Tuesday, February 05, 2008

بشكل غامر.. بشكل ساحق

بشكل غامر.. بشكل ساحق



يوم الجمعة الماضي كان حفل توقيع الكتاب.. لا أستطيع أن أصف مشاعري التي لا يستطيع قلبي الصغير استيعابها حتى اليوم.. هناك كلمة إنجليزية قد تعبر عن حالتي الآن بشيء من الدقة..
Overwhelmed

وهذه الكلمة التي غالبا ما تترجم "بشكل ساحق" أو "بشكل غامر" أراها أنا على إنها دفعة من مزيج من مشاعر الدهشة والامتنان والشجن في وقت واحد.. الأمر الذي يؤدي إلى ما يشبه الصدمة العاطفية فلا يستطيع المرء معها تقرير إذا ما كان يرغب في الضحك أم في البكاء.. (والله تعريف ينفع يتحط في قاموس!)

المهم، يومها بيعت جميع النسخ –عدا واحدة للأمانة- أثناء حفلة التوقيع.. وفاجئني عدد الحضور وعدد من اشترى كتابي الأول.. كان رائع أن أرى قراء للمدونة لأول مرة.. منهم ممن أعرف اسمه ومنهم ممن لا يعلّق.. ورائع أيضا أن أحظى بقراء جدد رأونا في "صباح دريم" فتحمسوا لكلامنا وحضروا التوقيع.. رائع أن أوقع على نسخ ستصل إلى خارج مصر بتوصية من أصحابها.. رائع أن يأتي أحد من خارج العاصمة لمجرد الحصول على التوقيع.. رائع أن يطلب أحدكم الإهداء لشخص عزيز عليه سيهديه –بدوره- الكتاب.. رائع اكتشاف قارئ متحمس "بيموت فيا" على حسب قول والدته وهو لايزال في سن الرابعة عشر..

كل هذه السعادة انتابتني حين كنت أوقع النسخ، وفي الدقائق القليلة التي لم أكن أوقع فيها على نسخ جديدة، كانت تغمرني لحظات شجن وامتنان لكل فرد اختار كتابي ونيسا لفترة من الوقت.. ولكل من منحني فرصة للوجود في حياته عن طريقه..

فرحتي غامرة بلقائكم.. وبالحماس الذي استقبلتم به الكتاب.. ربنا يخليكوا ليا
--
ملحوظة: أثناء كتابتي لهذا البوست تصفحت مدونة رضوى لأقرأ
هذا.. لعلكم الآن تفهمون ما أعنيه!

30 comments:

Ahmed Al-Sabbagh said...

الف الف الف مبروك

انا جيت على فكرة

وانتى كنتى مشغولة اوى معرفتش اسلم عليكى

اتكلمت مع غادة برايد

وكمان استاذة رحاب

وانتى لأ

كنت مشغولة وبتعملى حاجات

الف الف مبروك

ويارب تكون فاتحة خير عليكى

تقبلى تحياتى

أحمد

أبوشنب said...

مبروك الكتاب

وللامام دوما

وعايز اقولك حاجة ظريفة

انا من سنتين مكنتش اعرف المدونات ولا التدوين

ولسه بخربش في الكمبيوتر

وبعمل بحث على جوجل عن موضوع مش فاكرة دلوقتي

وبالصدفة جاتني المدونة بتاعتك ضمن نتايج البحث

ساعتها مكنتش فاهم ايه ده

ومن عندك لفيت عالمدونات اللي كانت ساعتها يا دوب خمسين ستين مدونة

وبعدها بيومين عملت مدونتي الخاصة

واستمرت الحدوتة

الف مبروك كتابك الجديد

وعقبال الف كتاب ان شاء الله

Bassma said...

الف مبروك علي كتابك و رحاب و غادة و كل الناس الحلوين اللي بنحب نقراهم .. الي الامام دائما :)

sarah la tulipe rose said...

من جديد يا غادة تستاهليها و اكتر كمان..عيني دمعت من وصفك للفرحة الغامرة بداخلك..ربنا يفرحك كمان و كمان

farida said...

الف مبروك يا غاده

انتي متميزه للغايه و اكيد سأقرأ الكتاب ان شاء الله

لأنه صدقيني ينتابني هذا الشعور الجميل بالاستمتاع و الابتسامه عند القراءه لكي جميل أن أضيف لمكتبتي كتاب بقلمك

تحياتي

yasmine said...

الف مبروك وعقبال كل نجاحاتك الجاية على فكرة البلوج بتاعك جميل جدا ربنا يوفقك واتمنى تزورى بلوجي بردو وتقولى رأيك بصراحة وانطلقى للامام يا ارق كاتبة
http://tayer-ya-hawa.blogspot.com

tayer_ya_hawa said...

الف مبروك وعقبال كل نجاحاتك الجاية على فكرة البلوج بتاعك جميل جدا ربنا يوفقك واتمنى تزورى بلوجي بردو وتقولى رأيك بصراحة وانطلقى للامام يا ارق كاتبة
http://tayer-ya-hawa.blogspot.com

ض/خالد said...

ربنا يوفقك..يا استاذة غادة

وفعلا زي ما الاخت قالت...تجربة تدوينية ناجحة

هبة المنصورى said...

غادة
حبيت أشكرك ع الدفا

ربنا يرزقك الهنا والدفا دايماً
وتفضلى توزعيه ع اللى حواليكى بسخاء

خدى بالك من نفسك
وأشوفك على خير

واصطنعتك لنفسي said...

ببساطة تستحقين هذا النجاح وتستحقين هذا الثناء
لأنك بحق ..مبدعة وموهوبة

وأزعم أن كان لكم تأثير واضح جدا في إنعاش ثقافة الكتب بعد أن كانت تصرخ الأصوات متهمة الانترنت بقتل الكتب ولكن نجاحكم أثبتت العكس

علي فكرة أنا بطبع بعض قصصك القصيرة أو المقالات وأوزعها كما المنشورات علي صديقاتي
ودائما ما ينبهرن من إختراقها لنفوسهن

أرجو أن تأذني لي بوضع مدونتك في قائمة مدوناتي المفضلة

Nostalgia said...

" رائع أن أوقع على نسخ ستصل إلى خارج مصر بتوصية من أصحابها"

هذا أنا على ما أظن :)

تحياتي لك حقاً , وشكري لك على كم السعادة الذي أشعر به لأنك إهتتمت بالأمر ..

في رعاية الله دوماً


وعقبال ما نيجي نقول مبروك على الأعمال الكاملة :)

حياتي قنبلة ذرية said...

الف مبروك

علي فكرة انتي تستحقي ده

و علي فكرة انا شوفتك في برنامج العاشرة مساءا و بجد انتي طيبة اوي و تستاهلي كل خير

ربنا يوفقك لما يحب و يرضي

ابن مرّ said...

هيهيهييي شفت الحلقة

مبروك الظهولر الاعلامي يا فندم

akeed said...

الف مبروك على و دية اول زيارة للمدونة فعلا اكثر من رائعة

تحياتى


أكيـــــــــــــــد

Doushura said...

I read this article
here

جمعية صحبة خير said...

السلام عليكم

احنا عرفنا من العاشرة مساءا إن المدونة بتاعتك الأكثر قراءة

ممكن نرسل ايميلات مشاريع الجمعية عن طريقها؟

http://groups.yahoo.com/group/so7betkhair/

حسن ارابيسك said...

غادة
الف الف مبروك
تهنئة من القلب على هذا الإنجاز الرائع
الذي اسعد الكثير من المدونيين وكم كنت أتمنى أن أحضر حفل التوقيع

جميل ان تشاهدي بعينك باكورةأعمالك من روائع قريحتك التي خرجت علينا بكل ما هو جميل
وهذا هو المنطق أن تفوح الزهرة الجمية بعطر يسعد الكثير من حولها

ومبروك على الظهور الاعلامي الجميل وعلى البلاغة التي لم تأتي من فراغ
ونحن ننتظر ان شاء الله كل ما هو جديد
تحياتي حسن ارابيسك

Ghada said...

أولا باعتذر عن التأخير في الرد.. مكانش عندي نت بس الحمد لله الأزمة خلصت!

Ahmed Al-Sabbagh
ده أنا حظي وحش على كده.. أنا أصلا كنت في حالة ذهول من عدد الناس اللي حضروا في حفلة التوقيع.. لحد دلوقت باصحي كل يوم وأفكر لمدة ثانيتين إذا كان الموضوع ده حقيقي ولا لأ! الحمد لله رب العالمين :) سعيدة بمرورك يا أحمد وما تقطعش بالصفحة بقى :)

ابو شنب:
ده شرف ليا يا فندم والله .. التدوين بقى حاجة مهمة قوي في حياة الواحد لدرجة إني مش فاكره كنت باعمل إيه قبل التدوين! غالبا شاي بلبن :)! نورتني

بسمة:
ربنا يخليكي يا حبيبتي وميرسي على الدعوة الجميلة دي

سارة وردة التيوليب:
آه يا بنتي هو الموضوع بيخلي الواحد يدمع فعلا.. ربنا يديم الفرحة ويخلي لي وجودكم جنبي كده :)

فريدة:
احمريت خجلا يا بنتي.. بعدين ده شرف ليا إن إنت بالذات اللي تقولي لي الكلام ده لإني باحب كتابتك فعلا.. وده من بعض ما عندكم يا فندم بجد :)
أتمنى إن الكتاب يعجبك يا حبيبتي.. اقريه وقولي لي إيه الأخبار :)

ياسمين:
مدونتك جميلة وفيها حس ساخر واضح.. أنا حاولت أعلق عندك بس معرفتش.. الويندو بتاع التعليقات كان مقفول.. مش عارفة ده العيب ده منين..

ض/خالد:
لو كان فيه سبب ورا نجاح التجربة بعد توفيق ربنا طبعا هيبقى القراء الهايلين اللي بيقفوا ورانا ويساندونا في كل خطوة.. ربنا يكرمكم بجد :)

هبة المنصورى:
يديم عليكي الدفا يا بنتي وشرف ليا إني أكون اتسببت فيه ولو مرة واحدة :) وجودك بيسعدني يا بنت إنتي

واصطنعتك لنفسي:
يا خبر.. ده كلام كبير قوي.. الحمد لله إن بقى للصغيرين مكان يتنفسوا فيه ويتسمعوا.. من كام سنة محدش كان يصدق إن دار نشر كيرة ومحترمة زي الشروق تجازف وتنشر الأعمال الأولى لكتاب شباب..
ده حراك هايل وانجاز فظيع يعني :)


nostalgia:
أيوه صح! إنت اللي بعت الكتاب مع داليا وموجود حاليا في قطر على ما أعتقد.. ما تتخيلش كنت سعيدة قد إيه وأنا باوقع نسختك.. متشكرة على القراءة المتأنية للكتاب وسعيدة إنه عجبك.. وطبعا ممكن تضيف مدونتي عندك.. شرف ليا يعني :)

Ghada said...

حياتي قنبلة ذرية:
احم احم.. ده العاشرة مساءا عمل شغل بقى :) أنا متشكرة قوي على التعليق الجميل ده وبجد مش عارفة أقول إيه.. أنا أكيد أمي داعيالي في ليلة القدر عشان كل اللي بيحصل ده :)))

ابن مر:
ومالك سعيد قوي كده :P
بس ظهور إعلامي قوي مش كده؟ سلامي لمنى صحيح :)

akeed:
خطوة عزيزة ويارب ما تكونش آخر مرة :)

جمعية صحبة خير:
أنا مش فاهمة التعليق بالضبط الحقيقة..

حسن أرابيسك:
يا ريتني أكون باستاهل ربع الكلام الحلو ده! سعيدة جدا بمتابعتك للمدونة وربنا يسعدك زي ما اسعدني كلامك :)

هاجر said...

غاده..اولا الف مبروك على النجاح اللي حققتوه في المعرض.. بجد ما شاء الله

ثانيا.. انا اول مره اعرف عنكوا كان من خلال المعرض و بعدين شفتوكوا في العاشره مساءا.. ربنا يحميكوا بجد تفرحوا..
بالتوفيق ان شاء الله..
http://3ala-do2-elqamar.blogspot.com

DiLLi O MiLLi said...

أنا مدونة من الكويت
حابه أبارك لك
ألف مبروك على هذا النجاح
تستاهلوا كل خير أنت وغادة ورحاب
كما سبق وذكرت عند رحاب
والدتي شاهدتكم في برنامجها المفضل "الساعة العاشرة مساء"مع المذيعة السُكره منى الشاذلي
وجداً معجبه فيكم
ودلوقتي وصينا على خمس نسخ من كتبكم
يبعتوها لينا من مصر
:)


مــوفقـين
أنشـــاء الله

.

Anonymous said...

الكاتبه العزيزه صاحبة المدونه ارجو أن تقبلى تهنئتى لك على صدور أول طبعه من الكتاب الذى يحوى مضمون مدونتك الشيق ، وبهذه المناسبه ترغب المجله التى أعمل لديها فى اجراء حوار صحفى حول هذا الانجاز ،على أمل أن تشرفينا بتعاونك معنا

للتواصل معنا بهذا الصدد يمكنك مراسلتى على البريد الالكترونى التالى:
Sh_press2007@yahoo.com

الرجاء التفضل بالرد ولك جزيل الشكر

شيماء مهدى

Noha said...
This comment has been removed by the author.
Nostalgia said...

:)

أنا يا فندم .. وبكرر شكري ..


إحم .. انا بقا مش فاهم جملة:

"وطبعا ممكن تضيف مدونتي عندك.. شرف ليا يعني :)"

أعذري الغباء البشري بتاعي
بس دا ضايقك؟ ولا كنت أستأذن قبلها ؟
ولا انتي بتهرجي .. ودا إحتمال لا بأس به :)

معذرة مرة أخرى على غبائي .. ويا ريت تلغي الرد دا بتاعي دا بعد ما تقريه عشان انا كدا منظري وحش اوي يعني :)

وبجد كتابتك نادرة جداً وتستحق دا وأكتر
في رعاية الله

Mohamed ElGohary said...

أنا قريت الكتاب وبجد استمتعت بيه جدا. ويا رب اشوفلك سلسلة ان شاء الله.

Ghada said...

هاجر:
مدونتك جميلة ما تبطليش كتابة :)

DiLLi O MiLLi:
يا مرحب بأهل الكويت.. أنا باتابع مدونة مصرية كويتية من 3 سنين.. مدمنة عليها زي ما تقولي فحاسة إني أعرف كل حاجة عندكم :).. اصحاب من غير ما نتقابل يعني

سلامي لوالدتك جدا يا جميلة ومنوراني في المدونة.. وضروري جدا أسأل لك على موضوع التوزيع خارج مصر.. :)

nostalgia:
لا مفيش حاجة مضايقاني ولا باتهكم.. أنا كنت باتكلم بجد ! :) يومك سعيد

Mohamed ElGohary:
من بقك لباب السما! سعيدة إن الكتاب عجبك ويا رب أكون دايما عند حسن الظن

حمامة said...

انا قريت الكتاب وخلصته ف يوم تقريباً وبجد الكتاب هايل ف شوية حاجات كده بجد من القلب للقلب
حقيقي انتى فنانة وتسلم ايدك
وتستهليها ويارب يقومك بالسلامة وعايزين نشوف ابداعات تانى بقى

:)

雪花 said...

福~
「朵
語‧,最一件事,就。好,你西...............................................................................................................................-...相互
,以讓>它使...................

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................

nadia mounier said...

ana gebt ketabk w fat7to 2day w arbt a5lso
gamel gdnnn gdnn
hady w feh mash3r ra23a w 7ekayt 7elwa
ana mostmt3a beh gdnn w be7akyatk 3n marian w yom ma 2arety al fat7a

2o7ayeky bgd MSA