Saturday, June 16, 2007

غـــــضـــــــب



شعور غبي، لما تحس إن الناس بتعاملك على إنك عيل صغير وبتاخدك على قد عقلك وإن كل الكلام اللي بتقوله بيدخل من ودن ويخرج من الودن التانية في الوقت اللي بيفهموك فيه إن أهم حاجة عندهم راحتك..

شعور غبي، إنك تبقى عاوز تغضب جدا، وتكتب حاجة سخيفة جدا، وتتراجع في آخر لحظة عشان متضغطش على أعصاب حد أو تؤذي حد..

شعور غبي، أما الناس تتعامل مع ألمك على إنه رفاهية ودلع، وإن كل واحد يا حرام فيه اللي مكفيه، ولو جيت بس تحكي له يحسسك إنه شهيد والشوك خارج من راسه والدم بينقط من رجليه..

شغور غبي، إن يبقى نفسك تكسر كل القزاز الموجود في البيت وتخبط الموبايل في الحيطة ينفلق نصين وتقطع في جسمك بالسكينة، وتتراجع لإنك للأسف مؤدب وأهلك مربيينك كويس ومينفعش تعمل حاجة تغضب ربنا..

28 comments:

عباس العبد said...

شعور غبي، أما الناس تتعامل مع ألمك على إنه رفاهية ودلع، وإن كل واحد يا حرام فيه اللي مكفيه، ولو جيت بس تحكي له يحسسك إنه شهيد والشوك خارج من راسه والدم بينقط من رجليه..

جميلة جدا

momken said...

أصعب الذكريات...حلم مات بين يديك ولم تستطع أن تكفنه
أصعب الأيام...عندما تصير أقدار الشعوب في يد المرتزقة
أصعب الشواطئ...مكان نراه من بعيد والأمواج تلقي بنا من مكان إلى مكان ونكتشف أن الشاطئ سراب
أصعب الدموع...تلك التي نذرفها أمام من لا يستحق
أصعب الأماني...أن تأتمن عليها من لا يدرك قيمتها

علاء said...

شعور مالوش داعي انك تثور على ناس في الحقيقة بتحبك بس عشان بيحاولوا ينصحوك

شعور فظيع لما تفهم انسان بيحبك على انه بيكرهك
شعور جميل لما ادخل مدونتك دي ألاقي الكلمات دي و احاول اهدّي صاحبتها دي
و اقولها مفيش حاجة تستاهل كل ده
:)
ربنا يحميكي

Ahmed said...

شعور غبي تحس إنك وحيد ومش قادر تتعامل مع الحياة إلا بالشكل اللي الحياة نفسها بتسمحلك فيه .. شعور غبي إنك تحس إنك من غير خيارات .. ما فيش حتى يا كده يا كده .. هو كده وخلاص ..
شعور غبي تحس إنك غضبان .. غضبان اوي .. غضبان أكتر من اللازم ..
وبالوقت نفسه لازم ترسم ابتسامة وتعمل نفسك مبسوط ..
علشان متجرحش الطرف التاني اللي ملوش أي ذنب إلا أنه بيحاول يعيش.

أنـــا حـــــــــرة said...

قبل ما ربنا يكرمنى و اقرر انحرف
- مجازا -
كنت بقول عيبى
من ضمن عيوبى يعنى
ان اهلى ربونى
اصل البلد دى مينفعش فيها واحد متربى

المهم

جميل اننا نحس
حتى لو الاحساس ده غضب
المهم ما ننكرش

geraldine said...

زي ما بيقولو..
من حسن حظ الخير إنك في صفه !
ولا يهمك يا جميلة..

Geronimo said...

ش
ع
و
ر


بالغضب


شئ ما يشبه الصدمة


اصابني بعد ما قريت البوست ده


اللي بنحبهم بالذات بيعرفوا قوي

يسجنونا في نفسنا


قلبي معاكي

basma said...

عندك حق يا بنتي، انا عن نفسي بتحصل معايا كثير اني ابقى عايزة اطلع غضبي لكن بتحكم في نفسي عشان انا بنت متربية لكن المشكلة اني بندم بعد كده واقول نفسي ابقى شريرة وياريتني رديت عليه ولا عليها. لكن عامة الاحساس ده مش لازم يزعلك اوي كده لأن الناس اللي بتغيظ الواحد ميستاهلوش نزعل منهم...

تسـنيم said...

علشان كده ساعت الحزن والألم مش بنشكي غير لنفسنا وبندخل جوة شرنقة علشان عارفين ان الناس هتنظر لألمنا وشكوانا على انها دلع زايد وتهونها علينا بكلام بيوجع أكتر ما يطبطب

Yara said...

اه .. اه بقة عندك حق وصح بقة
لا انا ببقى عاوزة ساعات اخبط دماغى انا فى الحيطة واشتم والعن واتف
واقول أحا كمان
بس عشان متربيين
حاجة وسخة

نورا said...

لازم تعرفي يا غادة.. إن فيه ناس كتار بيحبوكي.. وبيزعلوا لما غادة الجميلة تزعل... وأنا منهم على فكرة :)

بنحبك زي ما إنتي......

حـنــين said...

أنا قالوص ، وأنتي ؟..... قوصرة أم عَـلة ؟

بنت القمر said...

محدش بيتعاطف مع حد الا ازا كان بيحبه لان الحب اساس التعاطف والمشاركه لكن ازا كنا بعاد عن بعض اكيد مش هنحس ببعض ولا بوجع بعض لان المسافات زادت بين الناس.. والقلوب اتحجرت والمسافه مش مسافه مكان لكن مسافه مشاعر...ربنا يروق لك الحال

علاء said...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

mando4ever said...

عن الغضب.....

حالة إنفعالية بتحصل لأي حد فينا.....

وبنختلف في أساليب التعبير عنها.....

في طريقتين للتعبير عن الغضب يا غادة.....

نوعية الغضب الايجابي وهو اللي انتي وصفتيه....

برغبتك في التكسير والرفس وانك تضربي اي حاجة قدامك بالشلوت.....

وده بيكون موجود عن الناس اللي بيسموهم انبساطيين او
Extroversion....

وفيه كبت الغضب واحتوائه وده منتشر جدا في واقعنا احنا وبيكون عند الناس الانطوائيين او
Introverrsion....

بالنسبة ليا انا فـ الغريب اني عامل معادلة صعبة جدا بخصوص الغضب....

ويمكن من حسن حظي ان اللي بيتعاملوا معاية اتعودوا عليها.....

اسلوب التعبير عن الغضب بالنسبة لي له شكلين.....

الشكل الشائع هو اني سريع الغضب......
اشخط...اتنطط... ازعق...بوصل احيانا لحالة هيجان وده حتى معروف عني في شغلي....
لكن بعد ثواني... كل ده بيتحول لابتسامة على طول....

ويمكن السبب هو اني مش بدي نفسي فرصة للتفكير في غضبي ده....

اغضب بسرعة...اتخنق...ازعق...اهيج...وبعد اهدى خااالص....

الأسلوب ده بتعامل بيه مع حالات غضبي من حاجات انا اقدر اتحكم فيها او في نطاق ايدي ...

بمعنى اوضح....مع زمايلي مثلا....

الناس اللي ممكن تشتغل معاية او تحت ايدي.....

هما دول اللي اتنرفز عليهم بسرعة ويكونو عارفين ان نرفزتي دي سرعان ما هتتحول لابتسامة.....

الأسلوب التاني اللي بتعامل بيه مع الغضب....

اكثر تعقيد....

وهو اللي بتعامل بيه مع غضبي من حاجات اكبر مني او خارجة عن نطاقي انا ...

بمعنى لما يكون غضب نتيجة ظلم من مدير...او غباء ادارة...او سخافة قرار.....

غالبا... رد فعل غضبي ده بيكون السخرية.....

السخرية على طوووووول الخط....

ده بيرحني الى حد ما خصوصا لو ضيفنا للسخرية اللامبالاة.....

وصعوبة المعادلة هنا....

هو انك ازاي تجمعي بين سرعة الغضب والعصبية الزيادة عن اللزوم....

وبين اللامبالاة والقدرة على السخرية من أحلك المواقف......

تحياتي....

nasar said...

http://www.ghadonline.com/forum/showthread.php?t=2799 انضم لرابطة المدونين العرب

nasar said...

www.ghadonline.com موقع غد اونلاين

ابن مرّ said...
This comment has been removed by the author.
Blank-Socrate said...

و كل ما نتألم اكتر نعرف حاجات اكتر
و نكون انسان اكتر

altwati said...

شغور غبي، إن يبقى نفسك تكسر كل القزاز الموجود في البيت وتخبط الموبايل في الحيطة ينفلق نصين وتقطع في جسمك بالسكينة، وتتراجع لإنك للأسف مؤدب وأهلك مربيينك كويس ومينفعش تعمل حاجة تغضب ربنا..

أحيانا تنتابنا بعض المشاعر المتعلقة بالعنف
ومعنى أن يعاملك الناس كأنك طفلة فهذا يعني أنك طيبة وأنهم يفضلونك ، أعتقد أن الناس لا يتهاونون بصدد الأفاعي ، والعكس مع الفراشات
ما تحرقيش في أعصابك لا شئ يستمر إلى لأبد
تحياتي

altwati said...

شغور غبي، إن يبقى نفسك تكسر كل القزاز الموجود في البيت وتخبط الموبايل في الحيطة ينفلق نصين وتقطع في جسمك بالسكينة، وتتراجع لإنك للأسف مؤدب وأهلك مربيينك كويس ومينفعش تعمل حاجة تغضب ربنا..

أحيانا تنتابنا بعض المشاعر المتعلقة بالعنف
ومعنى أن يعاملك الناس كأنك طفلة فهذا يعني أنك طيبة وأنهم يفضلونك ، أعتقد أن الناس لا يتهاونون بصدد الأفاعي ، والعكس مع الفراشات
ما تحرقيش في أعصابك لا شئ يستمر إلى لأبد
تحياتي

Ghada said...

أنا بس عاوزة أشكر كل الناس اللي علقت هنا لما كنت في الحالة الوحشة دي..

ربنا يخليكوا ليا كلكم :)

ابن مرّ said...

أنا علقت وبعدين رميت التعليق عشان حسيت انه غبي شوية المهم انك بقيتي كويسة
ربنا يحميكي

بجد ان الواحد يكتشف قيمة الحياة بيبدأ من اكتشاف أد ايه الموت ممكن بطريقة مزهلة

هشام الصباحى said...

جميل خرج كل اللى عندك

ابن مرّ said...

تاني مرة أعلق هنا بس علشان أترحم على موبايلي الموتوروللا ال ستار تاك اللي ندمت عليه بعد معلت فيه اللي كنت عاوزة تعمليه في الموبايل

ما علينا

ابن مرّ said...

من الواضح ان في حاجة مصممة تجيبني هنا كتيير

معرفشش بس الناس اللي ممكن يكسروا كل الشقة

ويقطعوا في ايديهم أو حتى يكسروا الأبواب

مش دايما بيكونوا وحشين ولا مش متربيين

بس بيكونوا لسه ما لقوش طريقة تانية للتطهر زي الكتابة

أو حضن دافي

أو العياط

أو كل ده منفعش معاهم


بس بقول كده لما بفتكر زمان

Dena_cause said...

شعور غبي، إنك تبقى عاوز تغضب جدا، وتكتب حاجة سخيفة جدا، وتتراجع في آخر لحظة عشان متضغطش على أعصاب حد أو تؤذي حد..
...................................
el blg bta3k gamel awyyy bgd.. awel mara 2a2rah w mosh 3arfa abatl 2reya w 3andy exams w mosh bzaker bsabebk :@ la2 bgd gamel gedaaaan....el gomla deh 3agbtny awyyy la2ny hasa7a fe3laan ya3ny sa3at masln ab2a meday2a w hata mosh 2adra akteb fe el blog a5af ely mza3lny ye2ra w agrh msha3ro...sa3b awyy enk thawly matgrahesh nafsek w kaman mategrahesh elly hawaleky dah by3ml 3aleky enty load...

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................