Sunday, March 02, 2008

إعلاااااان هااااااام



إعلاااااان هااااااام

نداء إلى كل شاب وفِتاة..

من متابعي المدونة.. والكتاب..

دي الصفحة بتاعتي على الفيس بوك.. موجود عليها كل أخبار الندوات والمناقشات وحفلات التوقيع..

http://www.facebook.com/pages/Ghada-Mohamed-Mahmoud/8928208805?ref=mf


عشان المدونة بس ما تتحولش لصفحة إخبارية..

ولحد ما تشتركوا فيها، خدو الخبرين دول..

الأول فيه مناقشة لكتب مدونة الشروق في الساقية يوم الأربعاء القادم (اللي هو 5 مارس) الساعة 7 إن شاء الله..

والثاني (وده اللي يهمني بجد إني أشوفكم فيه) هو مناقشة كتابي في مكتبة الشروق اللي في الكوربة- مصر الجديدة... هي في شارع بغداد ومعروفة قوي هناك... المناقشة هتكون يوم الثلاثاء 11 مارس الساعة 7 برضه... وفيه مفاجأة كمان.. اللي هتشرفني جدا بوجودها عشان تناقش معانا الكتاب هتبقى... أن أن آآآآآن.... سحر الموجي... يلا بقى أديني عاملة لكم إغراء جامد أهوه! أتمنى بجد أشوفكم.. وآدي الرابط ع الفيس بوك..

http://www.facebook.com/event.php?eid=10438924461

25 comments:

طائر حزين said...

كان نفسى أكون فى مصر عشان آجى

محمد عبد الغفار said...

افكر جدياً واخطط فعلياً لحضور ندوة الساقيه خاصه ان الموعد مناسب والظروف لحد الأن مهيئة لذلك

ربنا يستر بس من مفاجأت الشغل ومفاجأت الولادة

http://who-is-wael-abbas.blogspot.com/ said...

http://who-is-wael-abbas.blogspot.com/

Anonymous said...

Iwould do my best to go there. your blog is very inspiring and your success was motivating bec it is really good 2 c opportunities given 2 those who deserve them thanks to you i've been happy for a week which is so unlike me. by way we are graduates of the same departments of the same faculty in the same university so u can almost say we r fellow sufferers except that i'm 2 years ahead of u.i want to ask u a question dr ahmed alshamy is he the same dr Ahmed hany and does he work in الشركة الدولية لتكنولوجية المعلومات and i beg u 2 answer me.
thanx
dina

Ghada said...

طائر حزين:
دي خسارة ليا أنا..

محمد عبد الغفار:
مين اللي بيقول الشائعات الغريبة دي.. احنا فيييين والولادة فين أصلا!

لا تعالى وماتقلقش :))

dina:
wow ya3ni!
one word to tell u.. yes it's him :).. who r u b2a :)? am sure u were one of his students..great teacher

ياسمين حميد said...

أخبار جميلة
ليتني كنت أستطيع الحضور

على فكرة، هل قام أحد بتسجيل حلقة مساءك سكر معك أنت وغادة ورحاب أم لا؟

Wamda said...

3alikom assalam ya Ghada,,, motshakira gydn 3la alrad ,ana Wamda alsudania eli nysit tiktib esmaha :) motshakira gydn 3la radik 3ali asli ma konta motawagi3a enk tarod bs katabt al li kan fi bali ,,,motshakira gydn, bi elnisba lmodo3 albaby Tab3an 3awza a3arf,bs hina (Japan) they dont tell untill they r sure,,,n my bad luck is that they can't tell till now , I have to wait till next month ( I feel it's a boy),,tawalt 3alik motasifa, atmana lik kol '7ir w tawfik,

نور said...

يا ريت كنت من القاهره عشان اجى
المره الجايه ان شاء الله مع الكتاب التانى
اكيد هتبقى ندوه حلوه اوى
ربنا معاكى يا غاده

حاسوباتيه said...

تفسي بجد اجي بس الظروف بقى بالتوفيق ليكي يارب

Anonymous said...

hi ghada, its me again dina ur colleague, u wont believe it but a vacancy for editor was announced in al ahram and he emailed me asking for a sample of my work so I sent him scientific texts which i translated thinking that it's a localization company. if i knew it were him i'd would 've sent him more creative work. and yeah u bet he is a good teacher and he needs a whole blog 2 be written about him. i wish h'd be in al Sakia seminar.

Zianour said...

اهلا يا غادة انا اسفة لعدم حضوري للندوة رغم انني هاموت واحضر واشوفك بجدوكنت متفقة مع جوزي بس للاسف طلعت لنا شغلانة كده بس انا شفتك على اليوتوب انت وغادة ورحاب - رغم تلكئى في رؤية الموضوع اصلي مش شجاعة زيك يعني لما يعجبك حد تقرري فورا رؤيته انا جبانة شوية!!- وبجد حبيتك ولاحظت مش هتصدقي انك شكلي شوية وكمان طريقة كلامك وتفكيرك ادهشتني مش ممكن التوافق ده وعارفة بقى اكثر حاجة عجبتني فيكي إيديكي!
بس انا هاربط مع جوزي وربنا يسهل علشان اشوفك مع سحر الموجي اصلي متيمة بروايتها داريا -اللي خلتني اعيد النظر في حاجات - واعتقد ان الرواية دي بالذات كلنت نوع من كشف حساب لماضيها وولادة جديدة برضه
بوسة كبيرة وسامحيني
Zianour

حياتي قنبلة ذرية said...

عاااااااا
يعني بتغظيني يا غادة

طب انا مش عايشة في مصر انا خارج البلاد
ولا عارفة اجيب الكتاب و لا اشوفك ولا احضر ندوات

حرام عليكي عايزاني اعيط ولا ايه؟

عموما الف مبروك عليكي حفلات التوقيع و الندوات كمان

مؤنس فرحان said...

غادة محمد محمود
أنا موش لاقي لك لقب ,, لكن قريت كتابك واستمتعت جدااااااااااااااااااااااااااااااااااااااااااااااااااااااااااااااااااااا
و ان شاءالله ححاول احضر مناقشة كتابك فى شروق الكوربة

ربنا يسعدك ويكرمك ان شاءالله

yoom gadeed said...

من أنت ؟؟
حينما تصفحت مدونتك لم أجد سوى .... سوى نفسي
نفسي أنا
في كل شيء
في حبك الواضح للغة العربية
في عملك في الترجمة
في حبك للكتابة والقراءة
في صعوبة تخلصك منالأشياء
في الكلية التي تخرجت منها
في عدم رؤيتي لنفسي كربة منزل
في عدم دخولي المطبخ
وفي رؤيتي للطبخ كفعل للحب
وفي حبي للجبنة السايحة والبيتزا التي أعشقها وعشقي للجبنة البراميلي بالفلفل
كل ذلك قلته وفعلته وأحسست به على
مدى سني حياتي العمرية
ووجددته هنا في مدونتك
يشرحني
وكأنك تكتبين عني ... عني أنا
حتى في كونك من مواليد 84
م أكن أتخيل يوما ما أن أجد شخصا
يشبهني إلى هذا الحد
حتى رأيت كلماتك وسطورك وحواديتك ومكتبتك
فمكتبتي هي الأخرى هي أغلى أهم أجزاء حجرتي وهي التي صممتها وصممت أن آخذها
معي إلى بيتي عندما أتزوج إن شاء الله
كل ذلك يجعلني
أقول مـــــــــــــــــن أنــــــت
وكبف تشبهينني أو أشبهك إلى هل هذا الحد
أتمنى أن نكون أصدقاء

maha said...

بجد ضيعت على نفسى فرص كتير اوى كان ممكن أشوفك فيها بس أن شاء الله يوم التلات لازم اكون موجودة
أنا بجد بحبك اوى
مها

maha said...

محتاجة رأيك جدا فى اللى انا بكتبه
بس بصراحة اوى

مها

mohmmed said...

ألف ألف مبروك
بالتوفيق دايما
خالص تحياتي

Ghada said...

ياسمين حميد:
خسارة إنك ماجيتيش.. كانت ندوة جميلة بجد..

والله هو المفروض إن في حد سجل حلقة أو تي في.. بس ميين بقى! هذا هو السؤال :)
كانت حلقة فقر :) لو عرفت إنها اتحطت على اليوتيوب هاقول لك أكيد

wamda:
أولا اسمك جميل مووت! أنا نفسي ألاقي اسم مميز كده عشان البيبي.. لو كان بنت كنت هاسرق اسمك.. :).. حلوة الدقة اليابانية دي.. معقدينا في كل حاجة كده! هو يقال يعني إن لما مش بيعرفوا يحددوا نوع الجنين بيكون غاليا بنت.. عموما ابقي طمنينا عليكي ولو طلعت بنت عريسها عندي :) لازم نأمن للعيال مستقبلها من دلوقت
:)

نور:
كانت ندوة جميلة فعلا :) من حظنا السيء إنك مقدرتيش تييجي

حاسوباتية:
عموما تتعوض.. فيه مناقشة في مصر الجديدة في مكتبة الشروق يوم التلات الجاي.. الساعة 7.. يا ريت لو أقدر اشوفك :)

dina:
i see :) best of luck with the job there ya benti.. he's probably the best boss one can ever have.. i have a great respect for him :) i wish u could come 2 the nadwa 2.. it was so much fun :)

حياتي قنبلة ذرية:
عرفت من مصادر موثوقة إن الكتب فعلا بدأت تطلع برة.. أنا مش عارفة إنت من أي بلد بس الصفحة دي هتلاقي فيها موزعين الشروق خارج مصر:
http://shorouk.com/ar/contact.asp
وعلى فكرة أنا اللي بازعل لما اعرف إن كان فيه حد عاوز ييجي ومش عارف.. لازم نشوف حل للموضوع ده..
:)

Zianour:
يا سلام على البرءاة! لا يا ستي ماليش دعوة.. أنا لازم أشوفك.. خصوصا إننا طلعنا شبة بعض.. وبعدين بخصوص موضوع الإيدين.. احم احرجتيني يعني.. والله كنت فاكرة إنها باظت من غسل الاطباق وخلافة بس طلعت لسه شغالة.. خبر عظيم.. الله يجبر بخاطرك :)))

صحيح.. دارية انقذت حياتي من غير مبالغة.. غريب توارد الخواطر ده
:)

مؤنس فرحان:
يسعدني طبعا إنك تكون موجود يوم التلات.. هاتنورني جدا يعني :) ومبسوطة إن الكتاب عجبك.. ربنا يكرمك :)

yoom gadeed:
أنا دروخت من التعليق ده! وبجد مش عارفة أقول حاجة.. سعيدة للتشابة اللي بيننا ده وسعيدة إنك لاقيتي في كلامي ونس ودفا وألفة.. وده كل اللي ممكن أطلبه يعني :)

يسعدني جدا إني أكون صديقتك.. ده أنا نفسي أشوفك كمان.. لو تقدري تيجي يوم التلات تبقى حاجة عظيمة.. اتعرف عليكي وأقول لك على حاجات عظيمة ممكن تتعمل بالجبنة السايحة :)))

maha:
إن شاء الله يا مها أشوفك يوم التلات.. بس لازم تقولي لي إنك مها :)) أنا دخلت عندك المدونة فعلا وعجبتي.. بس هاعلق لك هناك بقى :)))

mohammed:
الله يبارك فيك ونورتني :)

Wamda said...

Motshakira.. kolik zoog. tab3an ysharfani,, bs t'7alik 3la kilmitik :eza til3at bint 3areesha 3andik) ... nitsharaf 7abibti. Unfortunatly no way to attend ur forum last Tuesdy bs eza nyzlat 3la u-tube 3shan ashofha,,,, mostania agra lik 7aga gedida,,,, a7la alomniat

مروة جمعة said...

صباحك ورد يا غادة
ألف مبروك تاني وربنا يحفظك ويقومك بالسلامة.. آمين يارب

:)
أنا لست قاهرية- شرقاوية الحمد لله- يعني مش هعرف أتنطط مع الأسف وأروح من ندوة لندوة في القاهرة، خاصة إني خلصت على ندوات قصر الثقافة في الزقازيق"لحد ما بطلوها!".. وشغالة على ندوات الجامعة"ربنا يستر عليها هي كمان!".. أشفق على القاهرة مني.. أكيد هيخصخصوا ساقية الصاوي!.. ربنا يجعل لك في كل خطوة سلامة يا جميلة

صباح الورد

بنت الحياه said...

غادة
طبعا هكون هناك، لأ مش عشان سحر المرة دي،
لكن عشانك إنتي ..
نفسي أشوفك بقي!

topnet_vip_world said...

للمصلحه الغير مهمه
www.worldgames1.com

.......pilsanX....... said...

صباح الخير

شعرت ببهجة عارمة وأنا اتصفح المدونه
فرغم أن المدونات العاميه جميله وبسيطة
إلا أن المدونات التي تكون لغتها عربيه
هي عميقة وأشد قرباً لذائقتي وروحي

اهنئك عليها وعلى الكتاب
وبما أن الموعد أنتهى وبيني وبينك بحر ووطنان
يتشبهان في وجع الشعوب وفي الطغاة

فيسكون اللقاء والقراءة في عالم الافتراضيين الجميل


دمت بود

اطلب تبادل اعلاني said...

مشكور اخي

اطلب تبادل اعلاني هل توافق

انا منتداي شبابي واود بتبادل اعلاني

هذا اميلي
alaa1_010
ياهو

وهذا رابط موقعي
http://krezeman.dogoo.us

Anonymous said...

福~
「朵
語‧,最一件事,就。好,你西...............................................................................................................................-...相互
,以讓>它使...................