Thursday, November 29, 2007

بوح


ابحث عن شيء استحث به عصب الكتابة لدي فلا أجد.. منذ فترة أحاول التفكير في النص الذي يمكنني كتابته بعد الزواج.. وعن ضرورة أن يكون الكلام رومانسيا وحالما ورائعا! وكيف لا يكون إذا كنت سأحدثكم عن تحقق الحلم، وعن استقراري في بيتي الجديد وسعادتي به.. وكلما كنت أفكر في هذا، أهاب الموقف فيتخاذل عقلي وقلبي معا.. وكأنما كنت أفرغ من الكلام فجأة وأسقط ككيس بلاستيكي فرغ من هواء كان يملؤه..

ومؤخرا، كنت أتحايل على الكتابة، بأن أتصفح مدونات ألهمتني.. أو أن أستمع إلى أغانيَّ القديمة.. أو أن أشرب كوبا من الشاي باللبن.. ذلك المشروب السحري الذي اكتشفت مدى ميوعة طعمه عندما صرت أشربه وحدي في منتصف النهار وبعيدا عن مكتبي.. لكنني مللت من الاستجداء وقررت الكتابة بأي شكل كان..

أما سبب شربي لكوب الشاي باللبن وحيدة هو أنني بعد زواجي تركت عملي القديم، والتحقت بآخر جديد إلى أن اكتشفت ضرورة التوقف حرصا على حياة مخلوق آخر بدأ يتكون داخلي..

أعترف بأن الخبر قد باغتنا.. لا أعرف أي نوع من الأمهات يمكنني أن أكون! وكيف لي أن أكون أما في حين أن الأمر الوحيد الذي ضايقني عندما علمت بخبر حملي هو أنني لن أستطيع الذهاب إلى دريم بارك مع زوجي كما خططنا قبل الزفاف! وكيف سأكون أما مسئولة في الوقت الذي ترقص فيه الطفلة بداخلي طربا لأنها ستحظى برفيق للعب وبفرصة جديدة لشراء لعب الأطفال بدون خجل!

بداخلي رغبة في رؤية هذا الصغير، والقفز–وهذا ممنوع طبعا- من السعادة عند استيعاب كونه نتيجة "ملموسة" لحب كبير، ولكونه أيضا "خلطبيطة" مننا!

اعتراف: لازلت في شهور حملي الأولى، وأشعر بأنني تحولت إلى كائن بغيض.. أنام بكميات مهولة وتتلاعب بي أعراض الحمل كدمية ماريونيت.. فيلازمني الغثيان وتعذبني رائحة المطبخ ولا يستقر الطعام في أمعائي.. أشعر بالذنب لأنني كثيرا ما أكون مستاءة من فرط التعب، ولا أستطيع فعل شيء لمنع هذه المشاعر السلبية من التسرب إلى الطفل.

اعتراف آخر: لعلك لاحظت، أنه قبل النوم، وعندما أفكر في كل التغييرات التي حدثت في الشهور الماضية ويتسرب إلى شعور بالفزع، أحتضنك جيدا وأضبط دقات قلبي مع دقاتك وأنفاسي مع أنفاسك، فيهدأ كل شيء وأنام.

48 comments:

حــلم said...

مش عارفة ليه يا غادة عايزة اقوللك ألف حاجة مع بعض
خللي بالك من نفسك
ومبروك في الأول
وسعيدة بيكي وليكي أوي
يمكن اللي بيننا حروف وبس لكن مش عارفة ليه حاسة انك اختي الصغيرة أو حتي انك انا في مرحلة ما
مش عارفة
بس بجد من قلبي باتمنالك السعادة
والأهم ان ربنا يديمها عليكي
ونفرح معاك بنتيجة حية وجميلة لحبك
خللي بالك من صحتك

جمعاوى روش طحن said...

أول زيارة لمدونة حضرتك

باين أوى إن المشاعر صادقة جدا

أما عن موضوع الحمل

ربنا يرزقك الدرية الصالحة

geraldine said...

أبدع من أن يوصف كالعادة... :)
عودة مباركة.. وذرية مباركة إن شاء الله :)

Ahmed Shokeir said...

غادة
حمد الله على السلامة وعودة موفقة للكتابة بتدوينة جميلة والف مبروك .. وافضل الا تتوقفي عن الكتابة هذه الأيام لإنك تمرين بتجربة جديدة ومختلفة تحتاج لقلم شيق ليرصدها في حينها وبعفويتها

Post of the day
:)

walaaz said...

جميـــل!

اسمعى تانجو كتير بقى عشان البيبى ينزل بيعرف تانجو لوحده :D

ربنا يباركلكم فيه :)

ابن مرّ said...

لما اتقالي انكم انشاء الله حتجيبوا طفل أنا بجد اتخضيت مش عشان حاجة غير لأن الناس بتكبر من حواليا بسرعة رهيبة
الواد صاحبي اللي كان بيقعد معايا وكده بقى دكتور وأب انشاء الله

وأنا حد بيكلمني في التليفون بما اني بقيت مرجع"لسه فاضي للأسف"في مجال معقرب من الوراثة معرفش عنه حرف
وقال ايه بيطلب معاد من حضرتي
"لوووولي"

مش عارف ازاي كل يوم بدمر وعيي الطفولي وادراكي البكر عشان أصحى تاني يوم وألاقيه التأم تاني وأبدأ يوم جديد بوعي طفولي"سماوي"بيبص لكل معجزات حياة ذرات الكربون بفزع

أنا مش بقيت صغيررر

نياااهاا هااا محدش يقدر يمنعني من ده


ألف مبروك

كبرتونا بدري بدري
تفتكروا بقه الكائنات اللي زيي مش انقرضت من زماان!

"من الواضح اني فعلا تقلت البلابيع ودا هذيان أخر الليل زي ما منى بتقول بالظبط"
معلش بقى جت في مونتك المرة دي

زرار
delete
مغري دايما حتلاقيه تحت الككلام الفارغ ده!

سلامات

Ma3t said...

مبروك مبروك يا جميلة

طمنينا عليكى و قوللنا ولد و لا بنت و الاسم الل اخترتوه و كدة يعنى

ربنا يسعدك
:)

شجن said...

صدقينى كل الى انتى بتقوليه ده انا حاسه
بعد ما ربنا قدرلى انه يحمعنى باعز انسانه عندى فى الدنيا ما قدرتيش اكتب ولا كلمه عنها .
الف مبروك البيبى

ريما said...

غادة ميروك ياقمر
انا مش عارفة اقولك ايه ولا ايه انا مبسوطة انك رجعتي تاني بجد

عارفة ياغادة الاعتراف الاخير ده كنت بعمله مع ماما وانا صغيرة
مش عارفة هاعمله مع
"هو"
ولا لاء بس كل اللي اعرفه انه فعلا بيحسسك بالأمان


:))
,x,x,xx,الف مبروك..خدي بالك من نفسك ياجميلة

moony said...

لا املك ان اقول شيئا غير انى كنت انتظرك بشغف بالغ كنت انتظر"يااااااااااه اخير رجعتى ياغادة؟!!!""ان تنطلق منى عند رؤية تدوينتك الجديدة..كنت انتظر "بوحك عن يوم الفرح وعن تحقيق حلمك وعن شعورك بالحياة الجديدة التى دلفتى اليها..وحشتينى بجد ويارب ربنا يسعدك وتكونى دايما بكل الخير..مبروك ياماما غادة وربنا يقومك بالسلامة ان شاء الله..مش ممكن تعرفى ان حاسة بايه دلوقتى..ربنا لوحده عليم.. تحياتى الجمة ومتغيبيش بقى

أبوشنب said...

اولشي

مبروك الجواز

تانيشي

مبروك الحمل

تالتشي

من يومين كنت منزل بوست عن مرور سنتين على مدونتي

وكنت بجيب في سيرة مدونتك

عشان كانت اول مدونة اشوفها في حياتي

وده كان بالصدفة وانا بعمل بحث عن حاجة مش فاكرها دلوقتي

ومنها ابتديت ادون

تحياتي

sharlishablin said...

الف الف مبروك و ياريت ما تطوليش تانى الغيبة اوى كده و انشاء الله ربنا يرزقكك بطفل جميل يملى الدنيا عليكوا سعادة و فرح باذن الله .على فكرة انا كل يوم تقريبا بفتح المدونة بتاعتك عشان اشوف انتى كتبتى حاجة جديدة و لا لا و كمان بصراحة عشان اسمع الغنوة

camellia said...

ألف مبروك يا ادة ربنا يخليكم لبعض يارب و يقومك بألف سلامة

riri said...

عايزة اقولك ان مدونتك ديه انا كنت بخشها فى اليوم مليون مرة مع انك مش بتكتبى جديد بس اقعد اتفرج على البوستات القديمة مع الاغنية الروعة اللى انتى حطاها
وضفتك عندى ... وكل يوم اخش ابقى متضايقة اوىواقول امتى هتيجى تانى
ورجعتى ببوست بجد مش عارفة اقولك ايه ... روووووووعة .. مبروك وخلى بالك منه ... ده احلى احساس فى الدنيا
اخر جمليتنم قلتيهم .. بجد مش عارفة اوصفهم ... انتى شاعرة

esraa said...

الف مبروووووووووووووووك بجد
وربنا معاكي يارب
ويارب ربنا يكملك علي خير ان شاء الله

وخلي بالك من نفسك بقي عشان خاطر البامبينو
(:

Nostalgia said...

والله أنا بقالي فترة , كل ما بكون على النت لازم أدخل مدونتك وأقرا حاجة .. أي حاجة .. المهم اني أقرا هنا ..

كلامك خلاني كنت هعيط ..

ألف مبروك يا غادة .. ربنا يبارك لك فيهما

dandana said...

ايا كانت الطريقة ..عودة حميدة..ويارب بلا انقطاع طويل اخر...

مبارك لك حياة جديدة حلوة...

ومبارك لك طفل يداعبه ويصادقه الطفل داخلك

وليكن الهدوء والراحة رفيقان لك كل يوم

امنياتى بالهدوء

يقول أنى أمرأة said...

الف مبروك على الزواج اولا و على الحمل
اسمتعى بكل لحظة فى الحمل و قوى العلاقة بينك و بين جنينك من دلوقتى هتفرق معاكى كتير اوى بعد الولادة ان شاء الله

محمد هشام عبيه said...

ضربة جميلة موفقة للعودة.. أعرف ماتمرين به- رغم أني بكل تأكيد لم أجرب الحمل!- ولكني اتفهم ذلك الشعور المرتبط بظهور كائن جديد في الحياة بشكل ملموس لكنه غير مرئي، وكل التفاصيل اللاحقة التي تستتبع التصرف على كونه موجود رغم أنه لم يأت بعد!
مبروك دوبل.. الزواج السعيد والحمل الطيب السعيد إن شاء الله
اتفق تماما مع أحمد شقير في الكتابة بشكل منتظم عن التغيرات التي ستطرأ على حياتك كلما كبر الذي في داخلك.. تجربة ثرية تستحقي أن تكتبيها وتستحق هي- التجربة يعني- أن تكتبي عنها.. في الانتظار وصباح الفل

Esper said...

مدونتك جميلة أوي
أنا لسة مكتشفها امبارح من أحمد شقير وخلصت الأرشيف النهاردة

Anonymous said...

صدفة لطيفة وانا ببحث على googleوبضربة حظ ظهرلي البوج بتاعك ودي كانت من المرات القليلة الي بقراء فيها بلوج عربى الحقيقه ابهرنى اسلوبك التعبيري فى توصيل المشاعر الكامنة.على اية حال اتمنالك مولود كما تتمنيه انتي.

Anonymous said...

اه نسيت اترك idetification ليه ده بس علشان بحس ان anonmous بيترك فضول كبير. بالرغم من انه مش عربى بس ممكن الصور تعبر ولو بشى من الغموض.

http://muhammad.splinder.com

Anonymous said...

دى اول مرة ادخل المدونة كلماتك رائعة ومعبرة اتمنى للك التوفيق غى حياتك الزوجية ومن ثم فى حملك اهتمى بنفسك واحرصى على التغذية الصحيحة ولا تكثرى من استعمال الادوية

كرانيش said...

يعنى انتى تقعدى ده كله متكتبيش

واذفجاتن

نلاقيكى حامل
يا شيخه قولى كلام غير ده
انا بامانه مبسوطه بيكى وليكى
ربنا يارب يتملك على خير ويرزقك بالذريه الصالحه
واخيرا هتشترى اللعب من غير كسوف

ياللا ياعم مش حارمينك من اى حاجه

ربنا يارب يتمملكو

اميييييييييييين

مروة الزارع said...

أنا أول مرة ادخل مدونة حضرتك

وبجد عجبتنى جدا

وليا عندك خدمة

انا لسة مدونة صغنطوطة على ادى

وعندى مدونة عمرها بسيط ومحدش بيقراها غير

اتمنى تساعدنى وتحطى اللينك بتاعى عند حضرتك

ومتشكرة ليكى جدا

واسم المدونة هو سلطة

مدونة اجتماعية ساخرة يارب تعجبك

وعاوزة اعرف رايك فيها

وملاحظاتك

وعنوانها

www.salataa.blogspot.com

مستنية ردك

هبة المنصورى said...

مبروك ياغادة
ربنا يسعدك ويكرمك وتكونى ف أحسن حال
تصورى انتيمتى لسه معرفانى إنها ف شهور الحمل الأولى.. ولما عرفت الخبر كانت أول مرة أبكى م السعادة.. أولاً لإنى كنت دايماً أدعيلها وربنا أكرمها بعد شوية تأخير وصبر....قد ايه ربنا كريم رزاق
وثانياً لإنها هتنزل مصر قريب وهنعرف نشوف بعض
فرحنالها وفرحنالك

Mermaid said...

الحاجات الجسدية ديه مسيرها هاتزول وهايفضل فقط إحساسك بحياة ومعجزة بتتكون جواك :)

ربنا يرزقك بالذرية الصالحة ويباركلك فيها :)

بس رجاء خاص جدا، إكتبي :) إكتبي أي حاجة لانها هاتطلع جميلة :)

نهى جمـال said...

مبروك
:)

وربنا يعنكم على اسعاده

ويجعله فرحة وخير ليكم

بوست مبتسم جدا

شكسبير said...

يا سلام
هتبقى ام
طيب احنا نعمل ايه؟

شكسبير said...

على فكرة انا لقيت عنوان الست دولت اللى هوستينى بيها
على الله يتمر

بيسوو said...

مبروك...مرتين

shreen said...

اولا

مبروك على البيبى

انا قلتلك مبروك كمان على كتب الكتاب قبل كده

وبعدين ما تقلقيش من انك لازلت طفله من الداخل

ده بالعكس هيساعدك ان يكون فى تواصل بينك و بين طفلك لما يوصل لعالمنا
ان شاء الله

وطول ما حبيبك وجوزك جنبك
بتظبطى نفسك مع نفسه
المركب هتاخدك لاجمل شواطئ فى الدنيا

تحياتى

Sara Swidan said...

حـــــســــاســـــة جــــــــداً !

لكن لما تفوقي - أو حتى اضغطي على نفسك دلوقتي- .. و اكتبي اكتبي و اكتبي ..
دوني كل التفاصيل
كلها بصراحة !

عشان بعد كدة تحسي إنك عملتي حاجة كبيرة فعلاً

إنتي ماقريتيش "شيخوخة" لـ " لطيفة الزيات"؟

مش حقوللك هوة إيه بقى .. اقرييه لوحدك ، حيرضيكي ..

والله يا بنتي الحاجات اللي بتدون المشاعر ف لحظتها دي ، زي البوست دة كدة ، بيسيبلك وردة اقحوان ، حتفضل تطلعلك كل ما تقطفيها !

قلبي "حرفياً" معاكي

http://day-days.blogspot.com/ said...

سعدت بزيارة مدونتك الى الامام
وادعوكى للمشاركة

shreef said...

اول زيارة لمدونتك الجميلة و الحقيقة انا سعيد جدا اني اول زيارة ليا تكون على الخبر الرائع ده بجد الف مبروك و ان شاء الله تكون ذرية صالحة و تكوني ارق و احن ام على اولادها..كتابتك جميلة اوي و رقيقة فعلا تحياتي ليكي...سلام

darsh said...

جميل هذا البوح الذي لا يعرف الكتابة المنظمة ، إلا من خلال بعض علامات الترقيم فقط

ألف مبروك

sarah la tulipe rose said...

:)))))))))
الف مليون مبروك ..تصجقي انا بقلي فترة مش بقارلك كتيفي بص و طلو كنت مستغربة ..لكن البيمبو القادم شغلك عن العالم كله الظاهر..الف مبروك يا غادة مش عارفة انتي حتفتكريني و لا لأ ..مش مصدقة ان غادة الصغنونة المينيون الي شفتها في المعرض حتبقي ماما!..الف مبروك كمان مرة و بجد حسيت بكلامك اوي و خفت مع ان الموضوع ميخصنيش اصلا!..الف مبروك كمان مرة و يارب يكون قرة عين لكما..وبجد احكي عن التجربة دي كل شوية لانها ثرية جدا و حتطلع من اكثر ثراءا و بما اني بقالي كتير مش بقرالك في بص و طل لازم اقرالك هنا:)))

هشام الصباحى-المشى بمحاذاة رجل يشبهنى said...

جميل مشاعرك
واصلى هذه المشاعر
وخاصة مع الضيف الجديد
مبروك ليك وعليك

Dr Emad said...

الف الف الفمبروك الحمل طبعا
ربنا يفرحك بالمولود يارب
اكيد اجمل شعور فى الدنيا
بس خدى بالك واسمعى كلام الدكتور بجد
وربنا يهون عليكى يارب ويفرحك باجمل مولود

dandana said...

عيد سعيد يا غادة

yamen said...

الف مبروك يا غادة علي الكائن الذي بدا يطالب بحقه في الحياة
وعلي العودة للكتابة
ولو كتبت حاجة تانية غير كده مش هاتكون غير تكرار لكلام فاروق

كبرتونا بدررررررااااااااااااااااي

ربنا يبارك

فخفخينا said...

انتي غيبتي اوي المرة دي
عايزين بوستااااااااااااات

Dananeer said...

wa7ashtene w wa7ashetne bostatek 2olt age ashofek
alf mabrok ya 3'ada w rabna ykon f 3onek
nefse ar3'e kteer bas msh 3arfa now

Anonymous said...

مدون جديد
ومبروك الكتاب ان شاء الله
وربنا يرزقك الذريه الصالحه
ghanyyabahia.blogspot.com

Ahmed said...

بجد الاعتراف الاخير اللى انتى كاتباة دا حاجة مش طبيعية
هو فعلا لسة فى ناس ممكن يكونو بيحبو بعض كدا ؟؟
هو فعلا لسة ممكن بنت تبقى بتحب واحد و تعشقه اكتر بعد جوازهم للدرجة دى
بجد انتى مش متخيلة الجملة دى ماثرة فيا اد ايه
و فعلا الاعتراف الاخير دا ممكن يكون اجمل حاجة انا قريتها من فترة طوووووووووووووووووووويلة جدا
ربنا يباركلكو فى بعض ويرزقكو بالاطفال الصالحة و يباركلكو فيهم

http://grean-heart.blogspot.com/ said...

صباح الخير
عاجبنى نجاحك و تواضعك و سلاسة سردك جدا
و ألف مبروك
و من نجاح لنجاح
http://grean-heart.blogspot.com/

اسـراء حامد ... said...

انا جبت الكتاب انهارده و قريته كله
بجد اكتر من راااااااااااائع
بجد فظيييع و حسيته لامس كده الحتة الجوانية جوه اي حد فينا و في كل الناس و في كل الاعمار

ربنا يوفقك يا غادة و يارب مزيد من النجاح و التوفيق ان شاء الله

علي فكرة دي اول زيارة ليه للمدونة و جيت بس عشان اقول ان الكتاب فعلا ما شاء الله جاااامد

انا ليه كمان مدونة يعني او ممكن اقول مشروع مدونة اتمني تشريفيني برأيك

dr-esso.blogspot.com

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................