Wednesday, March 28, 2007

صباح اليوم



صباح اليوم بطعم الشيكولاتة وعصير التفاح الساخن بالقرفة :)

18 comments:

Doaa said...

وأي صباح

وأنا صغيرة، لما حد كان يجيب حاجة حلوة مفاجأة ليّ، كنت أفضل أبص عليها وأمتع نظري بيها حتى يحين وقت استخدامها اللي كنت بأخره لأطيل فترة الاستمتاع..!ا
أهو نفس المنظر ده كل ما أشيل الغطا من على الكوباية وآخد نَفَس أولاً من الاختراع بتاعك العبقري، وراها آخد لي رشفة..
ماحدش دماغه يروح لبعيد، مشروب بريء والله، تحسي إنه حاجة كده إإإإممممممم
Oriental

(:

gohayna said...

احلي صباح وخصوصا لما يكون بالشكولاته مع مزيكا هديه جدا يااااااااااااااااااااه
تصدقي جعت

Lasto-adri *Blue* said...

انا عايزة ادوق م البتاع دة
:D
اشوف ايه الحاجة الأصفرة دى يا غادة

hebaz said...

ايه عصير التفاح الساخن بالقرفة دة؟ أنا عمرى ما سمعت عنة!!!!

أحمد سلامة said...

ياسلام
اول مره ادخل مدونه متخبطش في بوست عن تعديل الدستور او أحوال البلد ومشاكلها
ايه الروقان ده
يابختك

islam yousef said...

صباح الشكوكولاته
و كل سنه و انتى طيبه رغم انها جايه متاخره شويه

جميل اوى اننا نعمل من الأشياء الصغنونه موتيفات أو تحابيش بتجل حياتنا
يعنى مثلا
صباح جميل
بالشكولاته و عصير التفاح و القرفه
ممكن الانسان العادى يقول عادى
لكن الانسان المرهف مش بيعديهم بسهوله كده
أكيد لهم لذه
ممكن الرائحه
ممكن الوهم الجميل
ممكن الاحساس الكاذب بالسعاده
و الاحساس ده انا مش معارضه رغم انه كاذب
مش همهم
أهم حاجه ان ده بيبعث على احساس الانسان بالسعاده

Just Me said...

no2tet da3fy el wa7eeda!
choclate <3

صــ خ ـــب شـــيماء said...

عصير تفاح باقرفه!!!!!!!!
انا بحب التفح لوحدوا والشيكولاته لوحدها
لكن القرفه كمشروب لا طبعا
ده اختراع فعلا حلو ولا تهييس؟
ولو بجد يبقى استنى اجيب ورقه وقلم وانقل الخطوات

BaTresYa said...

صباحكـ سٌكر...
احلى حاجه في الدنيا الشوكولاته ..تخيلي كدا لو في بحر شوكولاته مش ممكن وخصوصا الشوكولاته الكريسبي فززززززززيعه يالهوي..كفاية اصل انا عامله رجيم والكلام عن الشوكلاته لوحده بيتخني

Aladdin said...

ربنا يديم عليكي الشوكولاتة والصباحات الفل!!

sendrlla said...

اجمل حاجه الشيكولاته دى بقى صحبتى الانتيم فعلا

وكل سنه وانتى طيبه مع انها متاخره شويه

Abdou Basha said...

تفاح + قرفة + شكولاتة
مفيش داعي تقولي تفاصيل التركيبة..
كده الخلطة هترطرط في السوق
:)

salateenoo said...

انا هعمل العصير ده النهاردة ...وربنا يستر

ميشيل حنا said...

تفاح بالقرفة؟ وسخن كمان؟
يا ترى طعمه إيه؟
أنا بقيت عامل زي الصعيدي اللي لما سمع أغنية طير الوروار قال يا ترى طير الوروار ده طعمه إيه؟

Ghada said...

doaa:
أنا كمان كنت سعيدة بالصباح ده جدا يا دعاء :))

وأخجلتم تواضعنا والله :)

gohayna:
أنا كمان.. جعت! :) منور

لست:
يا جميلة من عينيا.. قولي لي هاتنورينا أمتى، وأنا أعملهولك بنفسي شخصيا ;)

hebaz:
ده اختراااع! :)

أحمد سلامة:
أهو أنا باهرب من الحاجات اللي إنت قلت عليها دي هنا! نورت

إسلام يوسف:

"ممكن الوهم الجميل
ممكن الاحساس الكاذب بالسعاده"

مش دايما بيكون كاذب يا إسلام.. ليه التشاؤم ده بس :(

just me:
دي نقطة ضعفنا كلنا الحقيقة :))

شيماء:
لا ده مشروب بحق وحقيقي مش تهييس.. بس اكتشفت إن مش كل الناس بتقدر تستمتع بيه..لكن النسبة اللي فاضلة مرضية جدا في رأيي :) ليكي عندي كوباية :)

BaTresYa:
lool
إنت دمك خفيف قوي :)

علاء ابو فروة:
آمــين.. ويرزقك بمثلها قادر يا كريم :)

سندريلا:
وإنت طيبة يا سندريلا وسعيدة بمرورك..:)

Abdou Basha:
:)))
يا ريت ترطرط والناس كلها تبقى مبسوطة زيي يومها :)

salateeno:
شفت بقى :) المكتب كله جاتله العدوى دي مش إنت لوحدك :))

ميشيل:
lol
طعمه حلو طبعا.. التفاح مش الوروار أكيد ;)
بص هو طعمه قوي بسبب القرفة ومسكر بسبب التفاح ريحته حلوة بسبب الاتنين! :)

Anonymous said...

ياترى جربتي مشروب حسن... نعم هو اسمه كده مشروب حسن عباره عن الخلطه دي قرفه خشب - حلبه- نعناع- ينسون - كراويا - قرنفل- مرمريا - كركديه- زنجبيل - حلفا بر - ريحان - كل ده تغليه مع بعض لمده 10 دقائق ثم اتركيه لمده خمس دقائق بعد ما تنزليه من على النار ثم اشربيه وشوفي بعدها قد ايه مشروب ممتع جدا والتغيير وكويس جدا للصر والبطن ولكل الجسم بيخليه في حاله انتعاش جربي وها تدعيلك

حسن ارابيسك( مدونة فض فض) قريباً

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................

Anonymous said...

على فكره عصير التفاح بالقرفه ده اسمه العلمى هوت سيدر وده بيبقى عصير تفاح معلب ولازم يكون معلب والقرفه بتكون سيجار مش مطحونه وده موجود فى كل الكافيهات