتراقص في سعادة.. أفرك يداي لا إراديا وأزيح البطانية، ولا يهدأ لي بال إلا عندما أحتضن المَجّ بأطرافي المثلجة..

فرولا فرولا!
تصر بائعة المناديل الصغيرة على نطق اسم المناديل بطريقة خاطئة.. أتعجب دوما من كونها الأولي دائما على المحطة وأخشي عليها من البرد.. لكن ما أن البث أن أرى قفزاتها وجريها وحيويتها التي لا أعرف من أين يكتسبها جسدها النحيل إلا وأطمئن عليها. اقضي بعض الوقت في مراقبتها تحدث الغرباء الذين لم يعودوا كذلك، فهي تراهم كل يوم.. تعرف من زوجة من.. ومن يذهب لعمله متأخرا..ومن تهرب من المدرسة.. تقف للحظات على الرصيف وعلى وجهها شبح إبتسامة ساخرة، واعتداد بالنفس ثم تعاود الجري.. اقترب منها وأسألها السؤال المعتاد "معاكي مناديل ايه؟" تبتسم في وجهي للدعابة المكرورة وتقول بصوت عالي "فرولا"!

ابتسامة تنظر للسماء
أصل عملي، وأسعد بالأغنية التي احبها وتعثرت فيها صدفة بالأمس.. أطلب الشاي باللبن بإلحاح كي أسمع معه الأغنية التي تدور في الخلفية الآن.. أذكر اللحظات التي تستقبل "كاثلين كيلي" فيها الصباح.. وتقطع الشارع بخطواتها الواسعة بصحبة كوب القهوة الصباحي وابتسامتها التي تنظر للسماء.. أنتشي في مكاني لتذكر أحداث الفيلم وأعين به نفسي على ما حدث-أو لم يحدث- بالأمس..

وأمنية..
لا أمني نفسي بالكثير، مع إني أرغب في قراءة اسمك في صندوقي البريدي بشده.. افتحه وأجد رسالة منك فعلا..افتح الرسالة بلا صبر، وأجد فيها دعاء فك الكرب.. أضع يدي على جبهتي ويخايلني شيء من البهجة.. اقرأ الدعاء مرة أخرى، ثم ابتسم للشاشة وابدأ يومي.

31 comments:

مبرمج حر said...

.. جميلة روابط السعادة البسيطة دى
بسيطة أوى وبتفتح النفس جدا

تحياتى ليكى يا غادة وربنا يسعدك عالطول

Mohamed A. Ghaffar said...

من اروع ما فى الحياه تفاصيلها البسيطه ، التى افضتى علينا بأربعه منها دفعه واحده

فى منتهى الجمال والرقة

tagreba said...

ادّيتو الانتيبيوتيك، ومخدش الانتيبيوتيك، كويس انه مخادوش.. فليحيا التواطؤ مع الحياة

Anonymous said...

the smallest things make life so butiful

ola salem said...

it's my first time in this blog
it's so cute like you
good luck

Princess said...

Wana kaman :)... except that the name never appear in my mail-box :D

Noran said...

الدنيا حلوة ....

عارفة لما بكون متضايقة ...بحب أقرأ بوستاتك ...بتخلى الواحد يتفائل ...و تحببه فى الدنيا


أنت إيه النظارة الأنت لبسها ده ؟؟؟عشان تشوفى الحاجات البسيطة حلوة وتفرحك
وتملينا تفائل ....


حلوة حكاية الشاى باللبن الصبح ...
يزيدنا تفئل من بوستتاك يارب
;)

Yasser_best said...

السعادة وطن

الأفراح تجعلنا ننتمي إلى من نحب وما نعشق.. تخلق عالمنا الصغير الخاص الذي يتسع تدريجياً ويتدفق مثل نهر

وللبهجة ألوان زاهية نعرفها عن ظهر..قلب

أسعد الله صباحك دائماً

Eve said...

sweet :)

KING TOOOT said...

بين فكرة دافية تجينا و أحنا فوق السرير
و بنت بتنط بين الناس تبيع مناديل
و غنوة فيلم حلوة ورسالة من حبيب لينا
أكيد بداية ليوم سعيد و شكله جميل
وعجبي
________________
KING TOOOT

المصريه said...

علشان اية كل دة

moony_sweety said...

جديد الأسلوب ده ياغادة,بقالك فترة بتكتبى بيه..مش عارفة اسمية ايه..يمكن يكون أشبه باليوميات..
بس حاسة ان خارج من كيانك قوى ..حاسة انى شايفة فيه ملامحك مع كل تعبير وكل نقطة..حاسة انى شايفة نظرتك الرزينة وشايفاكى وانتى بتكتبى باهتمام وانشغال وبعدين تشردى شوية وترجعى تبتسمى ابتسامة خفيفة أحيانا وترجعى تانى لدنيا القلم..وشايفاكى كمان بعد ماخلصتى كتابة البوست,وابتسامة مليانة راحة وهدوء وانتشاء ماليه روحك قبل وشك..بجد ربنا يوفقك ويسعدك وتفرحى على طول..
اسمحيلى ليا ملوحوظة..عامة فى نصوصك وخاصة فى البوست ده بحس ان العنوان مش بيعبر عن البوست قوى ,مش قصدى انه بعيد عن الفكرة ,بس يمكن مش فى نفس مستوى البوست..وا1ا كانت اللى بتكتب البوست كاتبة غييييير عادية بالمرة و1ات أسلوب غير عادى بالمرة ..فلا يناسبها ا1ا عناوين عادية..
دى ملحوظة من واحدة تتمنالك التميز والتقدم..ياريت ماتكونش ضايقتك..

أبو أمل said...

رائع ان تصبح أشياء بسيطة تحملنا على السعادة هكذا
عارفة اجمل حاجة بتسعدنى
فى يومى الجلوس فى بلكونتى الضيقة جداً والشمش تغرز رماحها على وجهى وانا اطالع الجرائد
وامل تشد منى كل شيء
اشعر بسعادة كبيرة
بس انت رائعة فى التصوير
تحياتى

geraldine said...

أنا كمان مفيش أي سبب يدعوني إني أقوم الصبح غير مَج النسكافيه..
شكرًا على صناعة يومي بكل تدوينة :)

hosnysoliman said...

كلام رقيق جميل واقعى ..لابد لى من المرور على هذا البلوج كلما احسست برغبة فى الراحة والاستجمام..تحياتى

Sarah ElTobgy said...

wallahy ma ba3raf a2ollek 7aga kol marra i click on comment link.. i really like what you write .. and i always come over here.. but after i read all your friends' comment mesh bala2y kalam..

Anyway, i just wanted to say that your writing is really touching and that i enjoy begad reading your words..

وجع said...

حلوه الحاجات الصغيرة قوى دى, ويارب المرة الجايه تلاقى فى الجواب اللى انت عايزاه

ladieskiller said...

مش عارف ليه من ساعة ما شفت مدونتك وانا كل ما أدخل نت لازم اشوفها
ربنا يوفقك

ريما said...

just awesome!!!!!!
begad bashof nafse feki
kol mara mosh ba3raf akteb lek haga
have anice day

Ghada said...

مبرمج حر:
ربنا يفتح نفسك ونفوسنا كلنا على طول :))

mohamed a.ghaffar:
شفت بقى 4 مرة واحدة.. مظبطاكم أهوه!
سعيدة بمرورك

tagreba:
ده قطع عيش ده
lol
طب حتى يشتريه وماياخدوش مش مشكلة :))
يا يعيش.. يا يعيش

anonymous:
Yes they dooo :))

ola salem:
thank u so much :) w keep in touch b2a

princess:
it'll appear insha2allah :) patience bas ;)

noran:
نظارة فوشفوشي :))
عارفة.. باتبسط بعنف لما أعرف إن حد بيجيلي مخصوص والله
لأ وكمان يجي عشان يحب الحياة عندي :))
ربنا يسعد أيامك ويشرح صدرك يا بنتي..

yasser best:
أنا بحب كلمة وطن دي قوي :)).. مش باحسها غير في الحاجات الصغيرة..
وطبعا عارفين ليه! ماااعلينا

eve:
menawarani ya evoz.. ur the sweetest aslan :Hug:

king toot:
وعجبي! :)))
إنت بتشوف الدنيا كلها شعر.. والنبي يا نوران تعالي اسأليه لابس نظارة لونها إيه
ده مش تعليق ده بوست.. دي مش كورة دي مزيكا
:D

المصرية:
عشان.. عشان... والله مانا عارفة!

moony_sweety:
أولا حمد الله ع السلامة.. فينك يا بنتي دانا كنت هابعت حملة تدور عليكي في المنصورة.. اتمنى تكوني بخير
أنا كمان حاسة إني بقيت باكتب حاجات شبه بعض والأجدع إنها شبهي..
ودي أكتر حاجة بتبسطني.. باقولني زي مانا كده.. بفرحتي ووجعي وعبطي ويأسي
يا خراشي على جمالي!
lol
رأيك طبعا على راسي بصفتك من المتابعيين الدايمين للبلوج.. بس مش عارفة.. كنت حاسة إن العنوان لطيف لما كتبته..ولحد دلوقت الحقيقية..احم
المهم.. اسعدنا مرورك يا فندم وماتقطعيش الجوابات بقى ها؟

أبو أمل:
الله !
كان المفروض إني أكتب في آخر البوست إن كل واحد يكتب الحاجات اللي تسعده..
جميل قوي التعليق ده.. ربنا يخلي لك أمل ويحميها يا رب :)

geraldine:
وإنت شكرا لصناعة يومي بكل تعليق وبكل متابعة.. بجد يعني :)

hosnysoliman:
ابقى تعالى صيِّف عندنا :)))

Sara eltobgy:
don't read their comments then :)! just kidding..
it's a pleasure that ur still following.. w I want to say that i enjoy reading ur comments too :)
God bless u :)

وجع:
آميييييين :)

ladieskiller:
أنا متشكرة قوي.. تنورني دايما

ريما:
thank u ya reema..
ur not the first one who mosh bye3raf y2olli eah.. shaklaha moshkelti ana bayen! :)
have a lovely day

Dmo3 Al Kohl said...

يمكن تكون دى بعض خيوط السعادة
يفوت اليوم ورا اليوم ونشد طرف من الخيط ده فنسترجع ابتسامة او ذكرى حلوة

لكن المحزن ان يجى يوم من هذه الايام وتتشابك الخيوط ويمكن تعمل عقده يصعب معها الوصول لطرف الخيط وتضيع معاها جزء كبير من تلك الفرحة وقليل من النشوة

mohamed said...

اولا انا معجب جدا من طريقتك فى الكتابة
كلها بساطه
ثانيا
هذا البوسط لهو الاكثر بساطة و الاكثر تعقيدا بتخلى الواحد يتخيل الحاجه الاى بتقوليها و
يجعل الواحد يحلم بحاجات كتير
اوى اوى
خالص تحياتى لك

غادة الكاميليا said...

تعرفي بقى سر
أنا كمان جت لي فترة كنت عايزة أكتب عن مجي (الأسود) بإلحاح وفنجان القهوة بتاعى اللي مش شبه أي فنجان تانى في البيت التفاصيل الصغيرة دي ساعات بتكون حل مثالي لبهجتنا
جميله يابنوته

Anonymous said...

انانفسى تكوتي اختى

شيماء زاهر said...

إنها دايما الأشياء الصغيرة يا غادة. عجبني آخر مقطع..بقولك إيه؟ ما تخليكي جدعة وتبعتي الدعاء، ولو إني حاسة إن ربنا حيفرجها قريب..
لك مني أشواق وقبلات..خدي دول تحت الحساب : موا ..موا :)

صباحك قشطة..ووحشاني بجد..

Ghada said...

دموع الكحل:
معاك حق.. ومحزن قوي كمان
:(

محمد:
يديم عليك نعمة الحلم.. ولو كلامي كان سبب لجزء بسيط في ده يبقى ربنا بيحبني قوي

:)


غادة الكاميليا:

ومكتبتيش ليه بس.. طب سر؟ أنا عاوزة اقرا عن مجك الاسود وقهوتك اللي مش شبه أي قهوة دي :))

anonymous:
أنا دمعت! وأنا كماان عاوزة أكون اختك! :)))!

شكشوكة قلبي من جوا :)
والله بسطتيني.. أنتي كمان واحشاني قوي خالص.. هابعت لك الدعاء على طول أهوه.. 60 موا على عيونك يا جميل
;)

sofinqoraso said...

بسيطة وأسلوبها رقيق اوى
وبتحمل معانى جميلة
ساعات بننسى التفاصيل البسيطة دى فى حياتنا مع انها أصلاً بتبقى هى دى محور الحياة
بحييكى

كرانيش said...

هى اشيائنا الصغرى دى اللى ربطانا بالحياه

dandana said...

مش عارفة بحب ابقى هنا كتير ليه....
يمكن عشان انتى اكتر حد بشوف كتاباته مليانة تفاؤل ووفرح...

الدنيا هنا حلوة....او احلى....

بصى بقى انتى تسلفينى حبة....

Dananeer said...

هيييه
انا فرحانه انى جيت هنا دلوقتى
كاثلين كيلى بتنعشنى انا كمان

و باخاف على مجى و باحبه
".

maha said...

السلام عليكم

ما شاء الله عليكِ يا غادة ربنا يعزك يارب..مش قادرة اوصف لك مدى سعادتي بكتاباتك اللى وصلت ليها صدفة من صديقة غالية عليّ..و الا نقول قدر جميل اللى خلاني أقرأ البلوج بتاعك.. بجد و الله يا غادة كنت محتاجة أقرأ شئ فيه احساس عالي و فعلا سحرتيني بروحك الجميلة دي ..ربنا يسعدك يارب و ييسر لك أمورك يارب و تفضلي تمتعينا دايما بخواطرك..
دمتِ بخير :)