Monday, December 22, 2008

وبعد تفكييير كثييير

تغيبت في الأشهر القليلة الماضية لأنني كنت أتصارع مع عفاريتي الخاصة والتي تتمثل في ستة أحرف وعلامة تعجب: وبعدين! امتلأت بشعور حتمية انتهاء الأشياء وعدم جدواها بما أن "شعل واشتغلت.حب وحبيت.. كتاب ونشرت.. جواز واتجوزت.. أولاد والحمد لله ربنا رزقني بتميم" وبأن الخطوة البديهية الوحيدة بعد هذا هي "روحي موتي بقى" وهي خطوة مقنعة جدا لأنثى لديها استعداد فطري للتقوقع ومرت بفترة لا بأس بها من اكتئاب ما بعد الولادة..


لكنها "المقاوحة" يا اعزائي.. المقاوحة التي تدفعني للتمرد على هذا كله ولكتابة هذه التدوينة الساعة الرابعة صباحا (أي بعد نوم تميم بساعة).. ورغبتي أيضا في الحكي عن تجربة الأمومة الجديدة وفي استخدامها كمصدر للإلهام لأنها –الأمومة- أصبحت معظم ما يشغلني الآن وهي ما "يحدث" في حياتي هذه الأيام .. ولأنها –الأمومة برضة- تجربة تستحق أن تُعاش وأن يكتب عنها..


لا أطمح في الكتابة عن تجربتي كمثال يحتذى به وأنا لا أدعي كوني أما مثالية لا سمح الله.. سأحدثكم فقط عن تلك التجربة الإنسانية المدهشة.. حلوها ومرها.. عن الفرح والسعادة ..وعن الكوابيس والخوف.. عن القلق.. عن الصبر.. عن المهام الجديدة.. والمشاعر الجديدة..


عن ضحكة تميم.. عن نظرته لوالده.. وعني وعنه.. وعن بيتنا الذي تغيروصار أكثر دفئا ..بعد أن شرفنا تميم..


ولأن الكلام قد يطول.. ولأن اسم "مع نفسي" ليس اسما مثاليا لمدونة تتناول علاقتي بابني (!).. ندعوكم لزيارة المدونة الجديدة...



ونرحب بالأفكار والمقترحات والآراء ونصلح الساعات !


21 comments:

حاسوباتيه said...

اخيرا نورتي ياام تميم ايه الغيبه الطويله دي ده تميم شقي خالص على كده ربنا يخليهولك يارب ويحفظهولك يارب واهلا بيكي في التدوين تاني ومبروك على المدونه الجديده وكل سنه وانتي طيبه يارب

حاسوباتيه said...

ياه ده انا اول تعليق والله كويس ونسيت اقولك انك وحشتينا خاااااااالص وهنشوف مغامراتك مع تميم بقى مش تغيب ماما كده تامي يا تميم

عـلا - من غـزة said...

الف مبروك على تميم وحمد الله على سلامتك :))

هاروح حالا هناك عاشن اتفرج على المغامرات :))

تحياتي

ست البيت said...

فرحانة مووووووووووت بعودتك
كل يوم كنت ادخل ابدور على طاقة النور
الاقي الشبك مغلق لحين اشعار آخر

عود أحمد

هبة المنصورى said...

وحشتينا أوى ياغدغووود
ولسه من يومين كنت باسمع
Je t'aime
وافتكرتك وقلت غطسانه فين دى بس؟؟
وبعد الشر عليكى
موت ايه بس وكلام مش حلو؟
يارب دايماً كتابات وتفاصيل وحواديت عمر ماحد بيعرف يصيغها زيك

ملحوظة: دخلت ع المدونه الجديده بس لقيت التدوينه كلامها داخل ف بعضه وكمان لازم تدخلى كود الأرقام والحروف ده عشان تضيفى تعليق :(

Reem said...

ربنا يبارك لك فى تميم و فى بيتك يا غادة

ضحكة تميم أروع من الدنيا كلها

ربنا يسعدك بيه و يحفظه

Anonymous said...

السلام عليكم ورحمة الله وبركاته
مرحباً يا مبدعة ،
جئت من مدن الجمال أقف أمام بابكِ أحمل بين يديّ قنديل
- أهديه لكِ -
كلي أمل أن تضيئيه معنا في مجمتع هاديء وأنيق نختار فيه
أعضاءنا بأنفسنا
من هنا :
http://www.qnadel.net/

حريصون جداً على وجودك معنا
بشوق ننتظرك :)

يقول أنى امرأة said...

انا معاكى جدا فى وصف المشاعر الى انت مريتى بيها

مستنين المدونة الجديدة اكيد هتكون رائعة ان شاء الله

أنسانة-شوية وشوية said...

يا غادة اخيرا

وحشتينى جداً كل يوم افتح ادعى ان اقرأ حاجة جديدة عندك دون جدوي، ليه بس وبعدين! مش محتاجة الدنيا هذه الستة احرف وعلامة التعجب الموضوع مش بس انك تشتغلي وانك تحبي وانك تتزوجى وانك تنجبي كل مرحلة لها مميزاتها وطبعا احباطتها بس الاحباطات دى عبارة عن فرص الواحدة تستغلها كويس وتشتغل عليها وهى دى الايجابية وفي حاجات كتير نعملها باب العلم مفتوح وطريقه كبير وناخده من باب ( من سلك طريقاً يلتمس به علماً سهل الله له به طريقاً للجنة) ناخد الجنة هى الهدف ونشتغل في كله بقي دنيا واخرة مع عائلتك واولادك والناس الناس كمان لهم حق لان صوتك بيوصل لقلوب كتير طولت عليك بس بجد بحبك في الله
ومستنينك مع تميم ربنا يحميه

Anonymous said...

حمدلله على السلامة يا جميل وكل سنة زانتى وتميم بصحة وسعادة جميل اسم ابنك متشوقة اقراء الكثير والكثير المهم عودا احمد انا انسانة كان نفسها تكون ام مرات كثير بس الحمدلله محصلش لسة




قتطى

Shimaa Esmail said...

الأستاذة/ غادة محمد محمود
صاحبة مدونة / مع نفسي
" تحية طيبة" وبعد..
اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالإيجاب أو السلب.
تحياتي وتقديري وحمدًا لله على سلامتك وربنا يبارك لك في تميم

شيماء إسماعيل
باحث ماجستير- كلية الآداب جامعة القاهرة.

حنين said...

ده ما يمنعش إني بافتقد كتاباتك جدا، وإني كنت باتضايق لما بالاقي المدونة على حالها بدون أي جديد..

معنى كده إنك ح تقفلي المدونة هنا خالص؟
ياريت لأ
بس مبروك عودتك للكتابة :)

محمد الشامي said...

اتمنى متوقفيش كتابة هنا .. انا حبيت كتاباتك فعلا و حسيت فيها بحاجات محستهاش قبل كده .. بجد اتمنى تستمري هنا كمان .. انا من زمان بقرأ هنا بس مكنش فيه فرصة اكتب فيها و اعلن كوني قاريء جديد .. بس اهي جت الفرصة و باعلنها دلوقتي .. و ربنا يخليكي لابنك و يخليه ليكي

Muslima said...

اولا وقبل اى شى
الف الف الف مبروووووووك على وصول تميم الى الدنيا
وربنا يخلهولك يارب وتفرحى بيه دائما
معلش هى متاخرة بس دى اول زيارة ليا لمدونتك
حقيقى كلامك مقنع جدا انا ايضا بالرغم من انى غير مرتبطة
ولكنى اقول لنفسى دائما ماذا بعد الارتباط ماذا بعد وجود الاطفال
الواحد بيكون فرحان بحياه جديدة ووجود شريك حياه ولكن ماذا بعد الوصول لكل هذا هل فعلا سأصاب بالملل؟؟

هذا ما اخاف منه

سقراط said...

دى تانى مرة اكتب فيها تعليق فى مدونتك
انا مش فاكر انا كتبت ايه المرة اللى فاتت
بس فاكر انى كنت معجب جدا بكتابتك
المرة دى بقي
انا عاوز اسجل اعجابي بشخصيتك كمان
يمكن يكون ده كلام غريب
خصوصا ان قريت لك مرتين بس
بس انا بدعي انى عندى نظرة خاصة وفاحصة فى البني ادميين
ومايغركيش الـ 21 سنة
اما بالنسبة لتميم
ربنا يخليهولك يارب ويبارك لك فيه
عاجبانى قوي فكرة المدونة الجديدة
وان شاء الله تشوفي تميم وهو بيكتب فيها
وكفاية كده عشان طولت
سلام

ام فريدة said...

حمد الله على السلامه ام جديدة بقى لازم يدوخك شويه كله يهون علشان عيون تميم

انا حرة said...

انا قريت مدونات كتير و دايما فى حاجات بتعجبنى
بس انى اقرا بلوج كامل لحد من اوله لاخره دى عمرها ما حصلت
بجد انتى هايلة و كتاباتك مش طبيعية..
ربنا يباركلك فى ابنك يا رب و يخليهولك

عصفور طل من الشباك said...

على الرغم من أني لم أتزوج بعد، وبالتالي طبعا وبالبديهة لم أنجب

لكن خبرتي تؤكد أنك هتلاقي نفسك صاحبة أكثر من مدونة

لما ربنا يرزقك بحد تاني

لأن لكل ابن تجربته الفريدة والمختلفة

أطياف مصر said...

مع تميم ..كده تمام..عقبال يارب ما تعملى دستة مدونات .و يتربوا في عزك ..سعيد جدا بمدوناتك و تقبلي تحياتي

leeno said...

ربنا يحميلك تميم

عارفة احلى ما في الفكرة ان تميم بكرة لما يكبر حيلاقي ذكريات ماما معاه متدونة و يقدر يمر بلحظات كتيير منا يحب لو يعرف عنها او يسترجع بعضها

حظ موفق ربنا يباركلك فيه و يكون ابن بار و صالح

موقع الداعيه عمرو خالد said...

okk

هاى صديقتى
اتمنى ان تعطينى رايك فى حدى المدوانت التاليه

موقع الزمالك




موقع اخبار الكورة المصرية,الاوربية,العالمية,الاهلى



موقع تعليم الفوركس للمبتدئين اون لاين

موقع شباب بيك

موقع جوجو الشامل

موقع النادى الاسماعيلى ,اخبار الاسماعيلى

موقع الاهلى المصرى 101