Monday, March 22, 2010

صفاء


ارتأى لي الله بداية مرضية لعامي السادس والعشرين، ففي يوم عيد ميلادي زرنا المشتل القريب واشترى لي زوجي ثلاث نبتات اخترتهم بعناية.. الأولى انتيميس لأن ورداتها البيضاء الصغيرة تبهجني.. والثانية روزماري لأنني أحب رائحتها وأحب استخدامها طازجة وخضراء في المطبخ.. والثالثة نعناع بلدي يرد الروح ويضبط الشاي..

كما حقق الله لي أمنية طفولتي.. قط صغير يحبني ويتدلل علي.. رفضت أمي فكرة القط طوال حياتي، "يا بنتي بتجيب عقم" وعندما ازداد الحاحي اكتفت بعصافير استرالية علقت اقفاصها أمام باب شقتنا القديمة لأنها تسبب العقم (أيضا!)).. والحقيقة أنني لم افكر مجددا في اقتناء حيوان أليف إلا بعد أن رأيت سعادة تميم بكلب رضوى.. ولأسباب تتعلق بالنظافة، استبعدنا فكرة الكلب.. وبدأت البحث عن قط ذكر صغير..كنت أبحث عن سيامي لأنه كثير الحركة.. لكنني غيرت رأيي عندما وجدته.. شيرازي مشمشي اللون عمره شهرين..

اليوم خرج ثلاثتنا.. تميم والقط وأنا للتمتع بشمس الصباح.. وضعت ورقة نعناع بلدي قطفتها لتوي في كوب الشاي وجلست على الأرض أراقب تميم وهو يتفرج على القط وهو يأكل.. يبتسم لي تميم ويشير للقط باندهاش.. انظر لهما ولنبتاتي الثلاث... يالله كم أنت كريم معي!

16 comments:

sabsoob said...

rabbena yebrk fe tamemm..begad ba7bbo gedannnnnnnnnn :))... 7'ody balek ba2a men el zar3 :D Mabrook :D

moony said...

مينفعش معديش.. ومينفعش مقولش كل سنة وانتى طيبة ومرتااااااحة.. كل سنة وانتى غادة اللى بنحبها قد مانتى بتحبيها.. كل سنة وانتى معانا وبخير.. ومينفعش خااااااااااالص مقولش وحشتينى مووووووووووت وبفرح فرحة عيل اهبل لما الاقيلك بوست جديد.. ابقى فرحى العيل ده علطول الله يكرمك ، مش كفايه انه اهبل؟
خلى بالك منك وبوسيلى تيمو..دومى سعيددة وراضية ربنا يغمرك برحمته ورضاه وفضله وينظر اليكى بعين الرضا فلا يسخط عليكى بعدها ابداااا.

Bothayna said...

اجمل حاجة في الدنيا الحاجات الصغيرة لما بتتحقق
اجمل حاجة الفرحة
بس اجمل حاجة انك كتبتي عن فرحتك
وسعادة واندهاش تميم
ربنا يسعدك دايما

yamen said...

كل سنة وانتي طيبة يا غادة
:)

إنـســـانـة said...

يارب دايما مبسوطة وصافية ومرتاحة وجميلة

تعرفي ان ساعات الحاجات الصغيرة بتفرحنا وبتحققلنا سعادة يمكن اكتر من الحاجات الكبيرة بكتيييييييييير

ربنا يخليلك تميم والقط الجديد
:)

حياه said...

كل سنه وانتى طيبه وربنا يبارك لك فى تميم وتكون سنه سعيده عليكم . ومبروك القط.

shereen said...

كل سنة وأنتِ طيبة
بس خدي بالك من القط على تميم

alyhazzaa said...

well done =)

ahmad said...

كل سنة وانت طيبة يا غادة: بخير وصحة ورضا والكثير من الآمال المتحققة مع من تحبين ويحبونك.
أحمد شريف

ابو فارس said...

ربنا يبركلك فيهم

تحياتي

Anonymous said...

ربنا يهنيك ويوفقك، ويفرحك بتميم. أنا من قراء كتابك الجميل، وأشكرك كل الشكر على مواظبتك في التواصل معنا عبر المدونة.
وكل سنة وانت طيبة.
سناء- المغرب

meero said...

كم أنتِ طيبة وقنوعة !! وكم أحبكِ. ربنا يهنيكي ويديكي كـــــــــــــــــل اللي انتِ عايزاه

R.R said...

كل سنه وانتى طيبه ياغاده
والله فعلا صفاء ما بعده صفاء ادامه الله عليكِ
:)

ست البيت said...

كل عام وانت طيبة وبخير وحب
وقبلك فرحان
كل عام وأنت قريبة من نفسك
وبتحبيها
وبتحبي اللي حواليكي
كل عام وانت في بهجة
ورضا وسرور
كل عام والمشاكل عنك أبعد
وأنت ...
لربنا أقرب
مبروك القط

LatiFa said...

صباح الخير
،،

أنا كنت عاوزة أكتب الكومنت ده من ساعة مابدأت أقرأ في مدونة حضرتك،، بجد معرفتش أكتبه على أيه ولا أيه،، حسيت وأنا بقرأ إنها مدونة لإنسانة بكل معاني الكلمة وأنا من هواة قراءة المدونات اللي بتتكلم عن التجارب الحياتية وبجد المدونة غيرت في تفكيري بعض الجوانب وعشت مع كل بوست حضرتك كتبتيها ،، أنا تقريبًا قريت كل المدونة وأنا قاعدة وبقيت عاوزة أقرا الكتاب ..

معنديش حاجة تانية أقولها غير إن قراءة المدونة النهاردة كانت من أحسن البدايات لي يومي المتواضع ..
شكرًابجد
: )

مدونة متميزة لإنسانة أكثر تميزًا وبالتوفيق دايمًا إن شاء الله ..

لطيفة

Mariam said...

نقية جداً
حبيتك قوي :)