Sunday, March 09, 2008

لكن ربنا ستر


كان واضح إن الفترة دي مش هتعدي كده من غير لحظة توقف صغيرة..
أول إمبارح حصلت لي حادثة.. غالبا (عشان مش فاكرة اللي حصل بالظبط) عربية خبطتني وأنا رايحة لماما
دماغي اتفتحت وفقدت حبة دم محترمين... كدمات بقى وسجحات (أول مرة أعرف معنى الكلمة دي إيه كانت اليومين اللي فاتوا) في كل حتة..
عموما احنا لسه على معادنا.. الساعة سبعة يوم التلات (11 مارس) في مكتبة الشروق اللي في الكوربة
متخافوش لو لقيتوا واحدة شبة نوال الزغبي بعد عملية التجميل.. ده بس من الورم اللي حصل لما وقعت على وشي!
أنا باطمنكم عليا.. أنا الحمد لله أحسن كتير دلوقت.. منجيلكوش في حاجة وحشة

Sunday, March 02, 2008

إعلاااااان هااااااام



إعلاااااان هااااااام

نداء إلى كل شاب وفِتاة..

من متابعي المدونة.. والكتاب..

دي الصفحة بتاعتي على الفيس بوك.. موجود عليها كل أخبار الندوات والمناقشات وحفلات التوقيع..

http://www.facebook.com/pages/Ghada-Mohamed-Mahmoud/8928208805?ref=mf


عشان المدونة بس ما تتحولش لصفحة إخبارية..

ولحد ما تشتركوا فيها، خدو الخبرين دول..

الأول فيه مناقشة لكتب مدونة الشروق في الساقية يوم الأربعاء القادم (اللي هو 5 مارس) الساعة 7 إن شاء الله..

والثاني (وده اللي يهمني بجد إني أشوفكم فيه) هو مناقشة كتابي في مكتبة الشروق اللي في الكوربة- مصر الجديدة... هي في شارع بغداد ومعروفة قوي هناك... المناقشة هتكون يوم الثلاثاء 11 مارس الساعة 7 برضه... وفيه مفاجأة كمان.. اللي هتشرفني جدا بوجودها عشان تناقش معانا الكتاب هتبقى... أن أن آآآآآن.... سحر الموجي... يلا بقى أديني عاملة لكم إغراء جامد أهوه! أتمنى بجد أشوفكم.. وآدي الرابط ع الفيس بوك..

http://www.facebook.com/event.php?eid=10438924461