Friday, March 02, 2007

وقلت..


العمر أقصر من إننا نضيعه..
زعلانين

16 comments:

Epitaph said...

:((

R.R said...

اه والله عندك حق يا غاده
تعرفى اكتر حاجه الواحد بيضايق منها عن نفسى يعنى اما ابقى زعلانه مع حد
تعرفى لو الناس تحسن الظن ببعضها وتلتمس الاعدار معتقدش حد هيزعل من التانى
بس تقولى ايه
احنا بشر ضعاف النفوس
عموما ربنا ميجبش زعل
ولو كان حد زعلان منك او العكس
ابدءى انتى بالكلام وكله هيبقى تمام
ان شاء الله
سلام
رانيا

مبرمج حر said...

أعوذ بالله من الزعل اللى يقصر العمر و يضيعه .. ومن الزعل بين الأصدقاء عشان أسباب ماتستهلش أو تستاهل حتى وأعوذ بالله من الكبرياء اللى يخلينى مش عايز أروح أصالح واحد زعلان منى .. مرة قريت جملة حلوة أوى بتقول لولا الكبرياء لما تضخم الخلاف .. لكن ساعات بيبقى الواحد خايف أنه يصدنى لما أروح أصالحه وساعتها هاضربه .. الزعل يبقى حلو يومين تلاتة , بيبقى لذيذ عشان أولا هريح دماغى من صاحبى ده يومين وثانيا لما أرجع أصالحه أو يصالحنى بتبقى أيه سعادة لا توصف كأن صداقتنا أتغسلت من جديد مع الفرق أن أحنا عرفنا أيه الحاجة اللى زعلانا عشان مانعملهاش تانى

Ahmed Shokeir said...

الكلام ده بنفتكره وبنقوله دايما لما تكون روح التسامح عندنا عالية ، بس المشكلة ان الروح دي مش موجودة على طول علشان كده في اوقات اخرى بنتصرف بتناقض مع مقولة زي دي بنكون مقتنعين بيها

حد فاهم حاجة

tagreba said...

بست.. فكرتيني بعبوهاب لما غنى: ما أقصر العمر حتى نضيعه في النضال، اظن كدة فيه علاقة ما بين الزعل والنضال

karakib said...

و أطول من أننا نقضيه كله فرحانين

يوم فرح و يوم حزن و الموجه طالعه نازله و كل ما أقرب من القاع أتأكد أني قربت أطلع تاني

mohamed said...

على فكرة بوست جميل و كما اقول دائما لك
ان كلامك يحمل معانى داخلية عميقة به
فاحنا زعلانين من ايه
بمعنى كلنا زعلانين من حاجة واحدة و لا زعلانين من بعض...؟؟؟؟
عموما الزعل ايا كان مرتبط بوقت حدث فيه
و الوقت بعدها بفيمتو وقت سيصبح ماضى و الماضى مهما كان سيصبح ذكرى
و بايديينا يجب ان نجعلها شئ جميل
مش يعنى اننا ما نزعلش و يكون عندنا جلد مجووز
بس ما نزعلش اكتر من اللازم
و اهم حاجه
تكون قلوبنا بيضاء و نسامح و نتسامح
فمن كان على خطأ و زعلنا
فبلا شك سيكون على صواب غدا و يزعل منا
لا يمكن ان يكون واحد صح عالطول و لا غلط عالطول

فلازم ننظر لاى شئ من وجهة نظر واحدة الا و هى
"
العمر لحظة
فنتخاصم ليــــه
العمر لحظة
فنزعل ليــــه
العمر لحظة
ياعينى عليه
لو نعيشه بكل ما فيه
"

Dido's^^^ said...

كلامك حــكم و الله
متزعليش يا غادة أبداً

الوردة السوداء said...

هو كدة ضايع ضايع

يضيع بقى فى اى حاجة

أبو ضحى said...

يااااه..العمر فعلا أقصر من احنا نضيعه فى الزعل.لو نعرف و نفهم إن كل لحظة بتفوت مش راجعة تانى، لو نفكر ازاى نسعد اللى بنحبه و نفرح لما نشوف ابتسامة السعادة فى عينيهإ تبقى اللحظة اللى بتفوت و كأنها الف لحظة من العمر اللى عشناه و هنعيشه، من السعات الطوال اللى ضيعناها فى حزن و بكى أو غضب

قلت لها:"لا تغضبى منى، فأنا أحبك العمر قصير
قالت:" ألا ترى أن ما فعلت يستحق غضبى، أو على الأقل خيبة أملى فيك
قلت:"العمر قصير
قالت:"و أنا حزنى منك كبير
قلت:"لو كنت قد أحببتنى لحظة من كل الوقت الدى قضيناه معا، لعرفت معنى أن تغفرى لى
قالت:"و إن غفرت فهل أستطيع ان أنسى
قلت:"الزمن كفيل بأن ينسيك
قالت:"أنت تستخدم الزمن و كأنه طوع يديك
قلت:"على العكس تماما،إنما نحن الدين طوع يديه. اليوم أنا معك، و غدا قد لا أكون فوق الأرض
قالت:"لا تقل دلك،لا أحب أن أسمع منك مثل دلك الحديث. لا تكن متشائم
قلت:" انا لست متشائما حبيبتى، و لكنها الحقيقة التى لا نستطيع الهرب منها
قالت:"فعلا العمر قصير
قلت:"أقر من إننا نضيعه زعلانين

Ghada said...

شكر يا جماعة

epi:
i know :(

r.r.
بس ساعات الواحد بيمل من المبادرة..

مبرمج حر:
جايز برضه.. ولو إن كبرياء دي كلمة كبيرة قوي.. ما تخليها عشم أحسن

شقير:
أنا فاهمة طبعا..كالعادة جبت من الآخر.. بس عارف الأهم ايه؟ إن الطرف التاني يفهم الجملة كويس.. وده مش مضمون.. عود أحمد ومنورني

tagreba:
شوف إزاي؟ ده الدنيا صغيرة قوي يا جدعان :)!

كراكيب:
اديك قلتها.. طالع نازل.. مش نازل نازل نازل!

محمد:
أنا متشكرة قوي على التعليق الجميل ده :)

didoz:
ماتخافش عليا يا جميل.. ربنا يخليكي ليا :))

الوردة السوده:
وانا اللي كنت فاكراني أكتر حد متشائم! :) ليس بس كده يا وردة.. فيه حاجات حلوة تستاهل تتعاش..

ابو ضحى:
جميلة قوي القراية الموازية دي :)
شرفتني بتعليقك الجميل ده

أبو ضحى said...

غاده:
ميرسى
بصراحة أنا اللى مستمتع بقراية مدونتك الجميلة العميقة دى
انتظرى مدونتى قريبا..على فكرة مدونتك و مدونة "بنت مصرية"ألهماتانى باستعادة قدرتى على الكتابة من جديد

Eman M said...

و عجبى :)

هبه المنصورى said...

صح الصح!-باكل جبنه بريزيدن كتير هههه- عارفه ياغاده ساعات لما الواحدبيكون تو مخنوق تو توك تلاقيه بيقول حكم كده وممكن تقريها بعدين تقولى ايه ده مين اللى كتب الكلام الكبير ده.. أنا متفقه معاكى.. من حقى أزعل واخد على خاطرى وأتجنن وأقفش وأبقى عايزه أرمى نفسى م البلكونه ف ظل الأوضاع الجميله اللى الواحد عايش فيها دى بس أرجع وأقول لأ مش لازم أسترسل ف الموود ده.. لازم أفوق كده وأدلع نفسى لو مش لاقيه حد يدلعنى :) ادعيلى ياغدغود.. أنا نفسى أفضى يوم وآجى أزوركم ف بص وطل

Ghada said...

ابو ضحى:
منور البلوجسفير :)

إيمان:
آه والنبي! :))

هبة المنصوري:
كله يدلع نفسه :)
ويا ريت فعلا تعمليها وتيجي.. تنورينا بجد :)

جـيـداء said...

لو كان بايدينا الفرح
ايه يمنع؟؟؟