Monday, March 19, 2007

كل سنة وأنا طيبة :))




النهاردة عيد ميلادي (تاني! الوقت بيعدي بسرعة موت) وبقالي أسبوع عمالة أفكر إزاي ممكن أحتفل باليوم التاريخي ده :) ، فلقيت نفسي مش عاوزة أحتفل بنفسي، بس عاوزة أحتفل بناس من غيرهم دنيتي كانت هتبقى بايخة قوي.. ولما بدأت أكتب الاسماء حسيت بإن قد إيه ربنا بيحبني لإنه محاوطني بيهم.. والترتيب طبعا مالوش معنى..

أمي.. علمتني إزاي ماخافش في الحق وإزاي أضحك من قلبي.. وأنا في الحقيقة ماليش أم واحدة أنا فيه ناس كتير متبنياني :) ومنهن:
سحر الموجي.. مصدر قوة دايم ليا.. كفاية إني افتكر حضنها وكل مشاكلي تهون..
د هالة البرلسي.. بتدلعني لحد ما هتبوظني! عرفتني يعني إيه معنى "الإمتنان" والحب غير المشروط..
خالاتي كلهم.. باشوف معاني كتير قوي لما أحكي معاهم وعيونهم تدمع..

والدي.. كل ما بالاقي حاجة بتاعته باعرف قد إيه فاتني..

"هو".. عارفة إنه عمال يجهز في مفاجأة للنهاردة من سنة تقريبا! (يا حرام).. باتبسط عشان بنتعلم حاجات كتير من بعض وبنبهت على بعض كل يوم! :)

ماريان..أنتيم 1 بنفهم بعض من غير كلام.. ومنطقها دايما بيريحني..

شريفة.. أنتيم 2.. عمري ما بضحك الضحك ده مع حد غيرها! دايما فاهماني، ودايما قلبها عليا.

مريم.. أنتيم 3.. جميل لما الواحد يلاقي حد يجاريه في شطحاته ويفهمه ويكون جنبه وقت ما يحتاجه..

د/أحمد.. من أكتر الناس المأثرة فيا.. في محاضراته إداني مساحة "أكون" فيها غادة.. وكان دايما بيشجعني، وحتى الآن.. لو بس قالي "برافو" بابقى سعيدة 7 أيام ورا بعض!

فيه كمان 2 عزاز على قلبي قوي مع إني ماشفتهمش كتير.. يمكن واحدة فيهم اتكلمت معاها في الحقيقة مرة أساسا..
رحاب وسامية .. معرفتش ماكتبهمش، بس الواحد فعلا بيتبسط لما يقابل بني آدمين بجد.. محافظين على أرواحهم الجميلة اللي بترفرف على اللي حواليهم وبتدفيهم.. وحتى لو كلامي ده هيفاجئهم، بس هما فعلا غيروا من وجهة نظري تجاه الحياة قوي...

يلا كل سنة وأنا طيبة وإنتم كلكم طيبين :)

50 comments:

ريما said...

كل سنة وانتي طيبة يا غادة
وعقبال مية سنة بجد مش كلمة كده وخلاص :)

انا فرحانة كتييييييييييير اني اول واحدة تقولك كده في البوست
انا يمكن مش بكتب لك تعليقات كتي ربس انا دايما متبعاكي
:)
وربنا يسعدك دايما ياجميلة

radwa osama said...

كل سنه وانتى طيبه يا قمر ..يا رب يكون اجمل عيد ميلاد عدي عليكي

Anonymous said...

كل سنة وانتى طيبة ياأجمل غادة فى الوجود وعقبال مليون سنة ودايما مدونتك متالقه كمان وكمان.

أحمد - ahmed_hesa@hotmail.com

dandana said...

هابى بيرث داى تويو ....
تشا تشا تشا....
عايزيين جاتوبقى وبيبسى....
بس دايت الله خليكى....

حـدوتـة said...

كل سنة وإنتي جميلة يا جميلة :)

وزي ما بيقولوا
beauty is in the eye of the beholder :))

سامية said...

ربنا يسامح يا غادة! والله خليتي عينيا دمعت! متتخيليش فرحتيني قد إيه.. يمكن أجمل إحساس في الدنيا هو ان الواحد يحس انه عامل أي فرق -ولو صغير- في حياة حد تاني. ولما تيجي كمان من حد مش مرتبطة بيه مباشرة أو باشوفه بصفة مستمرة، تبقى أكبر وأكبر. إنتي فعلاً إنسانة جميلة غادة. كل سنة وانت طيبة يا حبيبتي. ربنا يسعدك زي ما أسعدتيني وزيادة، وان شاء الله كل أحلامك تتحقق
:))))))

karakib said...

كل سنة و انت طيبة و أصحابك بيحبوكي

REME said...

كل سنة وانتي طيبة

sarah la tulipe rose said...

كل سنة و انتي طيبة يا غادة و عقبال سبعة الاف سنة
يكون اجمل عيد ميلاد و تكون مفاجأة حلوة انشاء الله :)

yamen said...

كل سنة وانتي طيبة
وعقبال اعياد كتيرة جدا وايام اسعد واسعد

معاذ رياض said...

الصورة فيها 11 شمعة بس .. فين الباقى ؟

BaTresYa said...

كل سنة وانتي طيبة وكل سنة وانتي مع كل اللي بتحبيهم وربنا يخليهم لكـ ...دمتي سالمة

Nerro said...

kol sana wenty tayeba w 3obal 100 sana ya ghada full of kol el enti 3ayzah...kisses

Eve said...

happy birthday, hope your day was as wonderful as you!

Anonymous said...

In the Name of Allah

Sweetest Dew on earth and cyberspace,

HAPPY BIRTHDAY TO YOU.

What is new is:

HAPPY BIRTHDAY TO ALL YOUR LOVE ONES.

And you call me your teacher !

You are the one who keeps teaching me things.

You teach the whole cyberspace indeed.

One can add days of fun, years of joy and centuries of contentment to one's real age if one looks around and starts to see Allah's endless gifts.

You are one of Allah's most precious endowments to me Ghada.

By the way, you are the one who is "really" spoiling me here. I might get used to it.

Tons of love,
loads of joy and overflowing measures of content and "inshirah as-sadr."

Happy Mother's Day to your esteemed Mom.

My best regards to your fiance.

Blessed-to-be-yours,
Hala El-Borollosy

el2ahwagi said...

kol sana wenti tayeba ..!!



Maghool ..

2asdi 2ahwagi .. :)

arabesque said...

رجعت البيت واتقتلت ع السرير يا بنتي، لسه داخلة
أقرأ دلوقتي:)

كل سنة وانتي طيبة يا غدغود وربنا يسعد كل أيامك ويزود شطحاتنا كمان وكمان

مصراوي أوي said...

كل سنة وانتي طيبة ويوم جميل ليكي ولكككككككككل حبايبك
مصراوي اوي

عبد الحق said...

كل سنة وانت طيبة ياغادة. كل سنة وانتي جناحاتك مفرودة أكتر.. كل سنة والسعادة واخداكى بالحضن و أحلامك محلقه في السما

Lasto-adri *Blue* said...

كل سنة وانتى بالف صحة وسلاام وراحة بال يا غدغوود

ها ماقلتيش.. وطلعت ايه المفاجأة بقى؟
:P

ست المرتفعات said...

كل سنة وانت طيبة ياغادة

واحدة بتتابعك من زمان

لولو

Dananeer said...

كل سنه و انتى طيبه يا غجريتنا ام روح حلوه

إبراهيم محسن said...

أولاً كل سنة وانتي طيبة

جميل في يوم زي ده تفكري في الناس اللي حواليكي واللي بتحبيهم.. لأن العادي ان الواحد يوم عيد ميلاده مبيفكرش غير في تليفونه والتورتات والبيبسي.. والهدايا

انتي قدمتي هدية جميلة لناس يستحقوا منك ده.. لذا انتي تستحقي اكبر هدية

لو اعرف اراضيكي اجيبهالك وآجي
هابي بيرز داي تو يو

نورا said...

كل سنة وإنتي طيبة يا غادة يا عسولة :) ربنا يخليكي لنا ويخليلنا البلوج الجميل ده... والله كل ما بافتحه واقرا فيه حاجة جديدة بافرح.. كلامك ب"يصنع يومي بجد"..

ladieskiller said...

many happy returns Ghada and wishing you all the best of luck and happiness.

Heba Elmansoury said...

وصلت متأخر.. معلش ياغدغود أنا باتوه ف مصر دى.. للأسف جايه ايد ورا وايد قدام.. أختك ع الحديده.. عيد أم وكمان احنا آخر الشهر.. يعنى كان لازم تتولدى ف اليوم ده.. عموما هابى بيرث داى تو يووووو ويلا حالن بالن بالن حيوا أم الفصاد:)

أبو ضحى said...

كل سنة و انتى طيبة يا غادة و دايما حواليكى حبايبك و اصحابك

أبو ضحى said...

على فكرة وعدتينى بالمرور على مدونتى و خلفتى وعدك
http://abudoha.blogspot.com
---------
مدونتك الجميلة ألهمتنى و شجعتنى أن أدون أنا الاخر...

حسام said...

كل سنة وانتي طيبة وبصحة وخير وسعادة وراحة بال
:)

معلش انا جيت مـتأخر

moony_sweety said...

غاااااااادة!"وش زعلان قوووى"انا كنت عارفة ان يوم ميلادك 19 مارس وكنت هكتبلك ولكن النت عندى أبى وعصى:ياستى كنتى استنى عليا شوية وبعدين اكتبى عن المناسبة دى.انا يادوبك شفت التاريخ والعنوان قمت مصوّته.عموما"الوش لسه زعلان والصوت كمان"انا كنت عايزة اثبتلك انى فاكرة المناسبة دى..عموما كل سنة وانتى غادة..كل سنة وانتى فى نجاح وتميز وزى مابتقولى كل سنة وضحكتك فى قلبك وكل القلوب الجميلة دى حواليكى ومدفياكى وانتى سعيدة بيهم وهما سعداء وفى افضل حال..
بالنسبة للبوست..جميييييييييييييل"هى دى غادة..قوى" بيفكرنى ببوست ماريان ونفس الاحساس اللى جالى ساعتها ..كل سنة وانتى طيبة ياغادة ياجميلة يامميزة

ملكة said...

كل سنة وانتي بألف خير وسعادة يارب
يارب كل سنة تكون أحلى من اللي قبلها واللي بعدها يكون أجمل منها
وعشان محسش إن البوست عبارة عن أدعية أكيد كتير بيتمنوهالك في قلوبهم قبل ما ينطقوها

كنت عايزة أقولك
إني نفسي أشوفك بجد!

Happy Birthday Ghadoda we 3o2bal 100 sana Happiness:)

Rosa said...

كل سنة وانتي طيبة يا جميل و انتي في وسط كل الي بتحبيهم و بتعزيهم يا رب

سندباد said...

كل سنة وانتي طيبة ...كل عام وانتي سعيدة و بصحة وراحة البال


:)))

Oreka d'jadrool said...

كل سنةوانتى طيبة يا جميلة

Moia said...

kol sana w enty gamlea :)

sosa said...

السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
سارة الاسكافى

The Eyewitness said...

كل سنة وأنت طيبة يا غادة وربنا يخليلك ويعطيك ناس أكتر بتحبك وأنت بتحبيهم.

мїяάЖάгїм ™ said...

Hi,
This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.

http://chiccopolis.blogspot.com/

Really interesting

Yara said...

كل سنة وانتى طيبة
ابقى طلى عليا يابنوتة

عروسة النيل said...

كل سنة و انتي طيبة
:))))

غادة الكاميليا said...

كل سنه وأنتى أجمل يا غادة

محمد صلاح العزب said...

كل ما تعدي من عمرنا سنة
بنصغر أكتر

farida said...

كل سنه وانتي طيبه ياغاده
و آسفه انها متأخره كده

انشغلت
بس رجعت
و بتمنى لك أيام كلها صحه وسعاده ورضا

Misho said...

عابر سبيل :) كنت معدّى قلت أسلم و أقولك كل سنة و إنت طيبة :)

Ghada said...

كل سنة وإنتم كلكم طيبين يا جماعة الله يسعد قلوبكم جميعا.. باعتذر عن التأخير في الرد.. انشغلت بحبة حاجات كده.. وإعذروني إن مقدرتش أرد على كل الناس عشان فعلا مش ملاحقة :)

عاوزة أقول لسامية: وهو إنت عاملة فرق في حياتي بعقل.. دانتي شقلبتيني خالص :) أنا كمان فاهمة قصدك قوي وفاهمة مشاعرك دي :) يخليكي ليا

لد هالة:
I am speechless till now..this is the most special gift one can receive..I keep telling u that u're a blessing but dun seem to find other words.. ur an angel ya my teacher w mentor w mother :))

ملكة:
ده الميل بتاعي
ghadazad (at) gmail.com
ابعتيلي وخلينا نشوف ممكن نتقابل إمتى :))

باكرر سعادتي بكل تعليق جالي..من غيركم مكانش عيد ميلادي هيبقى له طعم :)

محمود فهمى said...

كل سنه وانتى طيبه

عصفور طل من الشباك said...

كل سنة وأنت إلى الله أقرب وعلى طاعته أدوم

ربنا يخلي لك كل الناس اللي بتحبيهم وربنا يديم الحب والمودة بينكم

نفسي اتعرف عليك أوي ياغادة وربما يحصل الموضوع ده مع إنك مش عارفاني بس لما هقابلك هبقى أقول لك أنا اللي كتبت لك التعليق الفلاني

Ma3t said...

i know this is so late, but i've just realised that ur birthday is in march like me :D
happy birthday ya 3'ada ya gamila

Esper said...

بتهزري .....معقول أنا مش فيهم

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................