Sunday, March 11, 2007

البلدة البعيدة وراء المرآة



البلدة البعيدة وراء المرآة






في الصالة الرياضية استخدم الدراجة الثابتة.. أبدل بعنف لعلي أصل للمرآة التي تغلف الحائط المقابل، واتعجب لفكرة الهروب الملحة على رأسي بشده مؤخرا، وافكر..

ساعبر خلال المرآة.. سأشعر ببرودة تلامس بشرتي مع السطح المصقول للحظات، واسقط في بركة كبيرة للكرات الملونة الصغيرة.. ساندهش واضحك.. ثم اتجول في تلك البلدة.. بيوت من الحلوى وحدائق واسعة مسيجة بعيدان القرفة التي تبعثر إلهامها في المكان.. مساحات خضراء وعشب مبلل أخلع حذائي وأجري فوقه وأقفز.. عصافير وشلالات مياه وفراشات ملونة صغيرة ألاعبها وتلاعبني.. سلم من قطع سحاب وفتيات صغيرة بفساتين وردية وصفراء وفيونكات حريرية شاهقة البياض.. لا أنا ولا أنت ولا هم ولا هؤلاء ولا هي ولا تلك الأخرى.. ولا عملي ولا بيتي ولا مشاريعي ولا أجندتي.. ولا قلقي ولا وجعي ولا غضبي ولا كوابيسي الليلية.. فقط هذا الجمال المصفى والانغماس فيه..

إيه ده كله؟ رحتي فين؟
يعيدني صوت مدربتي للأرض..
"هاه؟ ولا حاجة.."
انظر حولي، تذوب البسمة.. اتنهد واترجل، وعلى لساني جملة واحدة أخجل من أن أقولها "ممكن شوية كمان؟!"

25 comments:

R.R said...

جميله ممكن اجى معاكى وراء المراه؟

Rosa said...

ممكن شوية كمان ؟؟؟
غادة بجد مش ممكن بجد ماشاء الله عليكي بحب كتابتك جدا اخدتيني معاكي و حسيت اني اخترقت المراية فعلا و شوفتك كمان و انتي بتقلعي الجزمة حتى الشراب كان لونه روز مش كدا ؟؟ :D
thank you bgd

معاذ رياض said...

أهم حاجة أنك تبعدي عن بيوت الحلوى ، لأنها حاتزود وزنك وتضيع كل الجري اللي عملتيه من الصبح وساعاتها المدربة هي اللي حتقول لك تجري زيادة

:-)

قيصر said...

صوره رائعه
احنا فوق العجله ومهما جرينا بكل قوه مش هنوصل ولا نتحرك من مكاننا
نعرق ونتعب وبرضه صوره المرايه بعيده ووهم ولا سبيل للوصول لها

لازم نكسر العجله وننزل ونمد ايدينا ونلمس المرايه

مجهول said...

يا سلام يا ست غاده
مش بقولك لو كملت اقرا ليكي حتجنن
بس اعمل ايه بقا غاوي
ربنا يستر
لك تحياتي

Anonymous said...

بجد تجننى يا غادة هاااااااايل

أنـــــا اللي بــ الأمــــر
الـمحـــــال اغتوى
شـــفت الــقمــر ،، نطيت لــ فوق في الهوا

طلــتو مــا طلتـــوش إيه أنـــــــــا يهمني

و ليـــه مــا دام بـ الـــحب قلبي ارتوى

و عجبي !!

أحمد - ahmed_hesa@hotmail.com

el2ahwagi said...

allaaaah ...
gameel awi el3alam elkhayali da ...
elagmal elfekra ...


ساعبر خلال المرآة.. سأشعر ببرودة تلامس بشرتي مع السطح المصقول للحظات، واسقط في بركة كبيرة للكرات الملونة الصغيرة..


a very unique fantasy .. !!

محمد صلاح العزب said...

طبعا ممكن شوية كمان

بيسوو said...

ممممممممممم
ساعات بفكر ان الناس الي بشوفهم في المراية مش هما فعلا بحس ان الانعكاس بتاعهم اخف ظلا...:)
انا متبعاكي من زمان على فكرة بس مكنتش بعرف احط تعليق لان مش بلاقي كلام اقوله..كنت بقول الله بصوت هامس كدة واغير الصفحة..بس قلت النهاردة لازم ابعبر شوية عن اعجابي

Yasser_best said...

بعض النصوص لها عطرها الخاص

بعض الكلام له لونه الأخاذ

وأنت تمنحين في نصك سحر العطر وبهجة الألوان

ladieskiller said...

بجد خيالك وصورك دايما رائعه وجديده يا غاده
إستمرى

Eman M said...

هوة فيه كدة؟:)

hebaz said...

ايه الخيال ده كلة؟
بجد رائعة
ممكن أجى معاكى على الجانب الأخر من المراه؟

KING TOOOT said...

ممكن شوية كمان عشان تعيشي الحلم
تدوبي في الألوان و لا أحلى بطلة فيلم
و تعيشي ع الألحان و تزوري كل مكان
و كلمة من إنسان ترجعك للعلم
و عـجـبي
KING TOOOT

Heba Elmansoury said...

قبل ماتحلم فوووق! احلم وأنت فايق ! قبل ماتطلع فوق.. انزل للحقايق
غنوه لمنير.. قديمه بس لذيذه.. بس تيجى للتطبيق تلاقيها للأسف صعبه.. صعبه أوى:(

мїяάЖάгїм ™ said...

البلدة البعيده وراء المرآه ...
كم اتمني الهروب اليها ولو للحظه واحده ...
لحظه سرمديه ، ابديه ، ذاتيه و كونيه ...
اذوب هناك ، وتختفي آثار خطواطي ...
كسرب الفراش الملون الذي يدغدغ احلامي ...
في البلد البعيده وراء المرآه .

شكرا يا غاده

مجهول said...

مشتاق لكلامك مع نفسك
فينك من زمان
ارجو ان يكون مانعك خير

Anonymous said...

أمممممممممم
أليس في بلاد العجائب
بجد حلوة أوي أوي أوي يا غادة

Dr. Tantawy said...

إذن .. بانتظار نجاح تجربتك .. لأن كثيرين يحتاجونها .. في مرآه .. في موجه قوية .. في جبل عال .. المهم .. هو انتقال وهروب

تحياتي

ROITER said...

كويس انك عرفتى تتخيللى الموقف ده يا بختك
انا لما جيت اتخيل الوضع ده فجاه تخيلت ان النور قطع و العجله وقفت بيا ووقعت على ضهر لارتطم بصخره الواقع

yamen said...

جميل اوي انك شايفة اللي ورا المرايه..

بس يا تري انتي شايفة اللي علي المراية بنفس الوضوح؟

بوست ملهم

karamla said...

جميل كالعادة وبكل سعادة ياغادة
أنا عن نفسى لما ببص فى المرايه بحس انى واحدة تانية
انفصام فى الشخصية دة ولا ايه ياختى أنا معرفشى
أنا محتجين مش شوية لا كتيييييير أوى من لحظات الخيال والتأمل والختلاء بالنفس بجد عالم تانى

dandana said...

خدى وقتك....

Sarah ElTobgy said...

You now something.. the best cartoon i love is "Alice in Wonderland" .. i don't remove it from my laptop.. leih? 3ashan Alice bennesbaaly qodwa! kan nefsy el nas tefham Alice like i did..

Looking beyond the mirror..

My wonderland lies there...

Whenever i am in a situation i don't like i look beyond the mirror and there i go.. with lots of fun..

moony_sweety said...

يااااااه ياغادة ..بتجيبى الكلام ده منين؟؟؟..بيوت الحلوى "وعيدان القرفة!!!!"جبتيها منين دى بجد؟
"قطع من سحاب!!!!!!"لأ بجد بجد جبتى الكلام ده منين؟جديد وغريب هو ده من تأثرك بالثقافة الأجنبية"الانجليزية والفرنسية؟؟"مش عارفة .بس عارفة انى مش هبطل اندهاش لما اقرالك تعبيرات زى دى..بتفكرنى ب"حقول الملح "اللى كان فى "قميصة الأخضر ذو الخطين الخضراوين"شفتى انا فاكرة ومركزة ازاى..هههه
صحيح لازم تقوليلى يعنى ايه حقول الملح دى وايه اللى قصدتيه لما اخترتى التعليق ده بالذات..