Monday, July 02, 2007

صاحبتي اللي هناك


صديقتي (أنتيمة) أيام ثانوي سافرت إيطاليا.. لم أرها من 8 سنوات.. ولم اسمع صوتها من 7.. تجتاحني ذكرياتنا القديمة سويا هذه الأيام بشكل مفزع، حتى أنني قلقة عليها.. فالأرواح جنود مجندة..

اعتدنا الذهاب بعد المدرسة لشراء الألبومات من المحل الصغير المزين ببوسترات "مايكل جاكسون" و"سيلين ديون" (وقتها).. تبادلنا شرائط "فايف" و"إن سينك" و"ويتني هيوستن" وتلك الأخرى التي كنا نسجلها من إذاعة البرنامج الموسيقي أو البرنامج الأوربي ونتحدث عنها لساعات.. كنا نترجم الأغاني سويا أيضا..

أذكر تمشيتنا التي كانت تطول من أول نصر الدين إلى منزلها مع الأيس كريم.. أذكر "توكة" شعرها السوداء المنفوشة التي أخفت شعرها لمده سنة.. كنت طوال هذه الفترة أعتقد أن شعرها طويل، لكن بعدها عرفت أنه قصير جدا لا يزيد عن الـ 7 سم بأي حال.. اشتريت أنا الأخرى "توكة" مماثلة.. وارتديها لعدة أشهر، فكان من يرانا سويا يحسبنا تؤأمتين (!)..

صديقتي كان اسمها دولت.. وهو اسم لم يناسبها مطلقا، لهذا كنا نناديها بـ "دوللي".. وكنت أدافع عنها بشدة إذا انتقد أحدهم اسمها، لكن هذا كان نادرا.. فمن عرفها، أدرك أنها كانت شديدة اللطف والرقة.. كانت موهوبة في الرسم، وكان "مستر نصر" يكن لها معزة خاصة لتميز لوحاتها.. وكان يعزني أيضا لقدرتي في الشعور باللون (على حسب قوله)..

قررت أن تترك دراستها في كلية الآثار، على أن تدرس الطب عند والدها في إيطاليا.. حتى عندما قالوا لها أنها لابد من أن تدرس الثانوية مرة أخرى هناك، لم تتراجع.. كانت تدرس بالنهار، وترسم مع أحد الرسامين أمام الكولوسيوم في الليل..

أنا أضعت عنوان دولت.. لكنني أبحث عنها كل يوم على جوجل وعلى الفيس بوك.. أرغب فقط في أن أراها ولو مرة واحدة.. لأدعوها لفرحي، ولأرى إذا طال شعرها عن آخر مرة رأيتها فيها!

17 comments:

بنت القمر said...

انا بقي عندى صديقه الثانوي اسمها وداد وافترقنا هى فالسعوديه وانا فمصرمش هاتصدقي دخت لما وصلت لها عن طرريق اصدقاء راحوا عمره.. وعرفت ان حياتنا مشيت بشكل غريب التشابه ممكن تقولى معجزة نفس الاحداث الرئيسيه هنا وهناك واحده وحبه حبه قلت الاتصالات وبعدين وقفت فجاة بتحسي ان انتوا اتنين بقيتواغرب عن بعض مش الاتنين الاولانيين ابدا والمرحله اللى فاتت من عمركم مش هاترجع تانى لكن احلى حاجه ذكرياتها.. اعتقد ان دا حنين للمرحله مش للشخص..واعتقد دلوقت ان الصداقه الحقيقيه تكون بعد تمام النضج تقدري تقولى مش قبل التلاتين... بنت القمراز يور نيو فريند

بنت القمر said...
This comment has been removed by the author.
بنت القمر said...

انا بقي عندى صديقه الثانوي اسمها وداد وافترقنا هى فالسعوديه وانا فمصرمش هاتصدقي دخت لما وصلت لها عن طرريق اصدقاء راحوا عمره.. وعرفت ان حياتنا مشيت بشكل غريب التشابه ممكن تقولى معجزة نفس الاحداث الرئيسيه هنا وهناك واحده وحبه حبه قلت الاتصالات وبعدين وقفت فجاة بتحسي ان انتوا اتنين بقيتواغرب عن بعض مش الاتنين الاولانيين ابدا والمرحله اللى فاتت من عمركم مش هاترجع تانى لكن احلى حاجه ذكرياتها.. اعتقد ان دا حنين للمرحله مش للشخص..واعتقد دلوقت ان الصداقه الحقيقيه تكون بعد تمام النضج تقدري تقولى مش قبل التلاتين... بنت القمراز يور نيو فريند

2:15 AM

Ghada said...

يا بنت القمر.. كلامك بخصوص الشوق للمرحلة قد يكون فيه شيء من الصراحة المؤلمة.. بس عارفة.. ليا اتنين من صحابي.. لو حتى فضلنا شهور مش عارفين نكلم بعض، لما بنتقابل بنكون مإننا سايبين بعض إمبارح

ربنا يخليهوملي :))

ميرسي خالص على التعليق، وأهلا بيكي يا ماي نيو فريند..
ya welcome ya welcome :)

klmat said...

كلامك عن صديقتك مؤثر جدا لأنه صادق وطالع من القلب . يارب تتصل بك وتتجمعواتانى وتلاقى اصدقاء على نفس القدر من الغلاوه الفكره ان فى تاريخ بينكم
مدونتك جميله وبتدل على انسانه رقيقه سعدت جدا بها وحسيتها اوى

moony said...

غااااااااادة ..وحشتينى قوى وكنت قلقانة عليكى قوى ..انا متابعة البلوج باستمرار"مش زى ناس!!!"ومكنتش برد لأنى كان عندى يقين أنك بتكتبى البوست وتفضفضى فيه ومش بتبصى على التعليقات وكنت حاسة بيكى قوى .. ربنا يفرج كربك ويتمم بخير يا عروسة ..ربنا يسعد روحك وتفضل ابتسامتك دايما فى قلبك ..انتى عارفة قد ايه احنا كلنا بنحبك..ويارب تلاقى دولت وتطمنى عليها..a hug to you>>

Anonymous said...

منذ اكثر من سنه اتابع مدونتك غاده ولم ار حتى اليوم ما أسرني وأخذني معه لكل مشعر من مشاعر الحب المقدس الخالي من الجنسانية ومن المثلية ومن أي تعبير مكلكع
حب الانسان النادر
حنين يفوق كل وصف حنينك لصديقتك
أشكرك بشده على هذا المقطع الرائع واعتبره سيسجل في تاريخ بناء انسانيتك وأرجو لكي فرح يملأ قلبك ويديم عليك ربك سعاده وراحه وسكن وود وكل اللي تحبيه
مودتي

ابن مرّ said...

هوا لازم أعلق؟؟؟؟

ما أصل ايه هم لما قالولي على الحوار بتاع البلوجات
قالولي لازم تعلق

الساعة دلوقتي 4 و ربع والنهاردة الاتنين الفجر

لسه راجع من مع جوستاف

واللي ميعرفش هوا مين يدخل يدور على النت

طبعا صاحبنا الصيديلي مجاش وبعتني كعادته

أنا مش بتكسف من اني أقول اني عايز أعيط

ومش بتكسف اني أعيط

حتى لو ده مبيعجبهااش


بس أنا راجع ومشاعري مشحونة بشدة

شفت صاحبي اللي جه من بعيد

ولقيت في مرايت عينيه أد ايه كلنا اتغيرنا


بس يمكن اللي متغيرش اننا بنحب بعض لسه وقوي

عارفيين كلكم

وأنا يهمني فيكم اتنين هوا كان راجع يدور على ايه؟؟؟؟


في حته مش موجوده
انته عارفين انا اقصد ايه

عموما لكل اللي يعرفوا أنا بتكلم عن اييه


واحشني كلكم جدااا

ولكل الي ميعرفوش يمكن في حياة تانية كنتم تبقوا حبيبي وتوحشوني

بس الأكيد ان في كتير مش حيقروا ده عشان يعرفوا انا جوايا ليهم ايه

ياللا هيا الحياة كده

Ghada said...

moony:
ايوه الدعاء الجميل ده :)
أنا دايما بابص على التعليقات حتى ولو مالقيتش حاجة أرد بيها.. هي بس ظروفي كانت صعبة شوية كده.. الحمد لله يعني :)

خليكي موجودة بتبسطني تعليقاتك والله :)

anonymous:
طب أنا فعلا مش عارفة أرد إزاي على الكلام الجميل ده!
دامت علينا الإنسانية :)
ربنا يكرمك

ابن مر:
إيه ده هو جوستاف جه؟ أنا معرفش الموضوع ده..

تعرف أنا فكرت في كلامك ده كتير.. وقادرة فعلا أتخيل ألمك.. وقادرة اتخيل الحتة المش موجودة دي.. شعور صعب لما الواحد يبتدي يضيع من نفسه كده..
ويتغرب من جواه مش من براه..

يديم عليكم الود بالرغم من كل شيء
:)

karakib said...

:)
sensitive
may be one day u will meet her
then u can tell her about ur blog
---
i feel happiness when i imagine her smile when she will find this words

هبة المنصورى said...

وحشتينا ياغدغود
ربنا يهديكو لبعض.. أنا عارفه يعنى ايه لما يبقالك أنتيمه بعيده عنك ومحدش يقول ممكن تتعوض أو تتفك بصحاب تانيين جداد.. طب والذكريات الحلوه واللحظات المره ونوبات الجنان؟؟ ده سيناريو مسلسل طويل.. معقول هنصور واحد جديد ونسيبنا م القديم؟! صعب أوى

DARK said...

أحييك على شعورك الرائع .. اللى بجد نفسى ألاقية مع حد ..ويابخت دوللى بيكى .. العرض جميل ويارب تلاقيها
تقبلى مرورى

Shark said...

ممكن لما تلاقى دوللى تبقى تسأليها اذا كانت مرتبطه ولا لأ ؟
جميل جدا احساس الصداقه اللى من جوه القلب ده .... غريب جدا يومى النهارده عمال اقابل أحداث بحس معاها ان دموعى قريبه جدا بس بتماسك مش عارف ليه ... بوست جميل ياغاده زى اسمك بالظبط

Anonymous said...

please visit www.m3loma.com

موقع مميز جدا يقدم خدمات رائعه
تفسير الاحلام - ابراج - موضه وأزياء وجمال - برصه واسهم وتداول - نيات وحيوان - صور واغانى متنوعه -ثقافه جنسيه وزوجيه - مكتبه ضخمه من البرامج المميزة -وظائف شاغرة- فتاوى واحكام والكثير والكثير من المعلومات الرائعه من

معلومه.كوم

www.m3loma.com

ندي said...

السلام عليكم
في الحقيقه يا غاده انا متابعه البلوج بقالي فتره واللي خلاني اكتب المره دي ان اعرف دوللي او يمكن تشلبه اسماد بس دوللت اللي اعرفها برضه شعرها قصير 7سم وبتحب سيلين ديون وكانت ترسم صور كاريكاتور للمدرسين انا عرفتها في 3 ثانوي بس لكن لسه فاكراها زى ما يكون امبارح كان والدها مسافر ايطاليا وقلتلي انها عايزه تسافر تدرس هناك اخر مرة كلمتها بعد التنسيق وعرفت انها دخلت اثار وانها احتمال تسافر
عارفه يا غاده انا بقالي مده بفكر فيها ومش لاقيه نمرتها ولما قريت اول كلمتين انتى كتباهم وقبل مل اقرا اسم دوللي قلبي دق قوي لانها فعلا وحشنى ولو لقتيها يا ريت توصليني بيها وشكرا

ashraf said...

انتي احساسك رائع ورقيق ,وكمان صعيدية
ياريت يكون لكي اخت ارتبط بيها

ashraf_oakh@yahoo.com

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................