Thursday, April 28, 2011

استعداد

أخلع قلبي
وأضعه في برطمان زجاجي مبطن بالاسفنج
احكم غلق البرطمان
وأضعه في مطبخي بجوار علب الكاكاو الغامق
وأدوات تزيين الكيك وألوان الطعام
أخرج من المطبخ وأنا خشنة
خشنة كورقة صنفرة لا تصلح لمسح الدموع
أو لتضميد الجراح
خشنة كقلب خبز جاف.. أو كنجمة بحر..
خشنة.. كبحة الصوت بعد طول صمت..
كلحاء شجرة.. كذقن نابتة.. كسكين مسنن يعبر في خشب..
أكثر خشونة منك ومنهم ومن يوم أقضيه في يتمي وحدي..
أرسل للبرطمان قبلة في الهواء وأقول له لا تحزن..
لن يؤذيك أحد بعد الآن
ارتدي حذائي واغلق الباب خلفي و... أخرج

Friday, April 22, 2011

في هذا البيت

في هذا البيت
صمت معلق على الجدران
وأسرار
وفقد مطرز على أطراف الأغطية
وصرير خوف يصدر
كلما خطوت على أرضيته السيراميكية الباردة
فيه وجع منشور على أحبال الغسيل
ووحدة تسيل من صنايبر المياه
وأرق وقلق ومحاولة وصبر
وفيه أيضا عينك
الصادقة جدا
العميقة جدا
البنية جدا
والمحبة جدا جدا..
التي لا ترى


Tuesday, April 19, 2011

أفعال

اتعثر
اتبعثر
أعثر على قلبي
أضعه بين يدي الله
واتنفس

Monday, April 04, 2011

خياران

عندما تقف على الحافة مثلي
لا يعد أمامك سوى خيارين
إما أن تسقط..

أو أن تطير

Sunday, April 03, 2011

مسافة

في المسافة بين الطفلة التي كنتها
والمرأة التي لم أرد أن اصبحها
مصباح مكسور..

Friday, April 01, 2011

بعث



هاحط نفسي الأول..
مش هافكر في ردود أفعال الناس لو هما حسوا إني مقصرة ف حقهم..

مش هادي نفسي للناس قوي كده.. معادش فيا طاقة لده.. معدتش قادرة أطبطب وأعتذر.. فليولع الجميع.. وليحيا البرود واللامبالاه..
واللي عاوزني يجيني أنا مابروحش لحد..

هاغير في منظري وأنكش شعري وأحط مانيكير هوت بينك وسيلفر وأحمر وأزرق وأخضر حتى.. هاغير مكياجي وهدومي..عشان لما آجي أبص في المراية علي نفسي.. ماعرفنيش..

هارقص..
على مزيكتي مش على مزيكا مشغلاها عشان تميم..

هادوس ع الوجع تحت رجلي.. هافعصه.. وهافعص معاه خيبة أملي فيك..

خلاص معادش ينفع الاستمرار كده..
لازم أرجع اشم النعناع الطازة من تاني..
لازم اشوف الصبح بقى شكله ايه؟
لازم أحاوطني بورد منقياه على ذوقي ولنفسي..
لازم أضحك..لازم "أحس" .. لازم اتنطط من الحماس على أتفه الحاجات..
لازم أولدني من جديد
--
photo: "Southern Gothic" by Maggie Taylor