Sunday, April 22, 2007

فعلٌ للحب

فعلٌ للحب




أصبحت أشعر بحميمية أكثر في المطبخ عن ذي قبل، وثقة أكبر. لست من البنات اللائي اعتدن دخول المطبخ ومساعدة أمهاتهن منذ الصغر، كنت طفلة مدللة نوعا، كما أن أمي لم تكن أبدا تسمح لي بالوقوف معها ومشاهدتها تصنع الحلوى أو حتى الأصناف العادية وأعطل دروسي ومذاكرتي. لا أعرف متى بدأ المطبخ يستهويني، لكنني أعرف أن هذا حدث مؤخرا جدا.. ربما عندما طلبت مني أن تتذوق شيئا من صنع يدي، أو قبل ذلك بقليل- في بروفاتي السرية لطبخ شيء يصلح لأن أقدمه لك عندما نتزوج.

ارتبط المطبخ لدي بالمشاعر منذ الصغر.. أذكر جيدا إشراف جدتي على إعداد الكعك والبسكويت في العيد، وكيف أن وصفتها لم تكن تخيب أبدا.. وكيف أن الأجيال الجديدة توارثتها، وتساهم في تمريرها ونشرها حتى الأن.. أذكر وقت المغيب الصيفي فوق سطوح بيتنا القديم.. قطع البطيخ المثلجة مع الجبنة المالحة قليلا.. أمي وأبي وعماتي وأعمامي وأولادهم وجدودنا أيضا.. أذكر الكِشك البلدي الذي لم اتذوقه سوي في البلد مع جدي وقت سافرنا معا.. أذكر كرواسان الجبنة الذي اعتادت أمي صناعته مع جيراننا في العمارة القديمة.. وكيف كنا نتلهف على أول قطعة تخرج من الفرن.. نتسابق حتى نأكلها، ونمسكها بمنديل كي لا نحرق أيدينا.. وجه أمي الراضي، وعيوننا السعيدة الشقية وقفزنا مع أولاد الجيران واستجدائنا للحصول على قطعة عجين نشكلها على هيئة عرائس وثعابين ! أذكر تفاصيل هذه الأيام ومذاقها جيدا وبوضوح..

الطبخ فعل حب.. هذا هو ما عرفته، وهذا هو ما شعرت به حينما كنت أعد لك كيك الشيكولاتة بالأمس أو فطيرة التفاح قبلها.. لم أستطع الوقوف في المطبخ دون أن أسمع موسيقى هادئة.. حرصت على أن أعمل بيدي وأن أمزج المكونات وكأنني أربت على ظهر طفل.. برفق بالغ.. كثيرا ما كنت أفكر في رائحة بيتنا.. فبعض البيوت -كما تعرف- لها رائحة مقبضة وغير مرحبة، وأنا أرغب في أن يفتح بيتنا ذراعيه لكل من نحبهم ويحبوننا.. أنا لا أرغب في أن تكون رائحة بيتنا برائحة العطور، أو معطرات الجو، سيكون من الأفضل أن يكون البيت برائحة النعناع أو القرفة أو الشيكولاتة الذائبة أو التفاح.. والأهم من هذا أن تكون الرائحة دافئة..

لا شيء يضاهي سعادتي بخروج المخبوزات من الفرن.. منتفخة وساخنة ورائعة سوى سعادتك أنت بها وبتقديرك للأمر برمته.. الطبخ فعل حب.. توظف أنت فيه اللمس والشم والتذوق والرؤية وأوظف أنا فيه اشتياقي لك، ولإبتسامة من وقع المفاجأة..

42 comments:

Anonymous said...

إنه حقاً فعل للحب، أنا بحبك يعني لازم أظبطك وأغذيك وأربربك!!! وكما قالوا قديماً أقصر طريق لقلب الراجل معدته!!!ه

وبعيداً عن الهزار علاقتى بالمطبخ توطدت من زماااااااااااان حيث كانت أمي تؤمن "ولا زالت" أن البنت اللى ملهاش في المطبخ... تبقى ناقصة ملح وقلتها أحسن" ولكن حميمية المطبخ ظهرت من حوالى شهرين أو أقل لما بدأنا "أنا وأنت" نتبادل الوصفات والحركات واللذي منه أصبح لدي شغف حقيقي بعمل الأكل بأشهى الطرق لمشاركتك إياه وكأن طعمه بيزيد حلاوة !!! ه
وعلي الرغم من أن النزعه البشرية تحفز الأنسان على الأحتفاظ بما يميزه عن غيره لنفسه فقط الا ان أنا وانتى عمرنا ما عملنا كده بل على العكس بنقول وبنوصف كل حاجة بذمة وضمير قوووووى عارفه ليه؟!ه

لأنه..."فعلٌ للحب"!!ه

Hend S. Nour

Dananeer said...

عارفه يا غاده
محستهاش غير و انا باقرا احلام
و كلامها على لسان خالد ابن طوبال عن عواجيز الجزاير و اما و اكلها

و صاحبته الفرنساويه بتاعه المعلب و حاجات بره

انا شبهها باكرهه
يمكن اكون بجد لحد دلوقتى
محبتش بجد

تيتى و عزماتها
ماما

بوست حلوه يا غدغوده
ربنا يقدرك و تعملى
و دايما الروايح تكون حلوه

هبة المنصورى said...

أيوه كده.. راجعه بقوه! ماشاء الله! أنا كنت هامد أيدى ف الشاشه أقطع ورق الجوابات ده ستين حته والله.. صبرى قليل-مين صبرى ده؟!- لو جينا بقى نتكلم عن الطبخ فماليش فيه أوى بس لما بادخل المطبخ لازم أعمل حاجه بمزااااااااج.. يعنى لازم أبقى لوحدى مع مزيكه ماشيه مع اللى باعمله.. وتلاقينى ولو بيض مقلى حتى باطلعه وهمى-مشهوره أنا بطاسة البيض بالمورته وساعات بالجبنه الرومى أو الدوبل كريم وكله بتمنه.. بيسألونى هتعملى ايه يافالحه لما تتجوزى وانتى خيبه كده ف الطبيخ ودايماً أرد أقول زيك كده.. ياجماعه وقتها هابقى باطبخله مع ستين خط تحت "له".. مؤكد هاكون باعمل الحاجه بحب ومزاج وهاحاول أذاكر كويس عشان ماخيبش ظنه فيا :)

Carol said...

بوست دافئ أنثوي
يشع منه رائحة كيكة طازجة ساخنة
:)
أعجبني أيضا العنوان
أعتقد عندما نحب
نوهب كل يومنا ليصبح فعل حب
شكرا على رقتك التي لا أجدها كثيرا

Aladdin said...

لو صار بيتكما مثل مدونتك هذه لكفى!

Doaa Samir said...

تصدقي
حسيت بيه.. -بالحب-.. لما كنتِ بتوصفي لي التشيز كيك اللي عملتيها عشانه لما أرضه كملت لفّة حول النجم الأكبر. عينيكِ كانت بتلمع بالحب، وبيه، وبالدفا لما كنتِ بتوصفي لي. وصوابعك وإنتِ بتوصفي وكأنك بتقولي بدون قصد حركتك في المطبخ وفي خلط المكونات ووضعها في الصينية، لحد ما خرجت من الفرن واتقدمت، كانت بتحاكي فعل الحب ده.. آه والله العظيم.. مش باضحك عليكِ والله، إنتِ عارفاني وعارفة شيء عن طبيعة الحاجات اللي باشوفها!!د

وتصدقي كمان؟! أنا عندي نفس الفكرة بتاعة راحة البيوت.. فكريني أبقى أقول لك حاجة عنها خاصة أوي..
بس أعتقد إن بيتكم هيبقى برائحة القرنفل والريحان وهو لسه صغير وطري!د

(:

dandana said...

انتى هاتخلينى احب الطبخ ولا ايه....

لو كان كله جمال كدا...انا مستعدة ادخل المضبخ....
بس مستعدة اكتر عشان يحصل اللى فى اخر فقرة انتى كاتباها

moony said...

الله عليكى ياغادة .. الله على رقتك ونضجك ورومانسيتك .. "اشعر اننى اسمع البوست بصوتك, تقرأيه بصوت رقيق خافت ينبض بكل حرف يخرج من قلبك المحب ..كم هى جميييلة افعال الحب.." دومتما بحب وبارك الله لكما فى بعض "ربنا يحفظكم من الحسد .
مش هتتخيلى سعادتنى لما فتحت ولقيتك رجعتى ولأ ولما قريت العنوان حسيت انه هيبقى بوست جاااامد"ربنا يوفقك يارب
"شوفتى اسمى لما ازرق ؟ههههههههههه.اه اخيرا فتحت البلوج وانتى عارفة كويس قد ايه رأيك يهمنى ورأيك انتى بالذات
"حضن كبييييييير لأنك فعلا واحشانى"
moony_sweety

شيماء زاهر said...

إزيك يا غادة،

حلو أوي البوست ده :))

مطبخ بقى وكده

ربنا يكرمك يا رب كرم عظيم ....وصباح الياسمين

عصفور طل من الشباك said...

ياااااه يا غادة حمدا لله على السلامة
اتأخرت ليه كده؟؟

طبعا يا ستي كنت واقفة عشان خاطره في المطبخ

عارفة يا غادة حسيت بإيه لما قريت البوست بتاعك

حسيت إني قاعدة مع نينا زي زمان وهي بتخبز لنا الرقاق فوق السطوح في اسكندرية وتدينا منه وهو ليه طالع من الفرن

وتنزل الشقة وتقف طول اليوم بس عشان تعمل لنا أحلى غدا ونتلف حواليها زي الكتاكيت ولاد البنات والأولاد
وكانت دايما تخصنا بأول كل الحاجة لأننا ولاد البنت الصغيرة والمغتربة ويادوب يتشوفنا مرة واحدة في السنة

رجعتي لي أحاسيس جميلة وحسستيني بجمال الحب

وطبعا بجمال الحلويات لأنك لو فاكرة قلت لك إني بموت في الحلويات

يا ريت أعرف أشوفك إنت ودعاء تاني
بجد كان يوم جميل برغم إن انا وهبة عطلناكم أوي

سندباد said...

السلام عليكم,


الطبخ فعل حب.. هذا هو ما عرفته، وهذا هو ما شعرت به حينما كنت أعد لك كيك الشيكولاتة بالأمس أو فطيرة التفاح قبلها


كلام لمسني و خلاني أكتب لك رد ..تسلم إيدك

الطبخ بالنسبة لي له فلسفة خاصة في حياتي...يمكن أكتب عنه بوست و ح أعزمك تشوفيه

تقبلي مروري

نهارك سعيد

Sampateek said...

الطبخ فعل حب
الله عليكي احلى تعبير عن المجهود اللي بتبذله الست علشان تسعد المحيطين بيها و تشبعهم
الجوع مؤلم و الاكل الحلو بيضيع الالم ده
احنا دكاترة في الطبيخ
اي وصفة انا تحت امرك
نورتي ماي فيس
:)

Anonymous said...

يابخته ومتنسناش فى الفرح
ووحشتينا جدا ومتغبيش عننا تانى الخيبه الطويلة دى

أحمد - ahmed_hesa@hotmail.com

yamen said...

حمد الله علي السلامة يا غادة..

ايه الغيبة الطويلة دي بس..

يارب يكون المانع خير..

و يكون اللي شغلك عن المدونة هو بتجهيز المطبخ اللي هايتعمل فيه كل الحاجات الحلوة دي..

ربنا يسعدكم مع بعض..

بس ابقي قللي السمنة عشان الكوليستيرول والحاجات دي..

تحياتي

safa said...

جميل فعلاً ما كتبتى , فكل فعل فى الحياة ليس له دافع إلا الحب. ما دمت تحب ستفعل و إذا لم تحب فلن تفعل أبداً

Rosa said...

الطبخ فعل حب.. توظف أنت فيه اللمس والشم والتذوق والرؤية وأوظف أنا فيه اشتياقي لك، ولإبتسامة من وقع المفاجأة
عندك حق يا غادة لخصتيها في الجملة دي
انا برده ماليش في المطبخ وعلاقتي بيه مختصره على الحاجات الخفيفه فطار وعشا و بعض الأساسيات بس فعل الحب دا بيجيلي وانا بحضر الأكل لأخويا متستغربيش اصلي بحب الواد دا قوي و بحسه توأم روحي
ربنا يخليكوا لبعض وتستمتعي بفعل الحب دا وانتوا في بيتكم يا رب
تحياتي للبوست الجميل

R.R said...

غاده تعرفى
وصفك جميل
اعادلى روائح الطفوله والبراه
ربنا يكرمكم يا ستى وتقعدى تطبخيله على طول فى المطبخ
:)
تحياتى

حزيــــــــــــــــــن said...

مش عارف انا كان ينفع اكون فضولى وادخل اعلق ولا اسيبك مع نفسك ابقى قوليلى ... انا دخلت مدونتك مره زماااااان اوى ولسه فاكرها انهارده وبيتهيألى ان مش هسيبك مع نفسك كتير بس الاول تسمحيلى اجى تانى يا ريت تزورينى
http://mazaag.blogspot.com

Rose said...

عندك حق يا غادة.. الطبخ فعل حب.. انا دايما اقول ان الواحدة عشان تعمل اكل حلو لازم تكون بتعمله لحد بتحبه وتبقى قمة سعادتها لما يدوقه ويبتسم ويقولها تسلم ايديكي.. بجد حاجة بالدنيا كلها
ربنا يوفقك ويزيدك حب وشطارة في المطبخ

أنـــا حـــــــــرة said...

الطبخ فعل حب


صدقتى

احساس غريب حسيته لما دخلت هنا
احساس بالامان يمكن
و الدفء

ماتدوقينا بقى حاجه من ايدك
و للا احنا ملناش نفس

أنـــا حـــــــــرة said...

انتو قريتوا ثلاثية احلام مستغانمى ؟
علشان كده الحلم المنساب برفق واضح

لا كده يبقى هاجى هنا كتير

طهقان said...

اقصر طريق إلى قلب الرجل

طبعا
معدته
وابعد طريق
جيبه


اوعي تعدي من ناحيته


إزيك؟

shaimaa said...

ربنا يحميكم
يا رب

sousou said...

I liked your post sooo much,
I felt it's my mum's feelings ,coz she's a wonderfull cooker, she always like to cook and she can't help it,she never stop" rabena yediha el se77a we yekhaliha"
and just now i realize why she must cook everyday ...it explains the way she feels while cooking
keep it up!

كرانيش said...

اول مره اشوف بنت شغوفه جدا بالمطبخ كده
بس دى مش اول مره ابدا الاقى بنت بتعمل حاجات للانسان اللى بتحبه عشان تسعده
احييكى

BaTresYa said...

الحب بيعمل المعجزات زي ما بيقولوا ...وفعلا لما بتحب حد بجد بتتمنى تقطف له نجمه من السما.. ربنا يخليكم لبعض

حسام مراد said...

ياه
انتى جريتى ريقى على اكل الكيك وفطائر التفاح
والحب كمان بس الحب الاول طبعا
بوست لذيذ اوى ودافئ بحراره الفرن وليس بناره كما فى موودك ولكن دافئ بالحب

حسام مراد
شغال
سلاموووووووووووووووووووووووووووز

Dina Hawary said...

oh .. how cute :D
nice post ya Ghada .. begad .. so intimate !

farida said...

الطبخ فعل حب
تعبير جميل جدا

أشعره و أعيشه يوميا لزوجي الحبيب

كالعاده
أمتعتيني بوصف الحاله بكلماتك المعبره المتميزه
تسلم ايدك يا جميل
:)

نهى جمـال said...

تصدقي

كل أما اتمرد على المطبخ

ماما تقولي بكرة هتدخليه وبمزاجك وراضية
وهتعملي أكتر من اللي انتي بتعمليه دلوقتي بمراحل

ساعات ببقى عارفة ان كلامها صح وساعات بحس إنه مبالغ فيه مش أوي يعني هعمل كل ده علشان شخص

إلا إذا

فعلٌ للحب

الطبخ فعل حب

جملة جامدة ياغادة

تسلمي

الافغانى said...

في حملة ضد تنفيذ قانون التامين الصحي الجديد ياريت تنضم ليها
http://el7a2felse7a.wordpress.com

westtewest said...

بوست جميل جدا فيه ربط قوى بين افعال تبدو عاديه ومشاعر انسانيه موجوده لكنها غائبه عنا
اخر سطرين عجبونى جدا
والبلوج كله بصراحه جميل انا لسه باكمل قرايه
تحياتى

AZ said...

انا جربت اكل الناس اللى بيحبونى واكل الناس اللى مبيطيقونيش... اكل اللى بيحبونى طعمه دايما احلى
الرجاله بس هى اللى بتعرف تطبخ وتطلع الاكل حلو حتى لو لناس ماتعرفهاش
بيتيهيالى عشان كده طباخين العالم معظمهم رجاله
المشاعرالمصاحبه لعملية الطبيخ هى دى اللى بيقولوا عليها النفس
يقولك فلانه نفسها فى الطبيخ حلو... عشان بتعمله بنفس راضيه... جربى كده تاكلى من ايد واحده واقفه بتطبخ وهى مضروبه جزمه.. ابقى خدى معاكى باكو فوار احتياطى عشان القولون
___________
نصيحه
جربى تغسلى المواعين بالليل اوى والناس نايمه على الساعه واحده او اتنين بالليل وشغلى جنبك راديو او اسمعى الصت... بالذات لو عندك مشكله.... بتصفى الذهن بشكل مش ممكن تتخيليه... المطبخ يابنتى فعلا مملكة الستات... انا بحب المطبخ جدا

AZ said...

جربى تستبدلى الفلفل الاسود بالجنزبيل وقوليى اخبار الريحه والطعم ايه

مادو said...

مبروووووووووووووووووك

AmR said...

إن كان الطبخ فعل الحب
فإن كل المصريين واقعون في الحب !

بوست جميل

Author said...

نفسك بالكتابة بيشبه نفسك بالطبخ :-)
حاولي ان تكتبي أكثر فمنهم من قرأ ومنهم من سوف يقرأء ومنهم من ما زال ينتظر

Anonymous said...

اولا وحشتينى جدا .. ثانيا بقالى حوالى سبعين سنة مكتبتش تعليق أو حتى دخلت ع البلوج أو قعدت على كمبيوتر أصلا .. تقريبا من قبل جوازى بشهرين أو أكتر .. لكن بما إنى حصلت على فرصة ومزدوجة كمان "كمبيوتر و انترنت" فدخلت و قريت الموضوع الرائع وشدنى جدا ولقيت نفسى بافتح صفحة التعليقات عشان اقولك إن احساسك صح جدا جدا جدااااااا وإن كل تعب المطبخ بيروح ساعة ما يدوق أول معلقة ويبص لك ويقولك تسلم ايديكى او الأكلة دى حلوة أوى .. ساعتها بجد بتبقى فرحة من نوع تانى خالص .. يا رب تجربيها قريب وتجربى كل افعال الحب
ميرو

حسن ارابيسك said...

ياسلااااااااااااااااااااااااااام
على الريحه اللي تفتح النفس دي على فكره أنا كنت معدي بالصدفه في شارع المدونات شميت الريحه من أخر الشارع وفضلت ماشي مع الريحه الشهيه دي لحد ما وصلت لمدونتك امليانه العمرانة بأحلى الأكلات والمعجنات والمشويات والسلاطات والمحشيات والطواجن والمشمر والمعمر والحلويات فوق ده كله الكلام الجميل المخلوط بالعسل والزبده ، لا لا مقدرش على كل الحاجات الحلوه دي فعلا تسلم إيديكي يا ست الكل يا ست الستات إن شاءالله دايما مطبخك عمران بما لذ وطاب من خواطر وقصايص وحكايات وسكر نبات

ثانيا
اتمنى أن تشرفيني في مدونتي أنا عامل حفلة كده على الضيق عازم فيها
كل حبايبنا ومفيش داعي تكلفي نفسك وتجيبي إي حاجه معاكي كفاية وجودك في مدونتي هاينورها ويشرفها
حسن ارابيسك

بنت القمر said...

فعلا موضوع جميل واحساس حقيقي واحب اقوللك دا اللى الناس بتقول عليه النفس ودا اللى بيخلى لكل ست نفس فالاكل مختلف عن غيرها حتى لو بتعمل بنفس المقادير او بيخليكى بتحبى اكل نا س معينه غيرك ممكن يعتبره عادى على اد الحب والعطاء اللى بيكون هندها نايس بوست ...

mirage said...

رائعة

i am trying said...

ممكن اكون مش بحب دلوقتي لكن كل كلمه كتبتيها حسيت بيها ربنايجازيكي خير علي مشاعرك الجميله ناحيته